2024韓國預計櫻花開花日期
2024年韓國櫻花幾時開？睇準時機買機票，嚟轉快閃旅行啦！
Hello，大家好，我哋係由韓國人話你知每日最新資訊嘅Creatrip。
因為疫情影響，大家已經有好幾年冇得嚟賞櫻，不過自從上年年尾世界各地開始逐漸開關，大家終於可以周圍去旅行！想知道2024年韓國櫻花幾時會開就記住睇埋落去啦！
2024韓國預計櫻花開花日期
weatheri
韓國氣象網站weatheri最近公佈咗2024年櫻花開花時期預測，當中最受矚目嘅係釜山嘅櫻花估計會提早成個禮拜開！所以今年釜山鎮海軍港節都會提早到3月22號開幕，係有史以來最早嘅一次。另外京畿道、首爾、江原道北部同山區，就會喺接近4月頭嘅時候開。
而櫻花通常都係開花之後大約一個禮拜就會完全盛開，所以如果大家想嚟韓國賞櫻，建議3月尾可以去釜山、大邱等南部城市，而4月頭~中就可以去首爾一帶嘅北部城市。
| 往年櫻花開花日期 | |||
| 地區 | 2024年 | 2023年 | 平均 |
| 西歸浦 | 3.24 | 3.22 | 3.24 |
| 釜山 | 3.22 | 3.27 | 3.28 |
| 大邱 | 3.26 | 3.26 | 3.31 |
| 仁川 | 4.7 | 4.8 | 4.13 |
| 光州 | 3.28 | 3.27 | 4.2 |
| 全州 | 3.29 | 3.27 | 4.5 |
| 江陵 | 3.31 | 3.31 | 4.5 |
| 首爾 | 4.3 | 4.3 | 4.10 |
不過想提提大家，雖然話韓國櫻花大約喺4月頭會開到最大，不過一落大雨就會甩曬，大家要好好把握機會啦。
2024韓國櫻花慶典
釜山鎮海軍港櫻花節
- 地址：경상남도 창원시 진해구 평안동 10
- 舉辦日期：2024.03.22 - 2024.04.01
「鎮海軍港節」係韓國最具代表性櫻花慶典，每年3、4月「余佐川」就會變身成為一條櫻花隧道，真係勁靚勁浪漫！呢個櫻花節之前因為疫情停辦咗4年，繼上年重新舉辦之後今年都確定會搞，相信一定會超熱鬧超墟冚！
除咗余佐川、慶和站呢兩個大家都應該聽過嘅賞櫻名勝，附近仲有長福山雕刻公園、海軍士官學校、帝皇山公園、安民道路等鎮海市民嘅私藏賞櫻景點，非常推薦大家嚟！
首爾汝矣島櫻花慶典
- 地址：서울 영등포구 여의도동 8-1
- 舉辦日期：未定
首爾最大櫻花慶典「汝矣島春花慶典」由2019年開始因疫情取消，上年開始重新舉辦。慶典期間櫻花路會變成行人路，禁止車輛出入，大家可以沿著超壯觀嘅櫻花路散步，享受韓國春天氛圍！
石村湖櫻花慶典
- 地址：서울 송파구 잠실로 180
- 舉辦日期：2024.03.27 - 2024.03.31
蠶室石村湖不嬲都係一個韓國賞櫻熱點，大家可以一邊沿住湖邊散步，一邊享受浪漫氣氛。而且因為附近就係樂天世界同樂天世界塔，大家賞完櫻仲可以去玩/行街！
慶州櫻花慶典
- 地址：경상북도 경주시 첨성로 140-25
- 舉辦日期：2024.03.22 - 2024.03.24
경주시청
慶州也有櫻花慶典，更加被譽為「慶尚北道優秀慶典」，而2024年都提早到3月22號舉辦，如果大家plan住去慶州賞櫻，不妨可以去參加！
大邱E-WORLD櫻花節
- 地址：대구 달서구 두류공원로 200
- 舉辦日期：2024.03.16 - 2024.04.07
如果話首爾有樂天世界，大邱就有E-WORLD！而因為大邱位於韓國南部，所以櫻花會早過其他城市開，想早過其他人睇櫻花影靚相推薦大家嚟E-WORLD！
濟州大櫻花節
- 地址：제주도 제주시 전농로 & 애월읍 장전리
- 舉辦日期：2024.03.22 - 2024.03.24
濟州「大櫻花節」被視為韓國春天第一炮櫻花重頭戲，今年亦都會一連三日舉辦！
以上係2024年韓國櫻花花期預測，大家可以參考一吓，如果想百分百享受韓國春日氣氛，可以考慮參加我哋嘅櫻花一日遊，留低一個美好回憶！
想輕鬆去其他城市賞櫻？🌸
如果有更多想知嘅內容，都可以隨時留言或者dm話俾我哋知：）
Instagram：creatrip.hk
