韓國夜市嘅真實面
首爾夜貓子夜市再延後舉辦！恐怕要無限期延長...冇夜市文化嘅韓國，真係需要夜市？
Hello，大家好，我哋係由韓國人話你知每日最新韓國資訊嘅Creatrip。
＃韓國夜市＃夜市文化
＃2021年＃韓國文化
韓國由3年前開始，掀起咗夜市熱潮，淨係首爾就巳經出現咗唔少夜市。包括汝矣島、清溪川夜市、南山韓屋村夜市等等。由於首爾嘅夜市好受歡迎，所以全國各地嘅主要城市都開始打造起「夜市（야시장）」等期間限定活動。
雖然2021年嘅夜市，因為疫情影響而停辦，但大家會唔會好好奇？點解韓國會出現咁多嘅夜市呢？
✨馬上Follow我哋IG
instagram.com/creatrip.hk
夜市原本就唔係韓國文化
全韓國夜市分布圖
韓國小編細個完全冇夜市嘅概念，如果聽到有人講「夜市」，腦入面浮現嘅大概係半夜仲係喺東大門賣衫嘅店家，對韓國人嚟講呢種充滿住食物同娛樂嘅夜間市集係要去外國先會睇到。
最接近嘅大概係「五日場」文化，即刻每五日開一次嘅簡易市場，呢啲通常喺鄉下或者人口冇咁多嘅地方先會有。
如果五日場喺1號開嘅話，咁嗰個月嘅5號、10號、15號如此類推，無論係平日假日都會開市，呢個應該就係韓國人更加熟悉嘅概念。
只係比起夜市韓國嘅豐富夜生活，令韓國人對於夜市嘅依存性同想像，變得更加難以捉摸。亦都係好多香港朋友嚟韓國行過夜市之後，感覺總係有啲怪怪哋……好似半推半就結成，冇乜「夜市」嘅感覺。
韓國夜市樣貌
雖然2021年嘅夜市全面宣布延期舉行，但喺之前熱門嘅韓國夜市係點嘅樣呢？有嚟過嘅朋友都應該知道。
韓國夜市對韓國人嚟講，算係好新奇，因為呢個概念喺韓國仲未出現好耐，所以嚟呢度可以感受到好新潮嘅氣氛。另外，韓國人平時好難食到嘅美食，喺夜市都可以食到，例如：牛排、裝喺杯入面嘅Pizza、雪糕、咖啡、烤芝士等。
啱啱開始食嘅時候，大家都覺得好新奇，但耐咗連韓國人都覺得厭。對觀光客嚟講，因為好耐先會去一次而冇咩特別感覺，但聽台灣小編形容，台灣夜市嘅樂趣就係每次去都可以食到唔同嘅美食，選擇多。但韓國夜市好似每次去，無論去邊間，賣嘅嘅嘢幾乎都好似一樣。
小編之前去過釜山富平罐頭市場、大邱嘅西門市場，嗰邊賣嘅食物都同首爾夜市嘅大同小異。比起係地方特色嘅小食，更多嘅其實係「簡單又快熟嘅食物」，呢個又真係夜市嘅初衷？
係邊個堆起韓國夜市嘅高牆？
對韓國人嚟講，呢種地方嘅小食仲要排10至20分鐘？或者呢個就係當地人同觀光客嘅差別，對性格急躁嘅韓國人嚟講，有新嘅夜市文化就自然想要去試下，但因為人多，迫到連身體都唔舒服，排咗隊攞到食物之後，又冇想像中咁好食，對我哋嚟講就會開始懷疑「韓國夜市」嘅存在到底係啲咩？
韓國夜市嘅食物價格都偏貴，大部份都係₩6,000至₩8,000，份量又唔多冇咩飽肚感。
之前同三位朋友一齊去清溪川夜市食飯，結果洗咗₩40,000左右……唔單止等咗好耐，而且味道都係一般。
韓國仲有推薦嘅夜市嗎？
撇除千篇一律嘅快餐車，小編更加鐘意南山谷韓屋村嘅夜市，雖然仲未有2021年嘅資訊，但如果大家方便嘅話可以規劃下之後嚟南山韓屋村夜市嘅行程。將傳統飲食加入現代風格，更加受韓國人歡迎。
喺古色古香嘅南山韓屋村舉辦夜市，冇咗格格不入嘅現代快餐車，反而融入環境令人有種穿梭時空嚟到過去嘅感覺。之後大家有機會嚟韓國，比起鬼怪夜市，小編更加推薦南山韓屋村嘅夜市。
唔知道大家睇完覺得韓國夜市好唔好，又吸唔吸引呢？
✨馬上Follow我哋IG
instagram.com/creatrip.hk
其他延伸閱讀 | |
 韓國人唔鍾意嘅國家 |  韓國撞樣藝人 |
