去韓國餐廳要注意嘅事
正所謂入鄉隨俗!去韓國餐廳食飯,有冇咩需要特別注意?
Hello,大家好,我哋係由韓國人每日提供最新韓國旅行資訊嘅Creatrip。
去旅行人生地不熟,係唔係都會唔知去餐廳要點落單或者點坐先啱呢?今日小編就整理左一啲去餐廳要注意嘅事,大家之後嚟就可以入鄉隨俗啦!
想食盡韓國?😋
去韓國餐廳要注意嘅事
1. 入餐廳時同職員講幾位
喺香港可能見到有位就會隨便坐,不過喺韓國,好多時入到餐廳,都要同職員講幾多位,之後等佢哋安排。
不過如果係職員太忙,大家自己揀位坐嘅話,兩個人千祈唔好坐太大張檯,因為其他人會覺得唔太好,或者職員會要求大家換位。坐低之後,職員就會送上小菜同水,大家就可以再諗吓叫啲咩食。
2. 坐喺地下嘅位
雖然而家呢種坐喺地下嘅餐廳越嚟越少,不過始終仲有啲傳統鋪頭係入門口要除鞋。
提提大家:除完鞋之後,記得要將鞋放喺鞋櫃,如果放喺地下,好容易俾人踩,甚至著錯。
3. 落單時要撳鐘或者舉手
喺韓國餐廳,想叫職員幫手,大家可以先睇吓檯上有冇一個鐘仔,撳完佢哋會好快嚟幫手,不過如果冇,大家亦可以舉手叫一聲「저기요(Jeo-Gi-yo)」(唔該),千祈唔好好似韓劇咁叫阿珠媽「아줌마(A-Jum-Ma)」,因為咁係好冇禮貌,另外大家亦可以叫「아주머니(A-Ju-Meo-Ni)」或者老闆「사장님(Sa-Jang-Nim)」。
4. 餐廳埋單時嘅禁忌
食完飯之後,當然就要去埋單啦!基本上直接去櫃檯俾錢就可以,但千祈唔好將現金或者信用卡放喺檯等職員拎,一定要親用手遞俾對方。
5. 想分開埋單
同朋友食飯,想分開俾錢,可以同職員講「따로 계산할게요(Dda-Ro Gye-San-Hal-Ge-Yo)。不過如果叫太多,可能需要同職員講要點分開叫。
另外如果大家係碌信用卡,有時需要簽名,如果見到職員手快幫你簽,千祈唔需要覺得太驚訝,因為喺韓國,係一件好平常嘅事,對韓國人嚟講都係習以為常(通常韓國人都會直接喺手機睇到扣咗幾多錢)。收據通常職員會直接揼,大家需要同職員講聲就可以。
6. 食飯時要注意啲咩?
韓國每食一餐都會俾勁多小菜,大家食完想加可以請職員幫手,或者睇吓鋪頭入面有冇寫SELF(셀프)嘅字,如果冇即係代表要自己去拎。
7. 鋪頭有冇最低消費?
通常去食燒肉,大家都係以人頭數去計,但唔想食太多,可能都要留意吓鋪頭有冇寫「N人份起跳」。
另外,有啲地方係需要一人一份,如果有帶小朋友,怕食唔哂,都可以喺入鋪頭前問吓職員係唔係一定要叫一份。
以上就係去韓國餐廳時要注意嘅事,希望可以幫到大家啦!
自己一個嚟韓國玩?
如果有更多想知嘅內容,都可以隨時dm話俾我哋知:)
Instagram:creatrip.hk