韓國選舉文化
民主得來不易！韓國嘅選舉制度同文化
Hello，大家好，我哋係由韓國人每日提供最新韓國旅行資訊嘅Creatrip。
韓國係東亞民主國家之一，撇除北韓，南韓國內政治同經濟相對穩定，文化同觀光產業亦開始發達起嚟。不過，大多數嘅外國旅客都唔太清楚韓國嘅民主化歷程。直到近幾年，因為幾部講述韓國慘痛歷史嘅電影，外國人先對韓國民主進程有初步了解。
呢篇文章主要係介紹韓國歷史上關於政治制度嘅演變，等更多人除咗嚟韓國旅行之外，都可以了解下韓國嘅民主化發展、政治演變。
韓國選舉文化
總統選舉
韓國總統選舉制度，通過多次憲法修正案發生唔少變化。韓國總統任期係5年，喺某啲情況下，總統可以連任，而喺其他情況下，任期可以延長至七年，甚至唔係由大眾去選，而係通過國民議會間接選。
NEWSIS
只要係滿18歲以上嘅韓國人就可以投票，而總統候選人亦有年齡限制，只有年滿40歲公民先有資格。
歷代投票率
自1987年恢復總統直選制，第13、15屆總統選舉投票率均超過80%。 然而到咗 2000年代，投票率已經跌到63~70%左右。然而，因為朴槿惠總統被彈劾後民眾政治參與度提高，第19任總統投票率達到77.2%，係20年嚟最高一次。
投票預熱活動
연합뉴스
韓國有唔同政黨，佢哋會先喺黨內舉行稱為「內部初選選舉」，選出一位國民議會議員作為總統候選人。
SNL
經過初選，就會開始通過各種媒體宣誓，開展公關活動。 最近唔少候選人為咗得到年青人歡心，仲會出現喺SNL等娛樂節目。
成為候選人之後會參加總統候選人辯論，每個候選人都會問啲好尖銳嘅問題，同時佢哋會承諾擔任總統後會為市民做啲咩，喺大約兩個鐘進行激烈討論。
영화 검사외전
總統選舉會喺現任總統任期剩底70日第一個星期三舉行，選舉準備期為23日 。之後每位候選人正式登記為總統候選人，開始認真準備選舉，選舉活動一直持續到選舉日前一日。
연합뉴스
喺呢23日入面，佢哋會不斷揸車周圍走去公開演講，向市民分發小冊子，通過海報、banner同媒體積極宣傳。
韓國選舉文化獨特之處
餐廳同傳統市場係候選人最想會去嘅地方之一，因為喺度工作嘅人年紀都會比較大，對政治都比較有趣，所以佢哋都會好積極希望拉到票。
加上餐廳同市場有一種平民嘅感覺，唔少候選人為咗俾人一個深刻印象都會去呢啲地方。
選舉日及法定假期
韓國總統選舉同國會議員大選都被指定為公眾假期，呢個係為咗誘導更多人參與投票，通常都會選定星期三舉行，因為如果揀喺週末進行，好多人就會懶得出門唔想去投票。同樣始果揀星期一、五可能會想連續休息，所以最好就係揀中間日子星期三。
事前選舉
選舉唔係只係得當日可以投票，因為有時可能因為特定情況冇得喺當日去，都會有一個提前投票，今年就係喺3月4號至5號，每日朝早6點至晏晝6點舉行。
當然亦有啲人為咗可以有一個完整假期，都會提前去投票，以第19屆總統選舉事前投票率為例，都有26.06%，算係投票率都幾高。
選舉運動
喺選舉期間，佢哋都會有一屆選舉巴士，上面掛住大大嘅Banner，然後用大聲公承諾之後會點做，積極去宣傳。
甚至會播歌，前面有人喺度跳舞，大聲叫口號，就算住得高樓層，都有機會聽到。
投票認證
如果去完投票，好多韓國人手上都會扱咗一個印，唔少人都去post相ig，成為一個流行。
甚至好多藝人去完投票，都會出post叫大家一齊去。
計票方式
只要一到晏晝6點，唔少電視台都會播放投票結果。
現場會直播每個地區嘅候選人得票投票結果，因為會加入唔少CG，超搞笑同得意，令人忍唔住會想一直睇。
小編今次非常簡略咁整理咗韓國民主化嘅過程同現況。民主得來不易，需要各界一齊努力先可以做到。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
