哪裡有手工酒體驗？

UUHEE（聖水）同 MOOINN GONGBANG（弘大）有手工酒製作體驗。兩處都提供水果、花、藥材酒DIY。

哪裡做傳統米酒體驗？

Suguk（建大）同春風釀造廠提供韓國傳統米酒工作坊及廠區探索之旅。

哪裡做潔面乳DIY？

Whipped House（聖水）係聖水洞旗艦店，原先曾喺汝矣島The Hyundai Seoul做Pop-up。

毛毛鐵線公仔要幾耐？

手作毛毛鐵線公仔體驗只需要30分鐘，適合送禮或自用。

哪裡做泡菜DIY課程？

泡菜文化體驗館（景福宮、安國站）有為外國人準備的泡菜製作課程，會幫你包好方便帶上機並可現場試食泡菜煎餅。

Creatrip: 韓國手工DIY工作坊體驗推薦

Q: 哪裡做傳統米酒體驗？

Suguk（建大）同 春風釀造廠 提供韓國傳統米酒工作坊及廠區探索之旅。

Hello，大家好，我哋係由韓國人每日提供最新韓國旅行資訊嘅Creatrip。

去旅行除咗不斷去景點參觀同影相，有時候可以放慢腳步，參加各種特色DIY工作坊，製作出超有紀念價值嘅紀念品同手工藝！韓國有咩DIY體驗可以玩？今日就睇下小編介紹，有興趣嘅話可以save低下次嚟體驗！

韓國手工DIY工作坊體驗推薦

手工酒DIY體驗

UUHEE Atelier 水果及花卉酒DIY製作體驗館，兩瓶高顏值手工製作的水果-infused 酒放在展示台上。

一位參與者在UUHEE Atelier DIY體驗館中，將乾燥水果放入玻璃瓶中，用於製作手工酒。

最近韓國好興整各種水果、花、藥材酒，大家可以揀自己鍾意嘅口味，泡製出出色彩繽紛嘅酒，影相打卡夠靚之餘味道一流，鍾意飲酒嘅你一定唔可以錯過！

[스팟] MOOINN GONGBANG手工酒製作體驗（弘大）

韓國傳統米酒DIY體驗

除咗水果酒之外，大家仲可以去整韓國傳統米酒，由蒸米到發酵成個過程都可以體驗！對韓國酒文化有興趣嘅話仲可以去埋參觀韓國米酒廠（就好似細個去益力多工廠參觀咁XD

[스팟] Suguk韓國傳統米酒工作坊（建大）

[스팟] 春風釀造廠 | 韓國傳統米酒探索之旅

潔面乳DIY體驗

參加韓國Whipped潔面乳DIY體驗課程，顯示一位學員正在製作具有忌廉質感的潔面乳。

Whipped潔面乳DIY體驗擺滿由學員製作完成的精美潔面產品，整齊排列的容器展示出特別的質感。

Whipped係韓國一個好出名嘅護膚產品brand，招牌潔面乳質地同忌廉一樣超得意！之前喺汝矣島The Hyundai Seoul搞Pop-up Store，吸引好多人排隊買！而家喺首爾聖水洞開咗旗艦店，大家仲可以參加手作DIY課程，自製潔面乳。

手工蠟燭製作DIY體驗

最近韓國多咗好多手工製作班，手工蠟燭唔單止可以做裝飾，仲可以實際用或者送俾人，非常實用！無論係可愛熊仔型蠟燭定勁逼真嘅蛋糕蠟燭都可以學整，成個過程勁療癒！

[스팟] YESAROY手工蠟燭工作坊（聖水）

泡菜製作DIY體驗

韓國泡菜DIY體驗的食材準備，展示了新鮮的大白菜與其他製作泡菜所需的蔬菜。

泡菜DIY體驗過程中，學員正在用辣椒醬醃製泡菜，雙手戴著手套以確保衞生安全。

講起韓國當然唔少得泡菜，大家又有冇諗過親手學整呢？位於景福宮安國站嘅泡菜文化體驗館有專為外國人準備泡菜製作體驗課程，由經驗豐富嘅專家手把手教大家整泡菜，仲會幫你包好方便帶上機，更加可以現場試食泡菜煎餅，深入瞭解韓國飲食文化！

🔎「泡菜文化體驗館」詳細介紹

香水DIY體驗

一位女子在韓國香水DIY工坊內試香，學習如何製作獨特的個性化香水。

韓國Greedy Scent香水製作體驗，兩個充滿個人風格的香水瓶被手持展示，背景是工作坊的製作區域。

坊間有唔少人氣香水款式，不過如果人人都買嚟用，就會即刻冇曬個人特色... 韓國有好多香水工坊，大家可以自己親手DIY香水，除咗可以學到更多有關香水嘅知識，仲可以整返支獨一無二嘅香水！

[블로그] 韓國手工DIY工作坊體驗推薦

飾物DIY體驗

韓國飾物DIY體驗中的情侶戒指DIY活動展示，兩人製作的戒指於手指上展示出來，象徵愛與紀念。

Franco Art Lab 飾物DIY工作坊展示出合作完成的飾品樣品，包含不同材質的高品質手鏈和項鏈。

如果係同另一半嚟韓國玩，一起整返對情侶戒指或者飾物，相信會成為一個非常難忘嘅回憶！韓國飾物DIY工作坊大部分都係整戒指，無論係99%銀戒指到木質戒指都有！另外，亦都有唔少工坊會提供手鍊、頸鍊DIY體驗，建議揀用料比較高級嘅工坊，可以保存比較耐之餘更加冇咁容易敏感！

[스팟] UniU Seongsu（聖水）

手工印章製作DIY體驗

在魚羅淵篆刻體驗館內，參與者們專注於手工製作個人印章，體驗韓國的傳統篆刻藝術。

韓國篆刻體驗的一雙手正在精心雕刻木製印章，把創意和文化帶進生活。

唔知大家有冇韓文名呢？如果有嘅話，不妨可以去整返個有自己韓文名嘅印章！首爾仁寺洞有好多賣印章嘅鋪頭，推薦大家直接去印章體驗館，等專業導師教你怎麼刻返個專屬你嘅印章，整返件獨一無二嘅紀念品！

手工毛冷袋製作DIY體驗

韓國手工毛冷袋DIY體驗中色彩斑斕的毛冷袋展示，吸引眾多手工藝愛好者前來。

手工毛冷袋DIY體驗中導師指導學員，使用巨型冷線和雙手製作獨特風格的手袋。

用巨型冷線同雙手就可以織成一個袋？最近連韓國明星都迷上編織，呢個體驗更加唔需要其他工具，只要根據導師指示一步一步整，就可以將色彩繽紛嘅冷線變成一個袋，成為今次旅行最實用、最有紀念價值嘅紀念品！

🔎「手工毛冷袋製作體驗」介紹

Tufting DIY體驗

韓國Tufting DIY 體驗裡的工作空間景象，體現了獨特的槍式工具與色彩繽紛的地毯作品。

展示於Tufting DIY工坊的顏色鮮豔且創意十足的毛氈作品，包括披薩片和球鞋圖案。

最近無論係韓國定香港，Tufting受到越嚟越多年輕人歡迎！其實Tufting就係用一枝槍狀嘅機器加上毛線整出一個個pattern，而通常都會用嚟整毛毛地氈。呢度提供80種顏色嘅毛線，大家可以自由整一件作品帶返屋企。有興趣嘅朋友可以透過我哋報名！

手作毛毛鐵線公仔DIY體驗

毛毛鐵線公仔DIY體驗展示台上可愛的小熊公仔，適合作為旅行紀念品或禮物。

一個韓國手工製作的毛毛公仔掛於精緻皮包上，展示出精湛的工藝與設計感。

旅行每分每秒都好珍貴，如果想簡簡單單參加手工DIY工作坊，推薦大家去整毛毛鐵線公仔！呢個體驗只需要30分鐘，整完無論送禮定自用都好啱！

韓國民俗畫體驗

韓國民族畫DIY體驗中，學員專注於繪製獨特風格的畫作，參與者享受沉浸式創作過程。

展示於民族畫DIY體驗工作坊的精彩畫作，描繪著韓國傳統主題如兔子與山水景觀。

如果大家對美術有興趣，不妨可以去畫韓國傳統民畫，唔單止可以深入瞭解韓國文化，更加可以激發創意、放鬆身心，親手畫完仲可以帶返屋企做紀念品！

韓國傳統吊飾&布袋DIY體驗

參與於韓國傳統吊飾DIY工作坊的學員，專注於製作韓服風情吊飾，精緻的材料散佈在桌面上。

韓國傳統吊飾DIY工作坊製作品展示，兩款色彩鮮明的吊飾成品放在精緻的桌面裝飾上。

大家喺韓國路邊攤販應該成日都會見到呢種精緻韓式傳統吊飾，不過自己整相信會更加有紀念價值！小編今日要推薦嘅呢間韓服鋪每逢weekend都有搞工作坊，教大家整傳統韓服吊飾同布袋，勁特別！

🔎「韓國傳統吊飾&布袋工作坊」介紹

[스팟] Danha韓服韓國傳統飾物工作坊（北村）

[스팟] Leesle韓服韓國傳統飾物工作坊（弘大）

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！