logo

乙支路美食總整理

乙支路離明洞超近!想知韓國人都去邊搵食,嚟呢到就冇錯!

김남이
a year ago

Hello,大家好,我哋係由韓國人每日提供最新韓國旅行資訊嘅Creatrip


喺明洞、忠武路、東大門歷史文化公園附近,就係深受首爾當地人最鍾意嘅乙支路。雖然聽落去有啲陌生,但其實都係非常熱門嘅首爾景點。喺乙支路一帶,有好多不被觀光客打擾嘅美食同咖啡廳。快啲跟住小編嘅腳步,一齊嚟品嚐乙支路美食啦!



乙支路美食總整理

1. 韓唵銅(한암동)

  • 地址:서울 중구 을지로 170
  • 營業時間:11:30 - 22:00(Break Time 15:00 - 17:00、Last Order 21:00)
  • 小Tips:乙支路4街站(을지로4가역)9號出口行1分鐘

韓牛 韓牛餐廳 韓國美食 首爾美食 韓國餐廳 首爾餐廳 乙支路美食 乙支路餐廳 韓唵銅 價錢 menu 預約


「韓唵銅」係一間頂級韓牛專賣店,所有菜式都選用韓國最高級1%嘅母牛,肉質鮮嫩得嚟味道濃郁!而佢嘅乙支路分店就喺乙支路4街站出口附近,裝修非常有韓國古典風情,簡約得嚟俾人一種高級嘅感覺。


韓牛 韓牛餐廳 韓國美食 首爾美食 韓國餐廳 首爾餐廳 乙支路美食 乙支路餐廳 韓唵銅 價錢 menu 預約


嚟到呢度,除咗最招牌嘅火爐炭燒韓牛同鯛魚釜飯,仲有由泡菜達人用30年以上時間研究出嚟嘅「泡菜拼盤」,大家有機會一定要試!大家去之前記住要download定我哋嘅coupon,出示俾職員睇就可以免費得到一碗迷你牛骨湯!

「韓唵銅」優惠券 | 撳我預約

 「韓唵銅」詳細介紹


2. 乙支閣樓(을지다락)

  • 地址:서울 중구 수표로10길 19 4F
  • 營業時間:星期一至五 11:00 - 21:00(Last Order 20:20)、星期六至日 11:00 - 20:30(Last Order 19:50)
  • 小Tips:乙支路3街站(을지로3가역)9號出口行4分鐘

乙支閣樓

乙支閣樓 乙支路美食


乙支路一帶被稱為「Hip支路(힙지로)」,因為呢度嘅小巷外觀雖然睇落好舊,但其實隱藏唔少年青人成日去嘅餐廳,今次小編去乙支閣樓就係由西餐同酒吧結合嘅空間。


乙支路乙支閣樓 乙支路美食


蛋包飯同香辣忌廉意粉係佢哋嘅招牌菜,幾乎每個人去到都會叫,有興趣嘅朋友可以試吓!



3. The Ranch Brewing(더랜치 브루잉)

  • 地址:서울 중구 을지로12길 11
  • 營業時間:星期一至五 17:00 - 00:00、星期六及日15:00 - 00:00
  • 小Tips:乙支路3街站(을지로3가역)10號出口行2分鐘

乙支路入口 美食推薦


經過嘅時候可能以為只係一個啤酒自動販賣機,但其實呢到係一個餐廳入口,係唔係好特別呢?


乙支路 2022 乙支路入口站

乙支路


入到去好有美式風格,小編叫咗墨西哥烤雞菠蘿口味Pizza,同啤酒一齊食,完全係超爽!



4. Dressing Room(드레싱룸)

  • 地址:서울 중구 충무로5길 6-1 3F
  • 營業時間:17:00 - 23:00(Last Order 22:20)、 逢星期二休息
  • 小Tips:乙支路3街站(을지로3가역)9號出口行1分鐘

乙支路 Dressing Room


呢間餐廳係專賣調酒嘅酒吧,由入口已經感受到一種神秘感。


韓國 乙支路 美食餐廳

首爾 乙支路


以天鵝湖更衣室為主題,周圍都加咗鏡、芭蕾舞鞋等表演道具元素裝飾,好新穎同獨特,夜晚嚟到,推薦大家可以叫杯紅酒或調酒,好好享受呢度嘅氣氛。



5. 乙支啤酒屋(을지맥옥)

  • 地址:서울 중구 수표로 48-16 2F
  • 營業時間:15:30 - 02:00
  • 小Tips:乙支路3街站(을지로3가역)11號出口行2分鐘

乙支路 推薦 餐廳


乙支路 美味餐廳


乙支啤酒屋係一間好出名嘅酒吧,呢度用咗現代霓虹招牌吸引咗好多人注意,只要經過一定會俾佢吸引,入口用咗粉紅色設計,好難令人唔望多幾眼。


乙支路 啤酒店


呢度嘅啤酒仲會用唔同嘅玻璃杯去裝,相當特別。



6. 萬善HOF(만선호프)

  • 地址:서울 중구 을지로13길 19
  • 營業時間:12:00 - 00:00
  • 小Tips:乙支路3街站(을지로3가역)4號出口行1分鐘

首爾2022 乙支路 四街站



80年代,好多印刷業工人喺乙支路工作,唔少人收咗工之後會約埋一齊飲酒食啲小食,當中佢哋最鍾意食嘅就係用明太魚製成嘅魚乾(노가리)。基於時代背景,乙支路開設咗好多賣魚乾嘅酒吧,亦成為現今「乙支路魚乾街」由來,呢度好有歷史價值,2015年被登記為首爾未來遺產。


乙支路三街站 餐廳

乙支路入口站 在地美食


咁多間酒吧最出名就係「萬善HOF」,裡面好多小食都好有特色,平時放工都有唔少人去食,有時仲要排隊等添!



7. 乙三田螺(을삼골뱅이)

  • 地址:서울 중구 수표로 50
  • 營業時間:唔定
  • 小Tips:乙支路3街站(을지로3가역)11號出口行1分鐘

2022 乙支路


除咗魚乾街之外,唔少喺附近工作嘅人都會成日去海螺街,因為海螺同啤酒一齊食意外地夾啊!


乙支路


東杓乙三田螺餐廳由1962年開始營業,大家睇佢招牌就可以知道佢幾有歷史,大家之後會唔會都想去試吓呢?



8. 永樂海螺(영락 골뱅이)

  • 地址:서울 중구 수표로 52
  • 營業時間:14:30 - 02:00
  • 小Tips:乙支路3街站(을지로3가역)11號出口行1分鐘

2022乙支路

首爾 乙支路 美食推薦


永樂海螺入面有少少舊式風格,但入到去俾人一種好乾淨嘅感覺。


推薦 美食 乙支路

 

小編叫咗一份海螺,裡面加咗好多大蔥、醃蘿蔔同海螺,小菜仲有午餐肉、魚糕湯、雞蛋捲等,份量相當多,加返支燒酒就係完美!



9. 舍廊房刀削麵(사랑방칼국수)

  • 地址:서울 중구 퇴계로27길 46
  • 營業時間:星期一至六 10:30 - 21:40、星期日 10:30 - 16:00
  • 小Tips:乙支路3街站(을지로3가역)9號出口行5分鐘

2022乙支路


美食推薦 乙支路


只要一到Lunch Time,舍廊房刀削麵就會超多人去排隊食(小編都係其中一個  ),呢度CP值超高,天氣凍嘅時候,嚟呢到食返一碗,個人即刻暖笠笠!


2022 首爾 乙支路美食


呢度由1968年起營業,唔少當地人同電視節目都大力推薦,講到乙支路美食,絕對冇人唔知佢嘅存在!水煮半雞(백숙백반)一份只要₩9,000,配多碗刀削麵(₩7,000)就已經好夠!



10. 又來屋(우래옥)

  • 地址:서울 중구 창경궁로 62-29
  • 營業時間:11:30 - 21:00(Last Order 20:30)、逢星期一休息
  • 小Tips:乙支路4街站(을지로4가역)4號出口行1分鐘

首爾 乙支路 飯店美食


乙支路 平民美食


又來屋係專門食平壤冷麵,佢仲我到米芝蓮推薦,鋪頭有分2層,只要一到食飯時間就會爆滿。


首爾 推薦美食


雖然呢度價錢偏貴(₩16,000),但係一直以嚟都吸引唔少人嚟食。



11. 平來屋(평래옥)

  • 地址:서울 중구 마른내로 21-1
  • 營業時間:11:00 - 22:00(Break Time 15:30 - 17:00、Last Order 21:00)
  • 小Tips:乙支路3街站(을지로3가역)11號出口行2分鐘

乙支路

必吃 美食乙支路


只要一到夏天,佢哋就會推出限定醋雞冷麵,入面有好多雞肉,而且超清新,相信大家一試愛上!



12. 青瓦屋(청와옥 을지로3가직영점)

  • 地址:서울 중구 을지로 110
  • 營業時間:08:00 - 22:00
  • 小Tips:乙支路3街站(을지로3가역)11號出口行1分鐘

2022 美食 乙支路


由乙支路三街站11號出口出嚟,就可以見到以青瓦砌成嘅青瓦屋。


推薦 乙支路美食

2022 韓國乙支路


扁柏套餐係用雞髀菇、大豆芽、牛肉湯、飯蒸製而成嘅料理,營養豐富,味道淡中帶香,令人回味無窮;而用陶碗燉煮嘅血腸湯飯,可以自己加蝦醬、鹽去調味,食完之後超有飽肚感。



13. 五道麵屋(오도면옥)

  • 地址:서울 중구 수표로6길 27
  • 營業時間:11:00 - 22:00(Break Time 15:00 - 16:30)
  • 小Tips:忠武路站(충무로역)6號出口行3分鐘

美食 推薦 乙支路2022


乙支路四街站 美食推薦


「五道麵屋」喺乙支路同忠武路中間,係當地人鍾意去嘅燒肉店之一,對於鍾意尋寶美食嘅人嚟講,呢度真係最適合不過啦。


乙支路 美食推薦


鮮嫩、入味嘅韓牛喺炭火上滋滋聲,食過一次就令人難忘。而且一定要叫佢地嘅冷麵同拌飯,都係大碗又抵食嘅經典料理。

五道麵屋優惠券|撳我下載

 「五道麵屋」詳細介紹


14. 黃牛固執(황소고집)

  • 地址:서울 종로구 청계천로 75-1
  • 營業時間:10:30 - 21:00、逢星期日休息
  • 小Tips:鐘閣站(종각역)4號出口行5分鐘

2022 推薦 美食



「黃牛固執」喺清溪川附近,可以話係當地上班族嘅最愛,燒豬肉量多唔再講,各種小菜更放到成枱都係,睇到都覺得非常之吸引。


乙支路 推薦美食


呢度雖然細細間,但成日都會好多人,Lunch Time只會供應「辣醬烤肉套餐」,入到鋪頭之後同老闆講幾人份就好。



15. 山水甲山(산수갑산)

  • 地址:서울 중구 을지로20길 24
  • 營業時間:星期一至五 11:30 - 22:00、星期六 11:30 - 21:00、星期日休息
  • 小Tips:乙支路4街站(을지로4가역)10號出口行4分鐘

韓國 首爾 乙支路


「山水甲山」會咁受韓國人歡迎,唔係無道理㗎!佢位於乙支路三街、四街中間 ,小編之前去就見到唔少一大早嚟飲酒傾偈嘅大叔,通常只要韓國大叔鍾意嘅美食都係代表超好味!


乙支路三街 美食

首爾 乙支路 推薦

 

通常一般嘅血腸都係粉絲比較多、豬血比較少,外皮都唔係真嘅豬腸,但呢度嘅血腸確實係滿滿嘅糯米同豬血,敢食嘅朋友一定要嚟試吓啦。



16. 東源家(동원집)

  • 地址:서울 중구 을지로11길 22
  • 營業時間:星期一至五 09:00 - 22:00、星期六 09:00 - 21:00、逢星期日休息
  • 小Tips:乙支路3街站(을지로3가역)9號出口行4分鐘

韓國 首爾 乙支路 美食


韓國薯仔湯係唔係令好多人都念念不忘呢?乙支路嘅東源家可以話係最出名嘅薯仔湯。超過40年嘅歷史,香辣、滿足嘅排骨同薯仔係佢哋嘅特徵,係小編食過一次非常難忘嘅味道。


乙支路入口站 美食 推薦


一人份已經會俾勁多料,但大家亦都可以按照個人需求,點非一人份嘅「大、中、小」份,另外一定要叫埋佢哋嘅血腸,配辣醬一齊食先係最好食。



17. 武橋洞乾明太魚湯(무교동 북어국집)

  • 地址:서울 중구 을지로1길 38
  • 營業時間:星期一至五 07:00 - 20:00、星期六及日 07:00 - 15:00
  • 小Tips:市廳站(시청역)4號出口行4分鐘

乙支路入口 美食

2022 推薦 乙支路美食


武橋洞乾明太魚湯一到Lunch Time就會有好多上班族同當地居民去食飯,呢度只賣明太魚湯,用料新鮮,價錢仲要唔貴!


2022 乙支路 美食


明太魚湯係用牛肉湯同明太魚熬煮而成,味道濃郁,寒冷冬天或酒後第二日食佢就最好不過!

以上就係小編整理好嘅乙支路美食攻略,唔知睇完大家有冇想去邊一間呢?




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章