韓國高中最靚校服
韓國校服真係好似韓劇咁靚？大家又覺得香港靚啲定韓國靚啲呢？
Hello，大家好，我哋係由韓國人話你知每日最新資訊嘅Creatrip。
平時睇韓劇、電影入面都會成日見到著住校服嘅學生出現，好多香港人都會話，韓國嘅校服點解可以靚過香港嗰啲咁多。的確對韓國人嚟講，有好高中校服雖然係好靚，不過有啲校服係就連佢哋都唔太接受到...唔知大家又會點睇呢？
韓國校服同香港一樣有分做夏季同冬季，夏季校服嘅上身係短袖，裙嘅質地會比較薄，好啱喺夏天著，通常韓國嘅高中，會貼公告話俾學生知，要由幾時開始可以開始著夏季校服，統一換季。而冬季校服，主要就係長袖再配背心或者冷衫，下半身就係裙。主要係喺春、秋、冬三個季節嘅時候著，但最近越嚟越多女高中生，冬天嘅時候會換成著長褲。
1. 國立傳統藝術高中
位於首爾嘅國立傳統藝術高中，係一間專門培養傳統藝術人才嘅國立高中，BIGBANG嘅GD、SS501嘅亨俊、演員張瑞希都係喺呢間學校畢業嘅。女仔嘅校服係粉紅色，而男仔係灰色。
國立傳統藝術高中嘅校服大致係以天藍色為主，真係靚到連小編都想試下著。小編嘅中學校服雖然都係藍色，不過就冇呢種校服咁靚。
2. 首爾公演藝術高中
首爾公演藝術高中係一間好出名嘅學校，miss A秀智、前f(x)雪莉、EXO KAI、EXO 世勛、Girl's Day惠利、BTS柾國等，都係喺呢度畢業。
唔知道係唔係因為藝術高中嘅關係，黃色上衣真係好顯眼。呢套黃色校服係首爾公演藝術高中嘅冬季制服。
上面呢套就係夏季校服，無論係冬季定夏季校服，睇落都係好靚，就好似係會出現喺韓劇入面咁。
實際上首爾公演藝術高中嘅校服喺TVN《三個傻瓜》節目入面，被選為韓國最靚校服嘅第一名。
3. LILA藝術高中
LILA藝術高中係位於首爾，f(x)LUNA、T-ARA智妍、Wonder Girls惠林都係喺呢間高中畢業。佢哋嘅校服係唔係睇落又簡單又靚呢？由黃色同咖啡色組合而成嘅條紋格子蝴蝶結，同蘇格蘭風嘅裙。
除咗女學生嘅校服之外，男仔嘅校服係唔係都好乾淨又好靚呢？如果小編嘅學校都係呢種校服的話，你話幾好呢。
4. 翰林演藝藝術高中
韓林演藝藝術高中相信大家一定唔會陌生，SHINee泰民、f(x)Krystal、BTOB陸星材、TWICE多賢、彩瑛、子瑜，同邕聖祐，都係喺呢一間學校畢業。呢度有演藝系、音樂劇系、實用舞蹈系、模特系、影片製作系，可以話係培養出好多大勢藝人嘅高中。
小編個人覺得翰林演藝藝術高中嘅校服，係全韓國最靚嘅，因為佢嘅款式算係幾簡單，顏色搭配都好靚。
5.民族史觀高中
民族史觀高中可以話係全韓國最好嘅高中之一，所有學生都要住學𣐀宿舍，而且校規都好嚴格，可能就係因為咁，民族史觀高中嘅校服係韓服！佢哋嘅校服有兩種，一件係長袍校服的禮服。（上面嗰張相！)，另一種就係改良之後嘅韓服。聽講改良韓服係會比一般嘅校服更加舒適。
可以入到去呢間學校嘅學生都會被稱為精英，大部分畢業生都會到國外知名嘅大學留學，所以都係一間好出名嘅「留學高中」，所以就有好多父母每年都想將自己嘅仔女送到去呢度讀書。
6. 首爾京畿女子高中
tvn@三個傻瓜
首爾京畿女子高中嘅校服就有一種古典氣質，有啲似70、80年代嘅復古制服，對於韓國人嚟講，係同時兼具古典又靚嘅校服之一。
呢套校服真係好似時代背景比較耐嘅韓劇或者韓國電影入面，會出現嘅樣式。實際上，首爾京畿女子高中校服都係喺韓國節目入面，被選為最靚嘅校服第三名。
7. 忠南外語高中
jiakim
tvn@三個傻瓜
喺TVN《三個傻瓜》節目入面被選為最靚嘅韓國校服第二名，就係忠南外國語高中校服。冬季校服有個又大又可愛嘅粉紅色蝴蝶結，同剪裁俐落嘅校服外套，深深擄獲咗女仔嘅心。而且，因為校嬲係天鵝絨材質，唔單止著得好保暖，睇落都高級。
tvn@三個傻瓜
忠南外語高中嘅夏季校服，白色外套配上襯衫真係好可愛，校裙仲係韓國好少見嘅吊帶裙，更加獨特同靚。
8. 世和女子高中
世和女子高中位於首爾，係韓國出名嘅短道競速滑冰選手「沈錫希」嘅母校。
世和女子高中嘅校服雖然簡單，但係好靚，藍色外套配上土黃色裙，加上藍黃蝴蝶結，顯得女仔嘅氣質更加突出。
9. 水原外國語高中
水原外國語高中嘅校係棕色系嘅校服，係俾到人溫暖又可愛嘅感覺。冬季就係藍色上下裝搭配啡色馬甲，而春季就係搭配米色褲同啡色冷衫。雖然唔係啲好華麗嘅校服，但就好適合日常著嘅款式！
加上喺有啲暗淡嘅校服上面，加咗亮色嘅蝴蝶結，就可以增添清新可愛嘅感覺。
10. 全州藝術高中
一提到全州出身就會諗到嘅明星太妍！之前太妍喺IG po咗佢10幾年前著過嘅全州藝術高中校服嘅自拍照，令全州藝術高中嘅校服都成為咗話題！
全州藝術高中嘅天藍色上下裝同中間嘅白色褶皺裝飾，好有高貴優雅嘅感覺！
而同夏季有另一種魅力嘅冬季！格仔花紋領呔、馬甲同裙，仲有金色鈕釦嘅外套真係好啱！如果高中係呢種校服嘅話，去遊樂園嘅時候好似冇必要租借校服，就咁著都可以成為全場焦點。
高中生每日都要著校服出門口，可以話係陪伴自己3年嘅時間。大家睇完上面最多款嘅校服，又最想著邊一套呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
