真係Made In Korea？
唔係件件衫都係Made In Korea，中國製更加多？韓國衫公開嘅祕密，行地下街要睇⋯？
Hello，大家好，我哋係由韓國人話你知每日最新韓國資訊嘅Creatrip。
＃韓貨＃韓國製＃Shopping
＃MadeInKorea＃韓國產
＃韓國服飾＃女裝＃衫
好多人嚟韓國Shopping，就係睇中韓國衫質感好、剪裁同設計靚。
不過，大家又知唔知，其實你買嘅呢啲平衫，好多都唔係Made In Korea，最多只算係「喺ㅇㅇ國以韓國流行概念製作嘅衫」。
✨馬上Follow我哋IG
instagram.com/creatrip.hk
真係Made In Korea？
隨住Kpop喺世界流行，連帶韓國美妝同時尚都喺全世界興起，而有K-fashion同K-beauty嘅稱號。
「MIK（Made In Korea）」變成一種品牌甚至噱頭。
其實，大家就算係直接嚟韓國買衫，喺地下街同商場所賣嘅衫，有好多都唔係「韓國製」。
大家只要睇下標籤，就可以見到上面好多都寫住中國製（Made In China）。
好多人一定諗「咦？我明明買韓國品牌，但點解會係中國製（Made In China）呢？」。
對呢件事情，韓國人一啲都唔驚訝，應該可以話已經習以為常。
其實呢一點有少少玩緊文字遊戲，所謂嘅韓貨，好多商家都係講緊「因應韓國流行而製作出嚟嘅服飾」，作為marketing手段。
現存嘅韓國成衣工廠其實數量唔多，全部衫都要喺南韓製作嘅話，成本會好高。
普遍喺韓國服飾產業上，韓國人唔會對非國產貨咁抗拒，主要係因為就算生產地唔係喺韓國，但設計同品牌核心都喺韓國嘅話，大家都仲接受到。
所以，韓國服飾品牌就算唔喺韓國製作，但只要係韓國品牌，並誠實話界大家知係喺邊度整就得。
上圖係某一個購物頻道，佢哋將中國製嘅衫講成韓國製造，以呢一點作為噱頭出售，上埋新聞，被當局重罰。
即使兩件衫嘅設計同材質一樣，只要貼上韓國製就會貴好幾倍。
所以大家喺明洞、東大門、地下街買到嘅衫，冇標出產地，或者價錢特別平，應該都係非韓國製造。
畢竟如果件衫係喺韓國製，又點會唔大力宣傳呢？
如果真係想買韓國製嘅衫，建議就去百貨公司、品牌專賣店問，或者睇相關標籤。
基本上（小編唔敢100%擔保），韓國嘅標籤都可信嘅，因為被人捉到，都罰得幾重。
好多品牌都會揀去中國、越南等地製造，降低成本，再運返韓國出售。
韓國警察每年都會捉呢啲不良業者，大規模抽查，只要有一件來源唔啱（例如明明喺中國運過嚟，上面寫Made In Korea），就會全部撤查。
所以，大家可以放心，標籤都算可信。
至於剪咗牌嘅，就直接認定係中國製啦！
不過最令人震驚嘅係：百貨公司同東大門賣嘅衫，竟然有一模一樣嘅設計，價錢就差咗十萬八千里。
呢個唔係剪標籤、換標籤咁簡單，係將人哋嘅諗法變成自己嘅品牌，再出售。
東大門、明洞、地下街買嘅衫，有好大一部分都係中國製，但價錢就會相對平，就睇各位接唔接受到。
除咗衫會有來源地造假嘅情況，將中國產講成係韓國產嘅，仲有食物。
相對嚟講，韓國人比較唔可以容忍中國產嘅食物。
韓國政府定明，商家要將基本用料產地放喺店入面當眼位。
政府每年都會抽查食產品、生活用品嘅原產地標示係咪正確。
2016年，違反產地標示嘅案例總罰金就高達6,000億韓元（166億台幣）。
上圖係釜山市某間牛肉火鍋，用嘅係澳洲牛肉，卻喺標示版上標明係國內產⋯⋯
小編教大家一啲國家嘅韓文，下次喺韓國可以留意一下。
- 中國 중국
- 韓國 한국
- 澳洲 호주
- 美國 미국
- 日本 일본
- 加拿大 캐나다
- 越南 베트남
- 泰國 태국
雖然防不勝防，唔可以同大家保證邊間商店100%係Made In Korea。
大家嚟到韓國shopping，要自行評估價錢同衫嘅品質。
小編希望呢啲不良業者會越嚟越少，畀大家安全嘅購物環境。
✨馬上Follow我哋IG
instagram.com/creatrip.hk
| 其他延伸閱讀 | |
 韓國創意雞尾酒 |  韓國養成十個習慣 |
