韓國音樂節目錄影申請方法
追星必知！2024最新版韓國音樂節目現場錄影申請教學！
Hello，大家好，我哋係由韓國人每日提供最新韓國旅行資訊嘅Creatrip。
唔少人嚟韓國都係為咗追星，而除咗參加演唱會，有好多朋友們都會想去參加音樂節目錄影，親眼睇自己鍾意個粒星comeback唱跳新歌！今日小編幫大家整理咗韓國音樂節目嘅播出時間同申請錄影嘅教學，有興趣快啲碌落去睇啦！
嚟韓國追星唔少得...✨
韓國音樂節目錄影申請方法
The Show（더쇼）
- 時間：逢星期二
- 申請方法：出演團體官方Fan Cafe報名、線上購票、App抽籤申請
- 場地：SBS Prime Tower
- 地址：서울 마포구 상암산로 66
- 前往方法：數碼媒體城站（디지털미디어시티역）9號出口
《The Show》算係最容易參加現場錄影嘅音樂節目，除咗可以跟偶像官方Fan Cafe報名，大家都可以直接買《The Show》門票，或者下載SBS「STAR PLANET」App網上申請入場。
App操作方法都幾簡單，不過唔係成日都有得申請，通常都係每個禮拜五韓國時間20:00開放事前申請。
STAR PLANET Twitter都會定時公開申請事前錄影嘅消息，各位可以follow返嗰個account。不過小編認為最方便同最唔洗怕搶唔到位嘅方法就係事先上網買《The Show》門票！
Show Champion（쇼챔피언）
- 時間：逢星期三
- 申請方法：出演團體官方Fan Cafe報名、App抽籤申請
- 場地：MBC一山Dream Center
- 地址：경기도 고양시 일산동구 호수로 596
- 前往方法：鼎鉢山站（정발산역）1號出口
想參加《Show Champion》現場錄影，可以先下載IDOLCHAMP App後完成投票，cap低投票畫面，再撳畫面右下角嘅「投票認證（투표인증）」，填完張電子form就可以獲得抽獎資格。
不過大家需要有韓國電話號碼先可以收到通知話你知入唔入選，所以可能要事先準備定韓國sim卡。
M!COUNTDOWN（엠카운트다운）
- 時間：逢星期四
- 申請方法：出演團體官方Fan Cafe報名
- 場地：CJ ENM大樓
- 地址：서울 마포구 상암산로 66
- 前往方法：數碼媒體城站（디지털미디어시티역）9號出口
《M!COUNTDOWN》以前可以直接申請，或者喺現場排隊，不過2024年最新方法都係要喺出演團體喺Fan Cafe宣佈錄影消息之後提前申請。
2024年2月TWS Fan Cafe公告錄影申請範例
由於每個團體規定唔同，建議大家可以先加入偶像官方Fan Cafe後，確認申請說明，睇吓自己符唔符合資格。
Music Bank音樂銀行（뮤직뱅크）
- 時間：逢星期五
- 申請方法：出演團體官方Fan Cafe報名、KBS官網抽籤申請
- 場地：KBS電視台
- 地址：서울 영등포구 여의공원로 13
- 交通方法：國會議事堂站（국회의사당역）5號出口
Music Bank除咗可以喺偶像Fan Cafe申請，逢星期四09:00至星期23:59，KBS會喺官網開放下個禮拜錄影申請，結果會喺報名結束後下一個禮拜一18:00公佈。
不過比較麻煩嘅係喺KBS官網申請嘅時候，一定要用電話號碼做實名認證，所以一般遊客比較難申請。可能就只可以請喺韓國讀緊書/返緊工，同時持有外國人登錄證嘅朋友幫手申請，因為一個人入選之後可以帶多一個人去睇錄影！
Show!音樂中心（쇼!음악중심）
- 時間：逢星期六
- 申請方法：出演團體官方Fan Cafe報名、MBC視聽者委員會抽籤申請
- 場地：MBC上岩洞公開廳
- 地址：서울 마포구 성암로 255
- 前往方法：數碼媒體城站（디지털미디어시티역）9號出口；水色站（수색역）1號出口
同其他音樂節目唔同，《Show!音樂中心》需要加入MBC視聽者委員會（시청자위원회）先可以獲得申請資格，通常偶像Fan Cafe都會請Fans們加入MBC委員會，仲要固定進行事前投票！而每個禮拜只得25人可以獲得入場資格，對遊客嚟講中獎機會超細...
人氣歌謠（인기가요）
- 時間：逢星期日
- 申請方法：出演團體官方Fan Cafe報名、App抽籤申請
- 場地：SBS登村洞公開廳
- 地址：서울 강서구 양천로 442
- 前往方法：加陽站（가양역）10號出口
如果想睇《人氣歌謠》錄影，除咗可以等偶像Fan Cafe公佈報名資訊，亦都可以自己下載SBS App，加入會員之後申請人氣歌謠現場錄影，如果抽中咗就會另外收到通知。俾個小貼士大家，加入會員嘅時候唔好透過社交平台Account申請，雖然要用電話號碼認證，不過唔需要係本人名義下嘅電話，所以可以借用朋友嘅電話號碼都得！
嚟韓國追星唔少得...✨
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
