Hello，大家好，我哋係由韓國人每日提供最新韓國旅行資訊嘅Creatrip。
好多香港人去首爾除咗去聖水洞打卡、去明洞買嘢，最重要嘅行程一定係去醫美診所做醫美療程「執一執」。
但係韓國醫美診所面對住一大堆療程名，又HIFU又電波，超聲刀、熱瑪吉又係咩嚟？如果喺呢一部揀錯療程，唔單止效果唔明顯，仲可能導致面凹！今日就等小編幫你拆解呢幾樣韓國人氣拉提醫美療程，話你知應該要點揀啦！
韓國HIFU&電波拉提療程分別
HIFU/超聲刀/電波拉皮/熱瑪吉療程係咩？
HIFU、超聲刀、電波拉皮、熱瑪吉呢幾個字大家應該成日見到，但其實佢哋只係兩個拉提療程嘅大概念：
- HIFU=超聲刀=音波
- 電波拉皮=高頻電波(RF) → 熱瑪吉係其中一種療程
上述全部都係醫美拉提療程，但係主要功效同適合人士都唔同，揀錯做錯可能反而會滿足唔到你嘅需求，甚至突顯臉型缺點，所以揀療程之前記住一定要先分清楚佢哋！
HIFU/超聲刀
HIFU/超聲刀又被稱為高能量聚焦超聲波，主要刺激皮膚最深層嘅SMAS筋膜層。原理就好似用放大鏡聚焦陽光咁，將能量打入深層組織，令到鬆弛嘅肌肉收縮。
而HIFU主要功效係改善雙下巴、提拉下垂臉頰、令輪廓線條更明顯。所以如果你有「包包面」、面部脂肪/肉比較多、想瘦面，或者主要目的係想變V面，咁就要揀HIFU/超聲刀類療程啦！
✨韓國熱門機種： Shurink Universe韓版超聲刀宇宙版、Ultherapy美版超聲刀、Liftera等
高頻電波(RF)
高頻電波(RF)係利用電流產生熱能，主要針對真皮層，刺激膠原蛋白大量增生。去做高頻電波可以增加皮膚彈性、收細毛孔、改善細紋、令皮膚變得更緊緻。
如果你皮膚薄、面部脂肪少、覺得皮膚鬆弛無彈性
✨韓國熱門機種：Thermage熱瑪吉、Oligio完美電波、Volnewmer黃金樁
HIFU vs 高頻電波快速對照表
HIFU | 高頻電波(RF) | |
核心效果 | 向上拉提輪廓 (Lifting) | 緊緻皮膚 (Tightening) |
針對目標 | SMAS筋膜層 (最深層) | 真皮層 (中淺層) |
解決問題 | 雙下巴、包包面、輪廓模糊 | 皮膚鬆弛、細紋、毛孔粗大 |
痛楚 | 好似針拮咁 | 暖暖/熱嘅感覺 |
維持時間 | 6個月~1年 (視乎療程及實際發數而定) | |
超聲刀熱瑪吉要點揀？
想做拉提療程，但係唔知要點揀嘅話，不妨參考以下3點，睇下你屬於邊一種類型啦！
① 面部脂肪量
面部肉同脂肪多，導致臉部開始出現下垂？ 👉🏻 HIFU/超聲刀
如果出現下顎線條唔明顯、有雙下巴、臉頰兩邊肉下垂，用可以令脂肪層收縮嘅HIFU拉提會比較有效。
面部無乜肉但皮膚鬆 👉🏻 高頻電波(RF)
如果面上本身冇乜脂肪，但又過度做HIFU，可能會出現面頰凹陷嘅情況。呢類人士建議做高頻電波(RF)去緊緻皮膚表層、提升彈性，相對更安全。
② 痛楚接受程度
忍得到痛👉🏻 HIFU/超聲刀
做HIFU療程嘅話通常做到骨附近會覺得痛，所以做之前一定要搽麻醉膏。
寧願熱啲都好過痛👉🏻 高頻電波(RF)
高頻電波(RF)相比起痛，更似係暖/熱嘅感覺，所以相比起HIFU通常會覺得冇咁痛。
③ 療程目的
V面、改善輪廓線條 👉🏻 HIFU/超聲刀
改善皺紋毛孔、皮膚紋路👉🏻 高頻電波(RF)
如果都仲係十五十六，唔知揀邊種拉提療程好，推薦大家透過Creatrip免費預約精選韓國醫美診所，留位進行諮詢，等專業人士幫你判斷你需要邊種拉提療程，咁就可以確保唔會做錯！
韓國人氣HIFU/高頻電波療程價位
雖然韓國醫美療程價錢好睇你去邊間醫美診所做，但其實同樣係HIFU，各種療程嘅價錢可以差好遠。小編幫大家整理咗4款韓國人氣HIFU拉提同高頻電波拉提療程嘅推薦診所同價位，記住唔好錯過Creatrip獨家優惠價啦！
HIFU
高頻電波(RF)
韓國拉提療程常見問題
Q1. HIFU同高頻電波(RF)可唔可以同一日一齊做？
A：可以！喺韓國其實好興呢種複合式拉提療程，用HIFU拉起深層，再用高頻電波令表層肌膚更緊緻，最流行嘅組合係Ulthera+Thermage(울써마지)，好多韓國女明星年頭都會去做一次！
[블로그] 韓國醫美攻略 | 9個韓國明星最愛醫美療程推薦
Q2. 拉提療程做完幾耐先見效？可以維持幾耐？
A：好似Thermage熱瑪吉咁嘅高頻電波通常做完即刻會覺得皮膚變緊咗；而Shurink、Ultherapy等HIFU超聲刀療程就需要2星期到1個月，等深層組織收縮先最明顯，而一般效果可以維持 6-12 個月。
Q3. 做完之後可唔可以即刻去行街打卡？
A：呢兩款都係非侵入性療程，無傷口。雖然可能會有少少紅腫，但普通化妝完全遮到，可以即刻繼續你嘅韓國行程！
Q4. 本身有打玻尿酸填充或者Botox嘅話可唔可以做HIFU/高頻電波拉提療程？
A：一般會建議隔一段時間再做，或者通常係先做機（HIFU/高頻電波）之後再打填充或者Botox。而如果療程前曾經做過填充療程，記住一定要預先同醫生講，因為拉提療程嘅熱能可能會加速填充劑分解，影響整體美感。
Q5. 做HIFU會唔會令到面部凹陷？
A：如果本身面部脂肪極少，而醫生打得太深或者能量過高，係真係有機會會令到面部凹陷。所以記住一定要搵專業、有經驗嘅醫美診所醫生幫你按照個人情況安排發數同施打。
Q6. 過程痛唔痛？係唔係一定要敷麻醉藥？
A：大部分韓國醫美診所都會幫你敷20-30分鐘麻醉藥膏，但如果你極度驚痛，部分診所都會有提供「睡眠麻醉」選項，如果有需要記住諮詢嘅時候同醫生講（通常需要額外支付費用）。
Q7. 外國人去韓國做機，價錢會唔會貴過韓國人？
A：通常連鎖醫美診所價錢都非常透明，透過Creatrip預約更加唔洗擔心會做貴！記住參加埋Creatrip韓國醫美積分回贈活動，體驗完之後上傳收據同填寫評論，即刻可以獲得價值現場消費金額10%嘅積分回贈，喺Creatrip網站可以當錢用預約其他韓國體驗行程！
Q8. 做完HIFU/高頻電波(RF)之後有咩要注意？
A：皮膚會比較乾，一定要瘋狂補濕敷Mask同做足防曬，另外建議一星期內唔好去桑拿、飲酒。
點可以用更抵價錢體驗高質韓國醫美？
🎉Creatrip醫美積分回贈活動🎉
而家透過Creatrip預約指定醫美診所之後參加韓國醫美積分回贈活動，上傳收據同填寫評論，即刻可以輕鬆領取10%回贈，冇咗醫美退稅都唔會蝕錢！
而且拎到積分之後，除咗可以用嚟再預約醫美診所，不斷賺10%醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。
即刻撳下面張圖睇吓邊間醫美診所適用啦👇🏻
你可能會對呢幾篇文章有興趣⭐️
[블로그] 2025弘大12間醫美診所/皮膚科推介
[블로그] 2025江南14間醫美診所/皮膚科推介
[블로그] 2025明洞9間醫美診所/皮膚科推介
[블로그] 首爾非流水線/提供專業醫生諮詢醫美診所
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
