2026釜山8間醫美診所/皮膚科推介

Hello，大家好，我哋係由韓國人每日提供最新韓國旅行資訊嘅Creatrip。

講起韓國醫美，通常大家都會先諗起首爾市區，始終人口同醫美診所數量都多，而且醫美需求量都大。

不過最近好多朋友都會去韓國第二大城市「釜山」玩，咁如果想做醫美就一定要去返首爾先有得做？當然唔係啦！小編自己本身好鐘意去釜山玩，亦都有帶過唔少朋友去，所以都有接觸過唔少釜山醫美相關資訊。今日小編幫大家搜羅咗7間最近受歡迎嘅釜山醫美診所，每間診所擅長嘅療程都唔同，快啲save低篇blog參考啦！

2026年冇咗醫美退稅好蝕錢？
透過Creatrip預約指定醫美診所
上傳收據即賺最高15% Creatrip積分！

釜山醫美診所推薦

點解要去釜山做醫美療程？

首爾咁多出名嘅醫美診所，但點解而家越嚟越多人都會選擇喺釜山做醫美療程？

除咗因為近年越嚟越多遊客都會直接飛釜山玩，自然安排行程都會以釜山為主。而比起工廠式醫美診所林立嘅首爾，釜山醫美診所大部分會提供非流水線式1對1服務，如果想同專業醫生進行詳細皮膚分析同諮詢，不妨可以考慮喺釜山做醫美！

特別係釜山仲有一條街叫西面醫療街，成條街有超過200幾間得到韓國政府認證嘅整形外科、皮膚科、內科、外科、眼科、牙科等醫療機構，加上釜山醫療水平高，大家可以非常放心體驗各種醫美療程。

不過相比首爾，釜山可以提供外國語言服務嘅醫美診所唔多。今日小編為大家推薦嘅釜山醫美診所全部都有為外國人提供翻譯服務，甚至係成立專責團隊，就算你係醫美新手，完全唔識韓文，都可以體驗到釜山優質醫美服務！

1. SHE'S整型外科_{(쉬즈성형외과의원)}

• 地址：부산 중구 구덕로 8-1 6F
• 營業時間：
  • 星期一至五 09:30-19:30
  • 星期六 09:30-17:30
• 前往方法：釜山地鐵南浦站（남포역）3號出口

南浦站一出就到嘅釜山「SHE'S整型外科」由有24年經驗嘅整形外科專科醫生主理，主打做拉提、除皺肉毒桿菌素注射同玻尿酸填充等等嘅抗衰老醫美療程。院長醫生會直接為客人提供1:1詳細諮詢，為你提供度身打造嘅醫美服務。

而且「SHE'S整型外科」更加係全韓國唯二榮獲韓國政府頒發嘅KAHF認證，即係全球外國人患者招攬醫療機構認證嘅醫美診所。

除咗全程都會提供母語級翻譯，更加有外國人專責團隊，做滿指定金額療程仲可以享用診所提供嘅機場接送服務，對外國遊客嚟講非常友善，就算一個人去都唔需要擔心！

💭SHE'S整型外科顧客真實評價

✅SHE'S整型外科小總結

醫美療程價錢/更多評論👇🏻

[스팟] SHE'S整型外科（釜山）

2. 美麗世界金陽濟張峰碩皮膚科_{(고운세상김양제장봉석피부과의원)}

• 地址：부산 부산진구 중앙대로 686 5F
• 營業時間：
  • 星期一至五 09:30-19:00
  • 星期六 09:30-15:30
• 前往方法：釜山地鐵西面站（서면역）2號出口

提起釜山醫美，一定唔少得由金陽濟、張峯碩兩位皮膚科專科醫生親自操刀嘅「美麗世界金陽濟張峰碩皮膚科」！

呢間釜山皮膚專科診所累積超過40年臨床經驗，由諮詢到療程全部由醫療團隊以1:1方式提供，亦會先為你免費進行MarkVu皮膚檢測，唔會hard sell之餘更加會按照你嘅需求推薦療程。而且診所亦都配備多款先進激光儀器，亦有提供提供母語級中文同英文諮詢服務，由諮詢到療程結束都唔洗擔心會溝通唔到，滿意度高。

「美麗世界金陽濟張峰碩皮膚科」比起香港，喺台灣更加出名，而且好多台灣網友們都滿意呢度嘅服務同療程效果，特別係如果想做拉提同激光療程，推薦嚟同專業醫生進行諮詢！

💭美麗世界金陽濟張峰碩皮膚科顧客真實評價

✅美麗世界金陽濟張峰碩皮膚科小總結

醫美療程價錢/更多評論👇🏻

[스팟] 皮膚科醫生主理 | 美麗世界金陽濟張峰碩皮膚科（釜山）

3. DESIGN整形外科_{(디자인성형외과)}

• 地址：부산광역시 부산진구 서면문화로 10 3F
• 營業時間：
  • 星期一至五 10:00-19:00
  • 星期六 10:00-17:00
• 前往方法：釜山地鐵西面站（서면역）9號出口

釜山醫美診所「DESIGN整形外科」位於西面站正前方，係全個釜山最出名打豐唇玻尿酸填充嘅醫院！大家去到可以同整形外科專科醫生直接進行1:1專業諮詢，可以針對面部比例同輪廓設計自然又協調嘅最佳效果。

除此之外，好多朋友都會嚟釜山「DESIGN整形外科」做Ultherapy美版超聲刀、Titanium鈦提升等拉提療程，埋線拉提都係其中一個人氣療程。雖然現場冇中文翻譯，不過大部分職員都識講英文，所以唔需要過於擔心。

今次Creatrip同DESIGN整形外科攜手為大家提供專屬套餐，集合啱曬遊客嘅快速見效人氣醫美療程，記住唔好錯過獨家優惠價啦！

💭DESIGN整形外科顧客真實評價

✅DESIGN整形外科小總結

醫美療程價錢/更多評論👇🏻

[스팟] DESIGN整形外科（釜山）

4. DayBeau Clinic_{(데이뷰의원)}

• 地址：부산 부산진구 서면로 74 15F
• 營業時間：
  • 星期一至五 10:00-20:00
  • 星期六 10:00-16:00
• 前往方法：釜山地鐵西面站（서면역）7號出口

DayBeau Clinic係一間韓國知名連鎖醫美診所，首爾都有好多間分店，而佢哋2025年喺釜山西面開咗全新分店，為釜山市民同各位去釜山玩嘅朋友們提供高質醫美服務。

DayBeau Clinic釜山西面店醫療團隊擅長做拉提同Skin Booster療程，所有設備都得到FDA認證之餘，療程前會喺客人面前拆正貨探頭，療程後亦會提供證書，唔會出現用假貨或者探頭重用嘅問題。

而且呢度都有提供專業中英文服務，全個過程亦會喺單人療程室進行，今次去釜山玩想做CP值高醫美療程推薦大家可以嚟DayBeau Clinic釜山西面店！

💭DayBeau Clinic釜山西面店顧客真實評價

✅DayBeau Clinic釜山西面店小總結

醫美療程價錢/更多評論👇🏻

[스팟] DayBeau Clinic（釜山西面店）

5. ELBLANC CLINIC_{(엘블랑의원)}

• 地址：부산 부산진구 부전로 77 4F
• 營業時間：
  • 星期一、二、四、五 10:30-19:30
  • 星期六 10:30-16:30
• 前往方法：釜山地鐵西面站（서면역）7號出口

如果你唔鐘意好趕嘅工廠式醫美，咁呢間醫美診所就咁曬你啦！位於釜山西面嘅「ELBLANC CLINIC」採用 100% 預約制，一日最多只會接待5至8位客人！由諮詢到療程全部都係由醫生親自跟進，而且全程都會喺私人空間入面進行。而且因為唔會接其他walk-in客人，所以醫生只會focus喺你身上，可以慢慢同醫生進行諮詢（BTW有中文同英文翻譯，唔洗擔心溝通問題）。

另外「ELBLANC CLINIC」院長醫生喺開業之前就已經喺Threads度同網民們溝通，憑藉專業又真誠嘅形象喺台灣累積咗唔少人氣，香港小編自己都經常見到佢嘅分享。呢間醫美診所主打高級醫美體驗，所以如果想靜靜地體驗韓國醫美，又想直接同醫生進行諮詢，推薦大家可以考慮「ELBLANC CLINIC」！

✅ELBLANC CLINIC小總結

醫美療程價錢/更多評論👇🏻

[스팟] 100%預約制私人醫美診所 | ELBLANC Clinic（釜山）

6. JRYN珍妍皮膚科_{(제이린의원)}

釜山西面店

• 地址：부산 부산진구 중앙대로 672  4F
• 營業時間：
  • 星期一、二、五 10:30-20:00
  • 星期三、四 10：30-19:00
  • 星期六 10:30-18:00
• 前往方法：釜山地鐵西面站（서면역）2號出口

釜山南浦店

• 地址：부산 중구 구덕로 5 10F
• 營業時間：
  • 星期一至五 10:00-20:00
  • 星期六 10:00-15:00
• 前往方法：釜山地鐵南浦站（남포역）4號出口

呢篇文章入面介紹嘅醫美診所大部分因為係非流水線醫美診所，所以價位都會偏高。如果大家想搵間療程選擇夠多、價錢相對平價嘅診所，推薦大家可以考慮去連韓國人都不斷回訪嘅「JRYN珍妍皮膚科」！特別係西面店規模大，診所內更加有超過100種醫美設備，你想做嘅療程相信都可以喺度搵到。

「JRYN珍妍皮膚科」西面店更有為外國客人提供獨立VIP空間，仲有提供中文、英文同日文翻譯，方便大家可以體驗韓國醫美療程。現場仲有可以放行李嘅地方，無論係啱啱到定準備走之前都可以去做。

[이미지 슬라이더]  

「JRYN珍妍皮膚科」喺釜山另外仲有南浦店，地鐵站一出就到之餘，仲可以喺診所度睇到無敵海景！同西面店一樣，呢度都有提供多種醫美療程，擅長根據個人皮膚狀況提供度身訂造療程，大家可以用實惠價錢體驗高質醫美療程。而家仲可以透過Creatrip免費預約諮詢，去到再揀療程，所以非常推薦第一次做醫美，或者唔確定自己想做咩療程嘅朋友們去。

如果你想設備更多、空間更大、療程選擇更豐富，就比較適合去西面店；如果你住喺南浦洞附近，想就近安排療程，又或者想順便睇埋釜山港海景，咁就會更適合去南浦店！

✅JRYN珍妍皮膚科小總結

醫美療程價錢/更多評論👇🏻

[스팟] 釜山CP值高連鎖醫美 | JRYN珍妍皮膚科（釜山西面店）

[스팟] 釜山CP值高醫美 | JRYN珍妍皮膚科（釜山南浦店）

7. D-DAY CLINIC_{(디데이의원)}

• 地址：부산 중구 구덕로34번길 4 2F
• 營業時間：
  • 星期一至五 10:00-20:00
  • 星期六 10:00-15:00
• 前往方法：釜山地鐵南浦站（남포역）1號出口

「D-DAY CLINIC」位於南浦站附近，主打根據個人皮膚狀況提供客製化諮詢同療程，以自然改善為目標幫你解決各種肌膚煩惱。上網睇唔少網友都分享話，因為呢度諮詢到療程嘅流程夠系統化，所以效果保證可靠滿意。

另外診所會定期為全體員工進行醫美相關培訓，代表除咗醫生會持續進修、研究最新醫美趨勢之外，亦能夠保障整體團隊嘅專業度，同時令服務品質維持得更專業同一致。

等小編俾個小貼士大家啦，如果你本身比較怕痛，但又想做Ultherapy美版超聲刀、Thremage熱瑪吉等等本身比較痛嘅醫美療程，你都可以要求做睡眠麻醉，咁就可以舒服做到你想要嘅效果。

如果大家住宿會喺南浦洞、光復路或者札嘎其一帶，又重視諮詢質素、唔鍾意被人亂推銷療程，推薦大家可以將呢間診所放入考慮範圍！而家透過Creatrip預約可以賺到醫美積分回贈之外，仲可以額外獲得獨家95折優惠，折上加折CP值更高。

✅D-DAY CLINIC小總結

醫美療程價錢/更多評論👇🏻

[스팟] 值得信賴之拉提專家 | D-DAY CLINIC（南浦店）

8. THE SAERON_{(새론의원)}

• 地址：부산 연제구 중앙대로 1077 8F
• 營業時間：
  • 星期一至五 10:00-19:00（Lunch Break 13:00-14:00）
  • 星期六 09:00-13:00
• 前往方法：釜山地鐵蓮山站（연산역）1號出口

近呢一兩年醫美幹細胞療程喺世界各地開始興起，無論係想變得更年輕、抗老化，抑或係解決脫髮、靜脈老化、膝蓋關節炎等身體問題，幹細胞療程都可以幫到你手。

而釜山「THE SAERON」係韓國政府指定嘅高端再生醫療機構，專注幹細胞同再生療程，提供一站式抗衰老、皮膚修復，到 PRP、BMAC、SVF 等先進技術同療程。

大家可能會覺得幹細胞療程好貴，而且因為要先抽自己血去抽取幹細胞，成件事好似好恐怖咁，不過釜山「THE SAERON」診所所提供嘅療程安全性高、復原速度快，可以即刻恢復日常生活。

推薦大家預約Creatrip網上都有提供嘅Rejuran+幹細胞療程，效果會好過齋打Rejuran麗珠蘭，嘴唇、臉部同頭皮都可以快速還原年輕肌膚！

💭THE SAERON顧客真實評價

✅THE SAERON小總結

醫美療程價錢/更多評論👇🏻

[스팟] THE SAERON（幹細胞注射/水光針/生髮治療）

推薦釜山醫美診所一覽表

釜山醫美常見問題FAQ

Q1. 釜山醫美診所醫生或者職員識唔識講中文/英文？

A：根據每間醫院會有所不同，通常位於西面醫療街或者海雲台附近嘅醫美診所都會提供翻譯服務。如果需要翻譯，建議你先向醫美診所詢問，或者透過Creatrip平台就可以預約到提供專業中、英、日文翻譯服務嘅醫美診所！

Q2. 釜山醫美診所同江南比價錢會唔會更加平？

A：每間醫美診所都唔同，不過比起江南大型連鎖流水線診所經常提供嘅套餐，釜山非流水線診所價錢可能會更貴，但上述同Creatrip合作嘅釜山醫美診所都有為Creatrip客戶提供獨家優惠套餐，再加埋Creatrip醫美積分回贈服務，仲可以最多賺埋現場消費金額嘅15%！👉🏻更多詳情請撳我

Q3. 我唔會喺釜山逗留太耐，咁仲可唔可以喺度做醫美療程？

A：當然可以！好多釜山醫美診所都會專為旅客提供ONE DAY療程套餐，無論係拉提、護膚定美白都可以做到，行程當中抽幾個鐘去就得。

Q4. 如果想去釜山做醫美療程，推薦住邊一區？

A：如果想可以做完醫美療程就即刻返住宿或者去其他地方玩，建議住西面或者海雲台，兩個地區都有唔少醫美診所，而且都有地鐵站連接，交通方便。

Q5. 喺釜山做醫美療程可唔可以退稅？

A：由2026年1月1號起，韓國醫美退稅制度已經結束，就算喺釜山冇辦法進行退稅。不過而家只要參加Creatrip醫美積分回贈活動，就可以獲得最高15%積分回贈，分分鐘抵過退稅！

🎉Creatrip醫美積分回贈活動🎉

而家透過Creatrip預約指定醫美診所之後參加韓國醫美積分回贈活動，上傳收據同填寫評論，即刻可以輕鬆領取10%回贈，冇咗醫美退稅都唔會蝕錢！訂閲尊貴會員制嘅會員仲可以攞到15%！

而且拎到積分之後，除咗可以用嚟再預約醫美診所，不斷賺醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。

即刻撳下面張圖睇仲有邊間醫美診所適用啦👇🏻

以上就係小編幫大家整理嘅2026最新釜山醫美診所推薦，希望可以幫到最近會去釜山，又心郁郁想做醫美嘅朋友們！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！