Hello，大家好，我哋係由韓國人每日提供最新韓國旅行資訊嘅Creatrip。
成日都會聽到有人做醫美療程嘅時候會去打水光針/Skin Booster，但其實原來水光針都分好多種！到底韓國最近興打邊幾款水光針？每款水光針有適合咩人去打？
今日就等小編為大家介紹2026年韓國人氣水光針種類，由成分、效果到適合對象，一次過幫你整理好韓國水光針詳細攻略！
韓國水光針種類介紹&挑選攻略
咩係水光針/Skin Booster？
水光針/Skin Booster係用微針或者注射方式，將護膚成分直接注入皮膚真皮層嘅醫美療程，相比一般只停留表皮吸收嘅護膚品，水光針嘅效果會更加明顯。
整體嚟講水光針嘅功效係用嚟改善膚質，進行補水同修復，可以當佢係醫美級嘅護膚品！不過市面上有好多款水光針，每款成分同功效都會有少少差別，一齊睇下最近韓國人都會打邊幾款水光針啦！
1. Rejuran麗珠蘭(리쥬란)
Rejuran麗珠蘭可以話係近年喺韓國醫美界討論度最高嘅療程之一，好多人話就算打Rejuran超痛都會繼續嚟做，原因就係因為效果超明顯。
呢款人氣水光針嘅最主要功效係重建皮膚結構、改善膚質。所以好多想對抗初老、暗沉、暗瘡印、凹凸洞、敏感肌嘅朋友們都會揀打Rejuran麗珠蘭，之後再配合埋護膚或者激光療程，達至定期醫美保養嘅效果。
而Rejuran麗珠蘭仲有分黑盒、紅盒、白盒同藍盒，想知有咩分別就撳入下面篇文章睇啦！
Rejuran麗珠蘭詳細介紹👇🏻
[블로그] 韓國Rejuran麗珠蘭水光針攻略
2. JUVELOOK(쥬베룩)
쥬베록 공식 사이트
JUVELOOK素顏針係由韓國研發嘅全新複合型水光針/Skin Booster，結合PDLLA（聚雙旋乳酸）刺激膠原蛋白增生，同埋透明質酸嘅高效補水功能，可以同時做到「即時補水」同「長效緊緻/改善皮膚細緻度」嘅雙重效果。
不過如果大家上網search JUVELOOK，可能會出現幾款針劑產品，每款分子大細唔同，針對嘅問題/部位都唔一樣：
- 藍瓶：JUVELOOK Skin素顏針（改善膚質&補水）
- 綠瓶：JUVELOOK i（眼部專用）
- 黑瓶：JUVELOOK Volume（改善臉部凹陷）
- 橙瓶：JUVELOOK G（比黑瓶分子更大，效果更明顯）
呢間診所嘅院長係JUVELOOK專門醫生！👇🏻
[스팟] 皮膚科專科醫生主理 | 清潭 ÉCLAT DE（狎鷗亭羅德奧）
[스팟] LE SHINE CLINIC（江南）
3. Elravie Re2O(엘리비에 리투오)
講起近期另一款最多人做嘅水光針/Skin Booster就係呢款「Elravie Re2O」啦！呢款水光針主要係用同人體結構一樣嘅膠原蛋白成分整，同皮膚嘅相容性高、吸收更好，同時可以做到保濕、填補毛孔嘅效果。
而同Rejuran麗珠蘭最大嘅分別在於Rejuran麗珠蘭主打補水同再生功能，而Elravie Re2O膠原水光針就係主打令皮膚膠原蛋白增加，填補毛孔，回復年輕肌膚。
呢幾間診所出名打Elravie Re2O！👇🏻
[스팟] 抗衰老/護膚專家 | UN!QUE id Clinic（弘大店）
[스팟] 超聲刀拉提、填充療程 | id Clinic（江南店）
[스팟] 韓星御用大型醫美診所 | seye clinic世顏醫院（江南）
4. LIZNE(리즈네)
LIZNE水光針係用三文魚DNA萃取嘅 PN（多聚核苷酸）做主要成分，係一款主力進行補水同修復嘅Skin Booster。PN可以刺激皮膚產生更多膠原蛋白同彈性蛋白，對修復皮膚、提升緊緻度、改善深層乾燥同淡化細紋都有好明顯嘅效果。
雖然成分同Rejuran麗珠蘭類似，但LIZNE水光針打嘅時候相對冇咁痛，雖然打完都係腫起一粒粒，但相對地會比較快復原 ，最緊要係價錢比較平，可以話係Rejuran麗珠蘭黑盒嘅平價替代版。
5. HILO WAVE彈力水光針(힐로웨이브)
可能大家比較少聽到HILO WAVE呢款水光針，佢係一款以雙重透明質酸為主要成分嘅彈力水光針，含量高過市面上其他水光針2~3倍。
HILO WAVE彈力水光針除咗可以做到深層補水效果，仲可以同時促進膠原蛋白增生，令塊面睇落更自然飽滿，塑造立體輪廓。如果你平時皮膚好乾，或者想同時抗衰老、提升臉部立體度，推薦大家去打HILO WAVE！
呢間診所被選定為HILO WAVE專業醫院！👇🏻
[스팟] 韓星御用大型醫美診所 | seye clinic世顏醫院（江南）
6. SKINVIVE昇光針(스킨바이브)
SKINVIVE昇光針係由美國藥廠Allergan研發嘅透明質酸水光針，不過呢度用嘅透明質酸唔係用嚟做輪廓塑形或填充，係專門用嚟補水、提升皮膚光澤同幼細度。好多人打完之後會覺得皮膚變得更透亮、觸感更滑，而且因為效果通常可以維持6至9個月，所以喺韓國又會叫做「長效水光針」。
另外SKINVIVE昇光針已獲美國FDA同歐盟CE雙重認證，安全性同效果都相對更有保障。如果唔想成日打針，想效果維持耐啲，而你自己budget都夠嘅話，不妨可以揀打呢款水光針！
7. BELOTERO® REVIVE(벨로테로 리바이브)
BELOTERO® REVIVE水光針結合透明質酸和甘油，為肌膚強效保濕鎖水，仲可以改善泛紅、撫平粗糙肌膚、令毛孔更細緻。
同上面介紹嘅SKINVIVE昇光針一樣，BELOTERO® REVIVE水光針效果維持時間都比普通水光針/Skin Booster長，如果你臉部乾燥細紋明顯，想打造水光肌，令皮膚更平滑，建議大家可以揀打呢款水光針！
8. Exosome外泌體(엑소좀)
Exosome外泌體係將幹細胞培養液以高純度分離、精製而成嘅Skin Booster，因為入面蘊含生長因子、胺基酸同胜肽等等嘅活性成分，除咗補水之餘仲可以幫助肌膚再生、補充營養、令肌膚狀態更穩定。
無論係想整體皮膚狀態睇落更好，抑或係想解決暗瘡等發炎問題、毛孔/暗瘡印，都可以去打Exosome外泌體進行深層修復！
水光針/Skin Booster揀選攻略
水光針 | 推薦人士 |
Rejuran Healer 麗珠蘭黑盒 | 有初老症狀、希望改善暗沉、暗瘡印、敏感肌、泛紅等問題 |
JUVELOOK素顏針 | 有毛孔粗大、膚質粗糙等問題 |
Elravie Re2O 膠原蛋白水光針 | 需要保濕、增強皮膚彈性、改善毛孔問題 |
LIZNE水光針 | 希望修復皮膚、改善深層乾燥、淡化細紋 想打Rejuran但怕痛 |
HILO WAVE彈力水光針 | 皮膚乾燥，希望同時抗衰老、提升臉部立體度 |
SKINVIVE昇光針 | 追求長效補濕、水光肌、透亮肌膚 |
BELOTERO® REVIVE 水光針 | 希望改善泛紅、撫平粗糙肌膚、令毛孔更細緻 |
Exosome外泌體 | 希望肌膚狀態更穩定、改善暗瘡發炎問題 |
上述只係最近韓國比較多人揀嘅水光針/Skin Booster，如果有其他皮膚問題想解決，建議大家先同醫美診所醫生或者美容顧問將清楚自己嘅需求同預算，咁先可以更準確揀到最啱你嘅水光針/Skin Booster類型。
推薦大家透過Creatrip免費預約精選韓國醫美診所，留位去診所先進行詳細諮詢，做完諮詢之後再揀你想打邊款水光針，咁就可以避免出現打完針之後得唔到你想要嘅效果嘅問題啦！
撳下面張圖即刻預約精選韓國醫美診所📝
水光針/Skin Booster療程後護理
去韓國醫美診所打水光針嘅時候，可以順便加做埋修護型嘅護膚療程，唔單只可以幫助有效成分吸收，亦都可以加強術後皮膚再生嘅效果。
而打完前三天，療程部位出現紅腫、瘀青都屬於正常現象，幾日後就會好返。另外因為係打針類療程，所以可能會令皮膚變得比較敏感，所以建議做完之後一兩個禮拜先停用美白、酸類護膚品，主要加強保濕同防曬。
想打水光針要點揀醫美診所？
始終係要將藥劑打落皮膚入面，打Skin Booster水光針最重要嘅係揀用正貨，會現場開封俾你即場確認嘅診所。
如果擔心喺韓國打到劣質或過度稀釋嘅水光針，推薦大家預約經過Creatrip專業團隊篩選、更加得到韓國人認證嘅韓國醫美診所！所有診所都經過韓國政府認證，亦係可以接待外國人嘅合法醫療機構，唔需要擔心會中伏！
韓國水光針/Skin Booster常見問題FAQ
Q1. 水光針同Botox/玻尿酸填充有咩分別？
A：雖然呢3個療程都係注射式療程，需要打針落皮膚，但其實效果完全唔同。水光針係將護膚成分直接注入皮膚真皮層，令皮膚更水潤、狀態更好嘅療程；Botox係透過放鬆肌肉，幫助撫平細紋同肌肉線條更加平滑嘅療程；玻尿酸填充就係可以幫助填補凹陷、撫平皺紋及雕塑臉部輪廓嘅療程。
[블로그] 韓國「Botox/肉毒桿菌」介紹&價錢
Q2. 打水光針前會唔會做麻醉？
A：會！打水光針之前通常都會喺臉上搽麻醉藥膏，等20~30分鐘（麻醉效果出現後）先會正式打針。
Q3. 手打同機打有咩分別？
A：「手打」方式顧名思義係由醫生用針進行注射，可以根據皮膚狀況調整深度同劑量，效果會更加集中同明顯，不過就好講求醫生技術，而且相對地痛，可能仲會腫起一粒粒；「機打」通常會用水光槍、微針等儀器，優點係速度快而且冇咁痛，但深度比較難控制得準，仲有機會出現藥劑滲漏。
Q4. 手打方式打完水光針一粒粒凸起係唔係正常？
A：係，唔需要擔心！大部分水光針打完之後都會出現上述現象，證明啲精華真係準確咁打咗入真皮層度，而且通常幾日內就會自然吸收同消腫。
Q5. 水光針可唔可以同其他醫美療程一齊做？
A：拉提、Botox等大部分醫美療程都可以，而且一齊做反而仲可以令恢復時間更短，而且搽咗麻醉一次過做埋其他療程都會冇咁痛。
Q6. 打完水光針可唔可以即刻化妝？
A：始終打完水光針會有針孔，為避免細菌感染，建議當日唔好化妝。
Q7. 做完水光針療程可唔可以去汗蒸幕/桑拿？
A：高溫會刺激皮膚，影響皮膚恢復速度，建議療程後1星期內避免去汗蒸幕同桑拿等高溫地方。
Q8. 打完水光針下一日可唔可以搭飛機？
A：完全冇問題！不過因為機艙比較乾燥，建議大家要做好保濕。
Q9. 幾時會見到水光針效果？
A：通常療程1星期後開始就會慢慢見到效果。
Q10. 喺韓國做完水光針之後可唔可以退稅？
A：由2026年1月1號起，韓國醫美退稅制度已經結束，冇辦法進行退稅。不過而家透過Creatrip預約指定韓國醫美診所，體驗後上傳收據同填寫評論，即刻可以獲得價值現場消費金額10%嘅積分回贈，可以用嚟預約其他韓國必做體驗！👉🏻更多詳情請撳我
以上就係小編幫大家整理嘅2026最新韓國人氣水光針攻略，希望可以幫到想做醫美嘅朋友們，一齊變韓式水光肌！
你可能會對呢幾篇文章有興趣⭐️
[블로그] 2025弘大12間醫美診所/皮膚科推介
[블로그] 2025江南14間醫美診所/皮膚科推介
[블로그] 2025明洞9間醫美診所/皮膚科推介
[블로그] 首爾非流水線/提供專業醫生諮詢醫美診所
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
