Hello，大家好，我哋係由韓國人每日提供最新韓國旅行資訊嘅Creatrip。
小編平時都有follow開唔少韓國KOL，發現最近好多人都有推薦「Titanium鈦提升」呢款拉提療程！「Titanium鈦提升」標榜完全唔會痛，而且拉提效果即時就會出現，到底呢款新興韓國拉提療程有咩咁犀利？
韓國「Titanium鈦提升」介紹
「Titanium鈦提升」係咩嚟？
「Titanium鈦提升(티타늄 리프팅)」係一款無創緊緻拉提激光療程，由以色列Alma Lasers. Ltd同韓國著名醫生共同研發。原理係用三種唔同波長嘅激光打落表皮、真皮中層同深層，減少黑色素、改善膚色、收細毛孔同時刺激筋膜同膠原蛋白，有助肌膚變得緊緻同達至拉提效果。
另外「Titanium鈦提升」有自帶冷卻系統，可以幫皮膚表面降溫，令能量就可以傳到深層啲嘅同時又唔會令皮膚表面太熱或者唔舒服。而且因為「Titanium鈦提升」唔需要開刀、又冇針孔傷口，亦唔需要修復期，所以最近無論喺韓國定香港都非常受歡迎！
「Titanium鈦提升」效果
好似上述所講，「Titanium鈦提升」其實係一款多功能嘅激光療程，而最明顯嘅效果就一定係拉提！做完嗰一刻會覺得嘴邊啲肉平滑咗啲，塊面輪廓都緊緻咗。加上「Titanium鈦提升」嘅多波長設計可以針對黑色素同血管，有助均勻膚色、改善暗啞。
而且因為幾乎接近零痛楚，唔少怕痛又想做拉提療程嘅人都會選擇做「Titanium鈦提升」！
「Titanium鈦提升」同其他拉提療程有咩唔同？
doctornow
Titanium鈦提升(티타늄 리프팅)
- 效果：拉提、緊緻、美白
- 痛楚：☆☆☆☆☆（無痛）
- 價錢：💰💰💰
- 見效時間：即時見效
- 修復期：無（可即日上妝）
- 推薦人士：怕痛、需要急救、重要日子或場合前
Ultherapy美版超聲刀(울쎄라)
- 效果：深層拉提
- 痛楚：★★★★★（非常痛）
- 價錢：💰💰💰💰💰
- 見效時間：1-2個月後
- 修復期：3-7日（會輕微腫脹）
- 推薦人士：效果想keep 1年以上，臉上肉較多
Thermage熱瑪吉(써마지)
- 效果：刺激膠原蛋白增生、針對肌膚鬆弛問題
- 痛楚：★★★★☆（痛）
- 價錢：💰💰💰💰
- 見效時間：1-3個月後
- 修復期：當日會稍微泛紅
- 推薦人士：皺紋較多、皮膚較薄
Shurink HIFU韓版超聲刀(슈링크)
- 效果：拉提、改善輪廓線條、減少皺紋
- 痛楚：★★★☆☆（中等）
- 價錢：💰
- 見效時間：2-4星期後
- 修復期：1-3日（會輕微腫脹）
- 推薦人士：預算比較少，想做定期拉提保養
相關參考文章👇🏻
[블로그] 韓國「HIFU/海芙音波/韓版超聲刀」介紹&價錢
「Titanium鈦提升」點解咁受韓妹歡迎？
doctornow
✅完全唔痛
- 因爲「Titanium鈦提升」有藍寶石冷卻系統，探頭維持-3°C，就算能量比較強，皮膚表面都只會感覺到暖暖地，更加唔需要敷麻醉！
✅即時變白&V面
- 「Titanium鈦提升」嘅波長可以破壞黑色素，仲可以去除臉上嘅細毛，睇落會更加白淨！
- 比起其他需要等一段時間先可以見效嘅拉提療程，「Titanium鈦提升」效果可以即時睇到！
✅無修復期
- 做完「Titanium鈦提升」完全唔會腫或者變紅，更加可以即刻化妝，夠曬方便快捷！
推薦去做「Titanium鈦提升」嘅韓國醫美診所👇🏻
[스팟] 拉提/填充/微整型專家 | SELENA CLINIC（弘大）
[스팟] Arskin Clinic（弘大）
[스팟] PLANS CLINIC（江南）
[스팟] FORTE CLINIC（江南）
「Titanium鈦提升」啱邊啲人做？
最近有好多韓國KOL都會推薦去做「Titanium鈦提升」，但其實唔係每個人做完都一定會覺得有效！最啱去做「Titanium鈦提升」嘅係臉部開始輕微鬆弛同出現初老現象嘅朋友們，另外介意膚色暗啞、面部粗糙都可以靠呢個療程去提亮膚色、收細毛孔。
但如果年紀比較大，或者塊面鬆弛情況比較嚴重，淨係做「Titanium鈦提升」可能未必夠。如果你想做一次就可以keep到一年咁緊緻，咁都係建議你揀返HIFU或者其他比較強效嘅療程啦。
而且因為「Titanium鈦提升」冇修復期，所以如果急需進行拉提，或者下一日有重要場合需要出席，呢款韓國人氣拉提療程一定可以幫到你！
「Titanium鈦提升」效果維持時間
就好似啱啱咁講，「Titanium鈦提升」比較適合做急救，但效果通常只可以維持幾個星期到幾個月，冇Ultherapy美版超聲刀或者Thermage熱瑪吉咁耐。
當然每款拉提療程都各有各優點，真係好睇你最追求嘅要素係咩！建議大家可以事先透過Creatrip免費預約留位，同專業美容顧問/醫生進行詳細諮詢之後再揀最啱你嘅醫美療程！
撳我瞭解更多詳情👇🏻
「Titanium鈦提升」常見問題FAQ
Q1. 做Titanium鈦提升洗唔洗敷麻醉？
A：唔需要！因為鈦提升探頭自帶冷卻系統，做嘅時候皮膚表面涼浸浸，最多只會係深層會有少少暖暖地嘅感覺，完全唔會痛。
Q2. 敏感肌做唔做得Titanium鈦提升？
A：可以！因為呢款拉提療程唔係會傷害皮膚表面嘅激光，反而熱能可以刺激膠原蛋白增生，增強皮膚屏障。
Q3. 點解做完Titanium鈦提升塊面會變白？
A：因為其中一個波長 (755nm) 對黑色素有反應，可以打走面毛同破壞色素，做完塊面就會睇落變白咗。
Q4. 做完Titanium鈦提升可唔可以即刻化妝？
A：可以！做完即刻化妝去食飯、Shopping都冇問題，亦都唔會有任何紅印。
Q5. Titanium鈦提升有冇副作用？
A：雖然根據每個人皮膚狀況唔同，不過得極少數人可能會覺得皮膚變乾，不過只要勤力做保濕同敷面膜就可以舒緩到。
Q6. Titanium鈦提升可唔可以連埋Botox或者透明質酸填充療程一齊做？
A：建議先做鈦提升，之後先再打Botox或者填充劑，如果希望同一日做嘅話記得問清楚醫生！
Q7. Titanium鈦提升成個過程要幾耐？
A：施打時間大約係20-30分鐘，連埋洗面、諮詢，大約預1 個鐘左右就差唔多，不過要視乎醫美診所現場人手情況。
Q8. 做完Titanium鈦提升可唔可以即刻搭飛機？
A：當然冇問題，不過無論做完咩醫美療程都要，都要謹記搽多啲保濕，以免因為機艙太乾而覺得唔舒服。
Q9. 做完Titanium鈦提升可唔可以去汗蒸幕？
A：建議一星期內避免去高溫桑拿，以免刺激皮膚變紅。
Q10. 男士啱唔啱做Titanium鈦提升？
A：非常啱！因為男士通常喺醫美療程呢方面比較怕痛，而Titanium鈦提升唔單止唔會痛，仲可以順便打走面毛，做完塊面會乾淨白滑好多。
你可能會對呢幾篇文章有興趣⭐️
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
[블로그] 去韓國醫美診所前一定要做&避免嘅8件事
[블로그] 2025弘大14間醫美診所/皮膚科推介
[블로그] 2025江南13間醫美診所/皮膚科推介
[블로그] 2025明洞9間醫美診所/皮膚科推介
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
