Hello，大家好，我哋係由韓國人每日提供最新韓國旅行資訊嘅Creatrip。
被譽為美妝版黑白大廚嘅韓國美妝節目《Just Makeup》令韓國頂尖化妝師變成家傳戶曉嘅人物，依家佢哋唔再只係螢幕背後嘅功臣，其實好多參賽者都有喺首爾開自己嘅髮型屋或者妝髮Studio，等大家都可以預約專業化妝服務，一嘗搖身一變成為韓國明星嘅感覺。
今日小編就幫大家整理出幾間由《Just Makeup》參賽者主理，又可以透過Creatrip用繁體中文同港幣預約嘅妝髮Studio，一齊預約去親身體驗韓國K-Beauty嘅威力啦！
《Just MakeUp》參賽者主理妝髮Studio
弘大 | imi Hair&Makeup(이미헤어&메이크업)
弘大「imi Hair&Makeup」院長係《Just Makeup》嘅「黑影(블랙 섀도우)」，佢有超過15年經驗，好多韓星都係喺度化妝set頭！好多人都稱讚造型師夠細心，會按照客人要求化妝set頭，小編親自去過都超滿意！
更多參考圖片&預約詳情👇🏻
[스팟] imi Hair&Makeup（弘大）
清潭 | SOONSOO(순수)
位於清潭嘅「SOONSOO」係首爾數一數二出名嘅妝髮Studio，K-POP偶像、演員同時裝界人士都一定有去過。呢間工作室係由參賽者「SOONSOO魔女(순수 마녀)」主理，佢化嘅妝以精緻同光澤感著稱，可以話代表住現代K-beauty風格都不為過，連《Just Makeup》評審之一嘅Seo Ok都有喺度受訓過！
另外比賽入面嘅「Detail Ghost(디테일 귀신)」同「美妝繼承者(뷰티 상속녀)」都係「SOONSOO」嘅專業化妝師，想體驗高級頭髮造型、化妝同埋新娘造型服務，變身做明星，不妨考慮嚟呢度！
更多參考圖片&預約詳情👇🏻
[스팟] SOONSOO（清潭總店）
清潭 | Jenny House(제니하우스)
「Jenny House」喺2002年選址首爾超高級地段清潭開業，默默成為K-beauty指標，唔單止韓韶禧、孫藝珍等韓國頂級明星，連好多K-POP粉絲都好鍾意嚟。
Jenny House負責人其實就係《Just Makeup》嘅「資深珍妮(베테랑 제니)」主理，佢哋有超過80位專業髮型師同化妝師，提供頭髮、化妝同頭皮SPA服務，想要偶像級「上鏡」效果嘅朋友，呢度絕對係首選！而家仲可以透過Creatrip預約，現場團隊都識講中、英文，唔需要擔心溝通問題！
更多參考圖片&預約詳情👇🏻
[斯팟] Jenny House｜清潭明星化妝髮型工作室
清潭、狎鷗亭、漢南、板橋 | Commenanabien(꼼나나)
「Commenanabien」係韓國著名高級妝髮Studio之一，由《Just Makeup》節目嘅人氣選手「婚禮偶像(웨딩돌)」主理，提供一對一諮詢，造型師亦會根據你嘅個人風格，幫你打造專屬造型，無論係精緻日常妝，定係大膽髮型、染髮同護理都得。佢哋喺唔少地方都有分店，透過Creatrip預約仲可以直接用繁體中文+港幣book，唔需要自己另外搵其他途徑預約！
更多參考圖片&預約詳情👇🏻
[스팟] Commenanabien（狎鷗亭本店）
[스팟] Commenanabien（漢南店）
[스팟] Commenanabien（清潭店）
[스팟] Commenanabien（板橋店）
清潭 | AKNACK TOOL(어낵툴)
清潭「AKNACK TOOL」由節目入面表現突出嘅「清潭大師(청담 마스터)」帶領，主打最新嘅頭髮同化妝潮流，無論係型格電髮、大膽染色定度身訂造護髮服務都有，全部都好有品牌特色。
所有造型師都會為客人度身設計專屬造型，走在時尚最前線，另外價錢表會標示英文，而且可以用英文溝通，唔識韓文都冇問題。另外仲會使用人氣美髮品牌AYUNCHE產品，可以買返屋企以後自己打理頭髮！
更多參考圖片&預約詳情👇🏻
[스팟] AKNACK TOOL（清潭店）
清潭 | YONING(요닝)
「Yoning」嘅化妝總監其實就係以「美妝浩克(뷰티 헐크)」呢個名參加《Just Makeup》嘅韓國美妝專家，呢間首爾妝髮Studio最擅長打造時尚又易打理嘅妝容，專注幫每位客人搵到最啱自己、又可以突顯自然美嘅風格。
呢度職員夠親切，而且仲可以用英文溝通，化妝室全部都係獨立房，夠曬有私隱，成個體驗都更加舒服安心！
更多參考圖片&預約詳情👇🏻
[스팟] YONING（狎鷗亭）
明洞 | COCOREA(코코리아)
如果住宿會揀明洞附近，咁就推薦大家去由《Just Makeup》參賽者「為婚而生(웨딩 수저)」擔任化妝總監嘅「COCOREA」體驗韓式妝髮！呢度所有妝容都跟上最新潮流，無論係舞台偶像風定係時尚自然風，都可以幫你發揮最大魅力，仲可以做埋Personal Colour診斷，一舉兩得！
更多參考圖片&預約詳情👇🏻
[스팟] [特價優惠🎉] COCOREA（明洞）
同場加映：《Just Makeup》評審主理妝髮Studio
明洞 | JUNG SAEM MOOL INSPIRATION(정샘물 인스피레이션)
如果有follow開韓國美妝界，咁你一定聽過Jung Saem Mool呢位被譽為K-Beauty教母同色彩魔術師嘅韓國傳奇化妝師！佢唔單止係全智賢御用彩妝師，更加帶出韓國自然、透亮、零瑕疵嘅妝感潮流，聞名全球。
而喺明洞樂天百貨入面就有佢嘅自家品牌「JUNG SAEM MOOL INSPIRATION」嘅分店，提供1:1專業化妝同頭髮造型服務，仲有由韓國頂尖化妝師親自指導嘅化妝班！
更多參考圖片&預約詳情👇🏻
[스팟] JUNG SAEM MOOL INSPIRATION（AVENUEL分店）
以上就係由最近人氣美妝節目《Just Makeup》參賽選手主理嘅韓國妝髮Studio，如果大家都想體驗正宗韓國化妝服務，推薦大家可以先考慮呢幾間！
你可能會有興趣⭐️
[블로그] 17間必去狎鷗亭/清潭洞妝髮Studio推薦
[블로그] 12間弘大必去髮型屋推薦
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
