韓國緊急戒嚴令已解除
韓國國會一致反對實施戒嚴令，總統尹錫悅正式宣佈解除非常戒嚴模式！
Hello，大家好，我哋係由韓國人每日提供最新韓國旅行資訊嘅Creatrip。
2024年12月3號深夜，韓國總統尹錫悅喺龍山總統室召開緊急新聞發佈會，宣佈為解決現今係韓國出現嘅各種政治、軍事同社會問題，由即時起實施「非常戒嚴令（비상계엄）」。
⚠️最新消息：尹錫悅喺凌晨4點25分正式宣佈解除戒嚴令，今次事件對韓國旅行並無任何影響，各位旅客可以安心前往韓國旅行
韓國戒嚴令正式解除
尹錫悅喺新聞發佈會表示自佢帶領嘅政府上任後，在野黨一共提出22件政府官員彈劾案，呢個做法喺韓國，甚至係世界任何一個國家都史無前例。佢亦抨擊財政預算被淪為政治鬥爭嘅工具，國政就因為咁陷入癱瘓。
한겨레
尹錫悅認為上述呢幾個情況擾亂根據憲法和同法律所建立嘅國家機關、踐踏韓國憲政秩序，係一種反國家行爲，所即刻宣布進入「非常戒嚴（비상계엄）」模式。佢亦表示將會喺北韓共產勢力威脅當中，守護大韓民國，剷除掠奪韓國國民幸福同自由嘅反國家勢力。
而戒嚴司令部亦都隨後公佈今次戒嚴令嘅內容，包括：
1. 禁止國會及地方議會、政黨之活動及集會、示威等所有政治活動
2. 嚴禁否定及企圖顛覆自由民主主義體制，禁止散播假新聞、製造輿論或煽動民情
3. 所有言論及出版會受統制
4 .嚴禁進行任何造成社會混亂之罷工、怠工及集會
5. 專攻醫（實習醫生、住院醫師）等正進行罷工或未有如常上班之所有醫護人員均需於48小時內返回崗位工作，違反時將根據戒嚴法處分
6. 幫助除反國家勢力等顛覆政治體制外之一般國民解決生活不便問題
동아일보
消息發布後引嚟韓國同外國媒體一片譁然，而同尹錫悅所屬政黨對立嘅國會最大黨派「共同民主黨」喺尹錫悅發布緊急戒嚴之後，即刻緊急召集所屬政黨嘅國會議員前往汝矣島國會大樓。
아시아경제
根據韓國憲法第77條第5項，如果國會過半數議員投贊成票，總統就必須解除戒嚴令。不過戒嚴令生效之後戒嚴司令部隨即派警察封鎖國會大樓，更加有軍人打爛玻璃進入國會大樓，令議員無法正常出入。
YTN
最後，國會議員300人中，有190人參加今次緊急國會決議案投票，全場一致贊成解除戒嚴，表示已過國會半數同意，係喺宣佈戒嚴令後時隔150分鐘達成嘅協議。
不過直至韓國凌晨3點，尹錫悅仍然冇任何回應，軍方亦表示喺總統發話宣佈選舉要解除戒嚴令之前都會仍然維持非常戒嚴狀態。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
