韓國10月天氣&穿搭小貼士
韓國入秋之後氣溫急跌？10月紅葉季最低溫度得5度？到底有幾凍、要點著衫先啱？
- 韓國10月天氣🔆
- 首爾10月最高/最低溫度🌡️
- 釜山10月最高/最低溫度🌡️
- 韓國10月穿搭/著衫小貼士🧥
- 韓國10月特別活動✨
- 飛韓國之前你仲需要...💡
Hello，大家好，我哋係由韓國人每日提供最新韓國旅行資訊嘅Creatrip。
嚟到10月，韓國踏入涼爽嘅秋天，溫度亦都慢慢下降。而相信大家最想知道嘅係幾時可以睇到紅葉！今年韓國由10月尾開始正式進入楓葉季，四周圍都會被紅葉同銀杏染成五顏六色！今日就等小編一次過幫大家整理10月天氣、穿搭小貼士，同埋今個10月有咩特別活動啦！
10月推薦體驗/活動
🛍️韓國超市/百貨公司休息日
🌕景福宮秋季夜間特別開放
🦀️韓國必食醬油蟹餐廳推薦
🍁韓國紅葉團特價熱賣中
韓國各月份天氣&穿搭小貼士💡
1月 | 2月 | |
12月 |
韓國10月天氣&穿搭小貼士
韓國10月天氣🔆
韓國10月正正係踏入秋天嘅時候，大家要注意呢段時間日夜溫差真係好大，怕凍嘅朋友們更加有可能會覺得韓國秋天天氣凍，記住要帶多件褸~
另外10月頭~中天氣都非常涼爽，不過去到10月尾最低溫度可能會跌到10度以下（特別係朝早嘅時候）！
首爾10月最高/最低溫度🌡️
- 最高溫度：15°C~27°C
- 最低溫度：3°C~17°C
2023年10月首爾溫度（weatherspark）
如果齋睇數字嘅話，大家可能會覺得首爾10月好凍，不過實際上係首爾一年當中天氣最舒服嘅時候！陽光夠靚，日頭相對乾爽同暖，入夜之後偏涼爽，不過又唔會話凍。
不過由10月頭開始，首爾凌晨到朝早嘅最低溫會喺10月上旬開始逐漸下跌，風比較大嘅時候可能會有少少凍！
釜山10月最高/最低溫度🌡️
- 最高溫度：17°C~29°C
- 最低溫度：5°C~20°C
2023年10月釜山溫度（weatherspark）
而位於韓國南部嘅釜山，入秋時期同首爾差唔多，整體嚟講都仲係涼爽唔會凍！如果大家呢段時間會去釜山旅行，plan住去廣安里、海雲台等等嘅海邊景點，要注意秋天海風比較大，怕凍嘅話記住帶風褸/外套，或者戴帽擋一擋風。
韓國10月穿搭/著衫小貼士🧥
무신사
10月嚟韓國玩著咩衫好？小編建議如果你本身怕凍就著長袖長褲，唔怕凍就可以短袖長褲+薄外套！始終轉季呢段時間溫度變化都大，所以洋葱式咁著，熱就除衫、凍就著衫，咁做就唔怕會凍親或者太熱。
무신사
韓國人10月穿著非常多樣化，喺街上會見到人著衛衣、Hoodie、冷衫、風褸等等都有。所以呢個時候韓國各大商圈同衫鋪都會有好多衫款可以買到，想掃貨就記住唔好錯過秋天啦！
韓國10月特別活動✨
首爾世界煙火節
- 日期：2024年10月5日（星期六）
「首爾世界煙火節」每年都會喺10月上旬喺汝矣島漢江公園舉辦，首爾好多地方都可以睇到超壯觀煙花匯演，如果大家10月會嚟首爾玩，就一定唔可以錯過啦！
景福宮夜間特別開放
- 日期：2024年9月11日至10月27日
- 時間：逢星期三至日 19:00-21:30
每年春天同秋天，首爾景福宮都會特別喺夜晚進行開放，等大家可以欣賞宮殿古典夜景。而因為10月天氣涼爽，可以話係著韓服最舒服嘅時候，天氣好嘅時候影相真係好靚！
古宮秋季文化體驗
除咗景福宮夜間特別開放，秋天嘅時候更加會舉辦景福宮古宮音樂會、昌德宮月光之旅等等嘅特色文化體驗，如果大家有興趣，記住要快啲買飛啦（外國人專用門票得我哋網站有）！
韓國紅葉季
10月嚟韓國玩嘅重頭戲一定唔少得賞楓！韓國紅葉今年由10月起就會陸陸續續轉紅，趁天氣涼爽又唔會點落雨，一齊嚟韓國睇紅葉啦！
飛韓國之前你仲需要...💡
🍁參加一日遊去近郊睇紅葉啦👇🏻
如果有更多想知嘅內容，都可以隨時留言或者dm話俾我哋知：）
Mail：help@creatrip.com
