韓國8月天氣&穿搭小貼士
嚟到韓國夏天最熱嘅8月！梅雨季幾時完？會熱到幾時？
- 韓國8月天氣🔆
- 韓國「三伏」係咩嚟？🤔
- 首爾8月最高/最低溫度🌡️
- 釜山8月最高/最低溫度🌡️
- 韓國8月穿搭/著衫小貼士🧥
- 韓國8月梅雨季終於完啦🌧️
- 飛韓國之前你仲需要...💡
Hello，大家好，我哋係由韓國人每日提供最新韓國旅行資訊嘅Creatrip。
7月嘅韓國真係日日都落雨咁濟，終於嚟到8月啦！8月雖然都好熱，不過幾乎係夏天嘅尾聲，過埋呢個月就可以迎接初秋啦！到底韓國8月有幾熱？仲會唔會落雨，又應該要帶咩衫？
8月推薦體驗/活動
🛍️韓國超市/百貨公司休息日
🏊♀️漢江泳池開到8月中就完？
☔落雨可以去邊度玩？
✨唔洗淋雨出汗就去到嘅商場/百貨公司
韓國各月份天氣&穿搭小貼士💡
1月 | 2月 | |
韓國8月天氣&穿搭小貼士
韓國8月天氣🔆
연합뉴스
韓國8月可以話係一年當中最熱嘅時候，不過比較好彩嘅係梅雨季8月頭幾乎就嚟完，所以大家唔洗擔心會因為落雨而去唔到想去嘅景點（不過都係會熱，記住要小心中暑）。
韓國「三伏」係咩嚟？🤔
韓國有個term叫做「三伏」，係一年當中氣溫最高、最潮濕同最焗嘅時候。「三伏」又分為「初伏」、「中伏」同「末伏」，而今年「初伏」同「中伏」都係喺7月，而「末伏」就會係8月14號。好多超級市場同餐廳紛紛推出同三伏有關嘅product，無論係補充元氣嘅蔘雞湯定冰冰涼涼消暑嘅嘢食都有唔少！
首爾8月最高/最低溫度🌡️
- 最高溫度：26°C~36°C
- 最低溫度：19°C~26°C
2023年8月首爾溫度（weatherspark）
韓國8月用一個字形容就係...「熱」！不過最熱嘅時候係8月頭同8月中，由8月尾到9月雖然都會熱，不過唔會好似7月同8月頭咁焗。
首爾8月平均氣溫方面，8月頭~中日頭時間都氣溫都偏高，不過只要一過「末伏」就會好少少。但係建議大家都仍然要準備定幾個室內行程，以免遇上雨天或者因為太熱而冇地方去。
釜山8月最高/最低溫度🌡️
- 最高溫度：25°C~35°C
- 最低溫度：22°C~27°C
2023年8月釜山溫度（weatherspark）
因為釜山位於韓國南部，所以8月整體嚟講都係好熱，不過同首爾一樣，過咗8月中之後就會稍微好少少！
去到8月尾，只要去到太陽落山之後就唔會咁熱，喺外面玩耐啲都OK！
韓國8月穿搭/著衫小貼士🧥
룩핀
무신사 / 에펨코리아
8月穿搭方面同樣以輕便、透氣為主，而且因為太陽比較大，所以比較建議著淺色衫以免中暑！如果怕太陽太大或者落雨，都可以帶件薄外套或者隨身帶把遮。
韓國8月梅雨季終於完啦🌧️
首爾2023年8月雨天分佈（weatherspark）
釜山2023年8月雨天分佈（weatherspark）
韓國梅雨季通常會喺7月尾完，雖然8月間唔中會落雨，不過唔會好似7月咁日日落或者落狗屎出唔到去玩！但係隨住全球氣候極端問題加劇，8月都有可能會出現突發性暴雨或者颱風，建議大家出發前/每日出門口前check清楚天氣。
Plan住8月嚟韓國嘅朋友們除咗要定期做好防曬，亦都要注意補充水分，小心唔好中暑啊！
飛韓國之前你仲需要...💡
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
