2026韓國追星攻略 | 9樣KPOP粉絲去韓國前必預約體驗/服務
準備去韓國追星？一次過幫你整理演唱會/頒獎典禮、影相裝備、應援、妝髮服務預約重點
Hello，大家好，我哋係由韓國人每日提供最新韓國旅行資訊嘅Creatrip。
鍾意韓國偶像耐咗就會知，就算已經買好演唱會飛，去韓國追星其實仲有好多嘢要安排。去到前幾日先醒起要預約交通、應援用品、影相裝備、妝髮Studio等等嘅話就可能會太遲...！
追星小編自己平時都會去演唱會、做應援同簽唱會行程，所以今次想用追星人角度，幫大家整理出香港KPOP粉絲通常去韓國追星之前會預約咩服務。下次去韓國追星之前就可以先參考呢篇文章，提早預約定相關服務，令追星行程更加開心滿足！
※下列價格、開放日期、服務內容以頁面最新資訊為準
1. 韓國演唱會/年尾頒獎典禮
如果今次去韓國追星嘅主要行程係演唱會或者參加年尾頒獎禮，咁除咗搶飛，之後要準備嘅嘢其實都唔少。尤其有啲場館位置比較遠，散場時間又夜，如果真係等到出發前先慢慢研究交通，成件事會比想像中狼狽好多。
韓國演唱會/年尾頒獎典禮門票
好多香港粉絲去韓國追星，通常都係想去睇大型拼盤演唱會、歌謠祭、頒獎禮等等，因為可以一次過見到多組藝人，CP值夠高！
不過呢類演唱會同頒獎典禮門票本身就多人搶，而且唔同活動嘅售票方法、入場規則、實名確認方式都可能唔一樣，所以真係唔好以為買到飛就已經完成任務。門票資訊、集合安排同入場要求，最好都提早睇清楚，咁到當日先唔會手忙腳亂。
除咗韓國主流售票平台之外，其實大家都可以透過Creatrip購買各種拼盤演唱會、頒獎典禮、特別KPOP活動同演出嘅外國遊客專用門票。就算係本身預計好難買飛嘅活動，因為大家唔需要同韓國人爭飛，競爭相對比較細、成功機會更大！
演唱會場地接駁巴士
根據追星小編經驗，通常第一次去韓國睇演唱會最容易忽略嘅就係散場之後嘅回程交通。演唱會場館未必全部都喺市中心，有啲可能去到仁川、高陽，甚至首爾近郊，睇完演唱會可能尾班車已經開出，更加有可能截唔到或者call唔到的士，冇辦法返到首爾。
如果你本身唔熟韓國交通，或者當晚散場時間比較夜，小編建議大家提早預約演唱會來回接駁巴士服務，唔需要自己搵路同查點搭車，亦都包保有車返到住宿。
🎤追星小編有話兒：雖然好多經紀公司都會另外幫粉絲安排接駁巴士服務，不過未必可以將行李放喺車上，而且人比較多，來回時間好容易會受影響。推薦大家透過Creatrip預約接駁車輛，攞住一堆行李都可以安心放喺車上保管！
2. 音樂節目錄影
如果你今次去韓國嘅時間啱啱好撞正偶像回歸，咁除咗演唱會之外，打歌行程應該都會係你嘅重點行程之一。去音樂節目錄影現場可以更近距離睇到偶像勁歌熱舞，仲有可能可以互動到！
小編自己試過好多次經偶像Fan Cafe報名，但幾乎冇被抽中過，而且各大電視台嘅報名方法都唔一樣，唔提早準備定可能就會錯過機會。而家Creatrip有推出SBS《人氣歌謠》錄影+首爾半日團行程，可以參與現場直播之餘，仲可以去首爾各大特色地區玩返半日，行程夠充實！
3. 演唱會拍攝及應援裝備
去韓國追星，對好多粉絲嚟講唔止係「入到場、見到明星」就夠，而係想為自己鍾意嘅明星盡情打氣，再用相或者影片留低美好回憶。
追星神器Galaxy Ultra手機租借
Samsung TikTok
韓國好多演唱會場館都唔細，舞台距離遠，燈光又複雜，單用自己平時部手機可能未必影得清楚。所以近年唔少粉絲去韓國睇演唱會之前，都會先預約定Galaxy Ultra手機租借，租返兩三日去影相同錄影再還就得，方便之餘唔洗自己另外買部手機咁揼本。
🎤追星小編有話兒：可能好多人都會擔心Samsung手機唔知點過相落iPhone，不過而家好多地方都會提供數據傳輸服務，或者直接可以upload上Google Drive俾你。另外而家亦都多咗地方出租iPhone 17 Pro，可以一次過參考！
演唱會應援棒/手燈租借
另一樣好多粉絲都會出發前先醒起嘅就係應援棒，但睇騷時有應援棒同冇應援棒真係差好遠。小編之前陪朋友去睇Stray Kids演唱會，方圓十里得我一個冇手燈，勁空虛又尷尬，最後只可以打開手機電筒XD
尤其如果你好似小編咁只係想體驗演唱會現場氣氛、無打算自己買一支應援棒去，或者上到機先發現自己唔記得帶，應援棒/手燈租借服務其實真係幾方便。
4. 生日應援、紀念週邊
除咗睇演唱會同音樂節目錄影，唔少粉絲去韓國其實都係為咗偶像生日、出道日或者各種紀念日。雖然經紀公司未必會舉辦大型活動，但因為對粉絲嚟講係有特別意義嘅日子，所以好多時候都會同鍾意同一團嘅朋友一齊聚會。
特別訂製蛋糕
無論係想慶祝偶像生日、出道日，抑或係想同朋友一齊慶祝一個特別日子，好多人都會去訂蛋糕。雖然香港都有好多靚蛋糕，但如果咁啱會去韓國，就當然要喺當地訂返個特別蛋糕啦！
不過大部分韓國蛋糕鋪都只可以用韓文溝通同預約，無論係揀款、蛋糕大細、要寫咩句子、有咩特別要求，對唔識韓文嘅朋友們嚟講比較唔方便。
大家而家可以透過Creatrip預約多間韓國人氣蛋糕店，例如以BLACKPINK Jennie同BTS SUGA生日蛋糕而出名嘅Cafe Highwaist、以可愛動物蛋糕受歡迎嘅HAPPY BEAR DAY，同以粉嫩禮盒同可愛店舖裝潢出名嘅CHERRY OO CHERRY嘅蛋糕。
用繁體中文同港幣就可以訂到明星同款蛋糕，部分蛋糕款仲可以要求寫指定句子，令成件事更有儀式感、更特別！
🎤追星小編有話兒：人氣蛋糕店通常weekend或者偶像生日週最難預約，如果你想指定文字同設計，建議再提早少少預約！
偶像小卡、週邊
如果話蛋糕係儀式感，偶像小卡就比較似係追星旅程入面會想帶返屋企嘅紀念。對好多粉絲嚟講，去韓國追星唔止係睇活動，仲會想順便買返啲香港買唔到、但值得收藏嘅週邊商品，而小卡就係最基本、亦最受歡迎嘅週邊之一。
而家弘大同明洞多咗好多賣偶像小卡嘅鋪頭，有齊唔同人氣團體嘅小卡，甚至連稀有版小卡都有。唔需要買專輯抽，可以直接用平板電腦落單，更加唔洗另外等郵寄或者俾運費，早去嘅話仲可以即日攞！
🎤追星小編有話兒：透過Creatrip仲可以購買盲袋小卡套裝，更加會送一張95折優惠券，等大家可以用更抵價錢買到自己心儀嘅偶像小卡！
另外如果你係好似小編咁會收集小卡或者偶像公仔嘅追星族，韓國都有好多平價但夠cute嘅小卡套、偶像公仔衫嘅鋪頭，大家記住準備多啲子彈嚟掃貨啦！
🎤追星小編有話兒：大部分偶像週邊、公仔、小卡套鋪頭都聚集喺弘大，有時間建議大家可以安排一日半日去弘大行，相信一定可以執到寳！
5. 韓式妝髮服務
如果今次去韓國仲有簽唱會、見面會或者其他可以近距離見偶像嘅行程，咁心情通常會比睇演唱會更緊張。因為呢類場合好多時會留低相片同影片，所以唔少粉絲都會特別重視當日造型。
小編自己每次去簽唱會都一定會預約妝髮Studio，搵專業化妝師化一個比較精緻嘅妝，務求偶像可以見到自己最靚一面。
記得之前同朋友去咗位於弘大嘅「imi Hair&Makeup」，呢度首席化妝師有超過15年經驗，更加上過韓國化妝生存戰節目《JUST MAKEUP》，體驗完之後真係會feel到專業人士係唔同啲！無論係底妝、眼妝、陰影、唇妝，甚至係頸嘅膚色都會幫你match返，最重要係個妝持久度高，去完簽唱會返到屋企都冇溶冇花。
詳細體驗過程可以參考呢條片：
🎤追星小編有話兒：通常韓國妝髮Studio都係行預約制，唔可以即日walk-in，所以建議大家一定要提早預約！
其他評價好嘅首爾妝髮Studio👇🏻
追星族出發去韓國前有咩要注意？
➀ 必需品Checklist
追星行程當日最怕漏帶嘢，所以有啲基本物品真係建議前一晚就執好。特別係如果你當日仲有演唱會、音樂節目、簽唱會或者其他應援行程，去到先買或者臨時搵，通常都會好趕。大家可以參考以下checklist去執行李：
- 護照同身份證明文件
- 門票、預約確認信或入場資料
- 手機、充電線、插頭
- 行動電源（尿袋）
- 漫遊/SIM卡（可以上網預約定，落機去機場櫃枱換領）
- 應援棒、應援用品
- 租借手機/物品確認憑證
- 韓幣現金、交通卡
- 當日要用嘅髮夾、化妝品、紙巾等
🎤追星小編有話兒：所有預約嘅確認憑證、門票資料、護照/身份證明文件、行動電源建議臨出門口之前一定要check多次，冇咗就會影響到成個行程！另外根據2026最新規定，乘搭來回韓國航班嘅時候每人最多只可以帶2個行動電源，記住唔好超出數量，以免被沒收（實際規則可能因航空公司而異，出發前請再確認所乘搭航空公司公告)
➁ 出發前一定要確認交通
尤其演唱會場館、簽唱會地點或者音樂節目錄影現場，未必全部都喺首爾市中心或者最方便嘅位置。有啲場地去到首爾外圍、仁川、高陽都唔奇，如果你當日仲要轉車，真係會比想像中花更多時間。
所以追星小編建議大家出發前唔好淨係睇點去，應該要連點回程都一次過確認好！特別係散場時間比較夜嘅活動，成堆人一齊散場，交通會比平時更亂，所以最好提早確認：
- 地鐵最尾班車時間
- 巴士班次
- 場館去車站大概要行幾耐
- 如果太夜，仲有冇其他返酒店方法
➂ 睇演唱會建議提早少少到
如果你今次係去睇演唱會，真係唔好抱住「開場前入到去就得」嘅心態。因為唔少演唱會或者大型活動，正式開場前已經有好多嘢要處理，例如領取實體門票、身份確認、入場排隊，尤其如果你仲想排周邊、睇場外應援、影打卡相，太遲到場真係會好易趕到咩都做唔到。
暫時未有機會飛韓國追星？
唔係每次偶像生日、回歸、出道紀念或者大型活動，你都一定啱時間去到韓國。不過去唔到，唔代表完全冇得參與。對外國粉絲嚟講，就算身處他方都可以為自己鍾意嘅idol加油打氣！
相信大家應該都成日會見到明星們互相送咖啡車去拍攝現場，其實普通粉絲都可以！而且就算自己唔識執相修圖，只要提供想用嘅相俾咖啡車公司，佢哋就會幫你整banner。如果透過Creatrip預約仲可以幫大家解決要用韓文溝通呢個問題，由我哋嘅負責同事幫你表達需求，更加可以直接用港幣付款，更加方便。
除此之外仲可以為你鍾意嘅韓星落戶外廣告，生日、回歸、出道紀念、得獎等日子都幾適合做呢類應援，可以表達心意之外順便幫佢做宣傳；如果唔想咁張揚，亦都可以選擇遠距離送上應援花束，表達你最誠懇嘅心意！
🎤追星小編有話兒：上述應援咖啡車、戶外廣告、應援花束製作同溝通需時，建議大家提早1個月預約，而且要隨時check email，以免因為回覆慢而影響最終送出時間同效果！
韓國追星常用服務一覽
追星服務 | 適合情況/人士 | 建議預約時間 |
演唱會/頒獎禮門票 | 想去現場睇大型舞台、一次過見到多組人氣歌手 | 開售後盡早 |
演唱會接駁巴士 | 場館比較遠或夜間散場 | 確定行程後盡早 |
音樂節目錄影觀賞 | 偶像回歸期去韓國、想近距離見到自己鍾意嘅歌手 | 提早1個月 |
Galaxy手機租借 | 想影到更清晰舞台相片/影片、唔想另外買手機 | 3-7日前 |
應援棒(手燈)租借 | 唔記得帶手燈、趕唔切買但急需應援棒 | 3-7日前 |
偶像生日蛋糕 | 偶像生日、紀念日 | 3-14日前 |
偶像小卡 | 想買比較稀有嘅小卡收藏 | / |
韓式妝髮體驗 | 簽售、見面會、需要以完美造型去影相嘅日子 | 2-7日前 |
咖啡車/廣告/花束應援 | 暫時去唔到韓國，但想參與生日、回歸或演出應援 | 2~4星期前 |
韓國追星體驗常見問題FAQ
| Q1. 去韓國追星通常要幾早開始準備？
A：如果你已經決定好會去睇演唱會、參加音樂節目錄影或者做生日應援，通常都建議越早越好。尤其門票、交通、蛋糕、妝髮呢類受日期影響比較大嘅項目，早啲安排會更加安心。
| Q2. 除咗演唱會/見面會，仲有咩追星行程值得提早預約？
A：如果今次係會去睇演唱會，建議大家提早預約定演唱會接駁巴士、追星神器手機租借；如果係會去簽唱會或者見面會，就建議預約定妝髮Studio；如果只係嚟韓國玩，但又想加幾個追星行程，咁就可以預約音樂節目錄影門票同訂製蛋糕，令今次行程更充實！
| Q3. 點先可以去到睇音樂節目錄影？
A：通常偶像回歸期間官方會開放粉絲入場名額，不過因為名額唔多，所以通常競爭都好大，未必可以搶到；電視台方面亦會每個禮拜定期開放報名，但加入會員同申請過程都比較繁複。雖然睇唔到特定團體舞台錄影，不過透過Creatrip就可以預約到《人氣歌謠》直播門票，可以近距離見到最近出新歌嘅人氣歌手！
| Q4. 點解咁多人都會去租演唱會影相專用手機？
A：如果你演唱會嘅時候距離舞台比較遠，加上現場燈光暗，其實用普通手機好難可以影到清楚嘅相或者影片。比起自己另外買一部好似Samsung Galaxy Ultra系列咁相機功能夠好嘅手機，租返一兩日用，影完之後過返data落自己手機或者Drive就得，更加方便實惠。
| Q5. 偶像生日蛋糕通常要幾早預約？
A：如果你已經知道想喺邊日拎蛋糕，通常都建議早啲安排，提早3-14日就差唔多。特別係人氣偶像生日、週末，或者應援人流比較多嘅日子有機會預約唔到，所以唔好等到臨出發先處理。
| Q6. 去唔到韓國，仲可以點樣幫偶像應援？
A：就算今次去唔到韓國，都仲可以考慮遙距應援，例如預約應援咖啡車、戶外廣告應援或者花束應援，不過記住一定要提早差唔多1個月預約同溝通，如果唔係有可能冇辦法喺你指定日子準備好。
| Q7. 唔識韓文，預約韓國追星體驗會唔會好麻煩？
A：如果你唔識韓文，訂蛋糕、預約妝髮、租借服務等呢類要事前確認內容嘅項目可能會比較辛苦同麻煩。所以推薦大家可以透過Creatrip等外國人專用平台預約，所有頁面同溝通過程都係用繁體中文，俾錢都可以用港幣，過程更加輕鬆方便。
本文由熟悉韓國KPOP活動同外國旅客預約流程嘅Creatrip小編整理，結合實際追星經驗、平台預約資訊同2026年最新規定編寫，希望幫大家更輕鬆安排行程。
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
