仁川機場便利設施總攻略

韓國人都未必知嘅仁川機場便利設施/服務，一次過話曬俾你知！

유키

3 months ago

Hello，大家好，我哋係由韓國人每日提供最新韓國旅行資訊嘅Creatrip。

大部份朋友們嚟韓國旅行通常都係飛仁川機場，其實仁川機場有好多方便旅客嘅設施同服務大家都未必知道或者用過（連韓國人都未必知道XD）！今日小編幫大家整理咗喺仁川機場大家可能會用到嘅service，記住save低篇blog參考啦！

想直接睇最想睇嘅部份？
打開目錄就可以跳去！

仁川機場設施仁川機場服務仁川機場galaxy s23 s24 ultra租借服務仁川機場膠囊酒店仁川機場休息區仁川機場免費服務仁川機場免費設施仁川機場租借服務仁川機場行李寄存仁川機場行李托運韓國自動通關韓國sim卡 2024韓國機場攻略

仁川機場便利設施/服務總攻略

경향포토

持香港護照人士只要事先申請SeS，就可以好似韓國人咁入境嘅時候行E道，唔洗曬咁多時間排隊等人工海關櫃檯。而就算冇另外申請過自助通關，出境嘅時候亦都可以直接行無人自助通道，快啲入到禁區！

申請SeS自動通關地點

仁川機場T1

仁川機場T2

平時大家都要走到首爾市區先可以用比較好嘅匯率換到錢，其實都真係幾嘥時間。透過我哋預約換錢可以直接喺機場以最平、最快、最方便方式攞到錢，即刻開始韓國之旅！大家仲可以事先用我哋嘅匯率計算機計可以換到幾多錢，仲會話你知可以慳到幾多！

所有旅客都可以免費用機場WiFi，大家只要搵「AirportWiFi」、「Olleh wifi」或者「T wifi zone」就得，唔洗怕同家人朋友失聯，用地圖或者上網都冇問題！

에너지경제신문

對現代人嚟講其中一個惡夢係手機冇電... 如果大家有需要充電，可以去搵寫住「FREE CHARGE」、「CHARGE」或者「무료충전(免費充電)」嘅充電區，離境大堂同Check-in櫃檯附近有唔少！

去旅行冇data上網真係好唔方便！呢個時候大家可以事先買定韓國本地SIM卡或者租定WIFI蛋，一到埗就直接喺機場攞！不過注意每款SIM卡/WiFi蛋領取地點都唔同（大部份會喺入境大堂），預約完之後記住要睇清楚啦！

Samsung Galaxy S23/S24 Ultra 手機

GoPro、Insta360

Glampalm直髮夾/Dyson Airwrap

行李位置/重量有限，真係好難咩都帶嚟旅行，大家又知唔知原來喺仁川機場都可以租到手機、相機同美髮工具呢！無論係追星必備嘅Galaxy手機，可以用嚟拍vlog記錄旅程嘅GoPro同Insta360，定用嚟Set返個靚頭嘅直髮夾同Dyson Airwrap都有，大家之後就可以留位裝多啲戰利品返屋企啦！

想直接喺機場去景點玩，但係又唔想專登去酒店住宿放低行李嘅話，可以喺機場搵行李寄存/托運服務，咁就可以用盡所有時間玩盡佢！

唔想排長龍等Check-in，又係搭下面個幾間航空公司嘅航班嘅話，其實用自助登機自行辦理登記、揀位、列印登機證同行李牌會更加快。攞到行李牌之後痴好，再直接去托運行李嗰行排隊，磅好重就完成check-in手續（不過如果有小朋友一齊嘅話就要去櫃檯）！

T1	T2
韓亞航空(Asiana Airlines)	大韓航空(Korean Air)
國泰航空(Cathay Pacific)	真航空(Jin Air)
土耳其航空(Turkish Airlines)	法國航空(Air France)
濟州航空(JEJU Air)	荷蘭皇家航空(KLM Royal Dutch Airlines)
德威航空(T'way)	達美航空(Delta Airlines)
首爾航空(Air Seoul)	中華航空(China Airlines)
易斯達航空(EastarJet)
釜山航空(Air Busan)
Air Premia
聯合航空(United Airlines)