韓國初婚年齡增長、已婚率達史上最低？

Hello，大家好，我哋係由韓國人每日提供最新韓國旅行資訊嘅Creatrip。

韓國出生率係OECD國家之中最低，而其中一個直接影響到出生率嘅因素係結婚率！韓國人平均結婚年齡係幾多歲，通常男女年紀差幾多歲，而已婚率又係幾多？

想直接睇最想睇嘅部份？
打開目錄就可以跳去！

韓國初婚年齡&已婚率

韓國初婚年齡

국민일보

根據韓國統計處數據顯示，2023年韓國男性初婚年齡係34.0歲，而女性就係31.5歲，成為史上最高數值。

韓國男性平均首次結婚年齡

由上面個表大家可以睇到，韓國男性平均首次結婚年齡喺2003年就已經突破咗30歲，而喺呢23年入面男性初婚年齡由29.28歲增加至33.97歲，代表韓國男性平均延後咗4.69年結婚。而同香港最新初婚年齡中位數（32.2歲）相比，亦都遲咗差唔多2年。

韓國女性平均首次結婚年齡

而女性平均首次結婚年齡方面，因為韓國夫婦（同情侶）大部份都係男方大過女方，所以女性年紀相對會細啲，不過亦都喺2016年突破咗30歲。相比2000年，女性初婚年齡由26.49歲增加至31.45歲，代表平均延後咗4.96年結婚，香港最新初婚年齡中位數（30.7歲）相比，亦都遲咗年幾。

但係根據韓國輿論調查機構以“男女適婚年齡”作出嘅調查顯示，韓國人大部份覺得男性平均32.7歲，女性平均30.3歲結婚最啱，同上面數據比較嘅話無論係男定女都遲過適婚年齡結婚。

韓國已婚率

한국경제

而最矛盾嘅係，就算係適婚年齡，都唔代表大家都會喺嗰陣結婚（甚至係考慮結婚）。以2023年年滿35歲（1988年出生）嘅已婚率為例，男士已婚率只有40%，而女士已婚率都係得60%，代表有成過半數韓國男人超過適婚年齡成兩三年都未結婚！

코메디닷컴

年紀大啲情況又會唔會好啲呢？答案係唔會XD 根據統計，2023年年滿40歲（1983年出生）嘅男女已婚率分別係65%同78%，去到40歲都有成差唔多1/3嘅男人冇結婚，可想而知出生率就當然會受到勁大影響啦！

點解韓國咁少人結婚生仔？

헬스조선

會形成呢個局面嘅原因其實同大家諗嘅應該都差唔多！統計處調查顯示，韓國男人唔結婚嘅原因頭三位分別係資金不足（41%）、覺得冇咁嘅必要（13%）同而家份工唔穩定（12%）。呢個社會咩都講求錢，而結婚係人生大事，當然需要更多錢去準備，甚至要顧及埋結婚後生活同家計，所以唔夠錢自然成為咗決定結唔結婚嘅絆腳石。

而韓國女人唔結婚嘅原因就同男人有少少分別，頭三位分別係資金不足（26%）、覺得冇咁嘅必要（24%）同覺得生仔凑仔有負擔（12%）。比較特別嘅係第一名同第二名其實只係相差2%，而且比起男人，更加多女人覺得冇必要結婚！相信係因為比起舊時大家覺得女仔需要結婚依靠男人生活，而家反而會覺得女人都可以獨立自強，唔一定要結婚生仔人生先會圓滿。

헬스조선

不過就係因為咁，韓國生育率相當低迷，更加有專家認為2024年嘅數字將會跌至0.68，即係話每100個女性就只會生出68個小朋友！雖然韓國政府有出各種奇招去鼓勵夫婦生仔，但係以暫時嘅情況嚟睇，都應該幾難即時見到效果。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com