Olive Young優惠總整理
點解次次去親旅行都遇唔到Olive Young優惠？一次過話你知幾時會搞大減價！
- Olive Young 3 Days Deal
- Olive Young Pick（올영 Pick）
- Olive Young Sale（올영세일）
- Olive Young 黑色星期五
- Olive Young Day（올영데이）
- Olive Young新年優惠
- Olive Young中秋折扣
- Olive Young Awards & Festa
- 點先可以買到Olive Young限定折扣商品？
Hello，大家好，我哋係由韓國人每日提供最新韓國旅行資訊嘅Creatrip。
幾乎每個嚟韓國玩嘅遊客都一定會去Olive Young掃化妝品同護膚品！Olive Young經常都會搞優惠，有時候最高仲會做到3折，但覺得自己好似成日都miss咗？今日就等小編幫你整理好幾時有優惠啦！
想知道自己最啱用咩色嘅化妝品?💄
OLIVE YOUNG優惠總整理
Olive Young 3 Days Deal
- 優惠日期：每月第一個禮拜/最後一個禮拜
Olive Young不定期會有一個叫「3 Days Deal」嘅優惠，無論係面膜、精華定各種護膚保養品，只要喺Olive Young APP或者網上平台買就可以享有超抵優惠！不過呢個優惠對遊客嚟講唔太方便，而且好唔定期，所以建議大家都係捕住以下嘅優惠時段比較好！
Olive Young Pick（올영 Pick）
- 優惠日期：每個月唔定時
所謂嘅「Olive Young Pick」係每個月最受歡迎嘅商品，通常會用套裝形式做優惠，無論係網上定實體店都可以買到！
Olive Young Sale（올영세일）
- 優惠日期：3、6、9、12月頭
Olive Young每季都會搞大優惠，一年有4次，為期約一週，通常都會係月頭，優惠最高仲會去到70%，而且幾乎所有商品都有折，大家如果想用最低價錢掃貨，記住把握呢個機會啦！
Olive Young 黑色星期五
每逢黑色星期五，各大購物平台都會搞大優惠，當然唔少得Olive Young啦！通常Olive Young黑色星期五優惠時段都會比較長，不過每年只有一次！
Olive Young Day（올영데이）
- 優惠日期：每個月25、26、27號
每個月25-27號都係Olive Young Day，只要係Olive Young會員就可以享有各種獨家優惠！不過就算你只係普通遊客，呢段時間都有唔少product會做特價（不過唔太多咁解），如果你咁啱月尾喺韓國，不妨可以去碰碰運氣！
Olive Young新年優惠
農曆新年係韓國大節日之一，Olive Young當然唔會放過呢個機會搞優惠促銷啦！而且呢個時候通常都會推出各種護膚品禮盒，方便大家送禮！
Olive Young中秋折扣
另一個韓國人最重視嘅節日係中秋節，同農曆新年嘅時候一樣通常都會推出禮盒，不過比較特別嘅係中秋節優惠期間有好多保健食品折扣都比較高，真係好啱買嚟送人！
Olive Young Awards & Festa
- 舉辦日期：每年年尾（12月左右）
Olive Young通常每年12月左右就會公佈每個類別嗰年最暢銷嘅冠軍產品，有時候仲會搞pop-up邀請KOL去參加！呢段期間大部份排行榜入面嘅product都會有優惠，不妨可以參考小編之前幫大家整理好嘅list，跟住買實冇死！
點先可以買到Olive Young限定折扣商品？
#1 直接去現場買
相信唔需要小編多講，最簡單直接嘅方法就當然係捕住優惠時段去Olive Young掃貨！而家消費滿₩15,000再出示護照，仲可以直接退稅！
#2 先喺網上落單，然後嚟韓國攞
如果嚟韓國玩嘅時候咁啱唔係優惠期間，但係又有想買嘅化妝品/護膚品？Creatrip全新推出韓國代買自取服務，只需要複製貼上相關網址，就可以1秒報價！6個月內嚟首爾玩嘅時候直接去Creatrip位於江南站嘅Office攞貨就得，真係好抵！
而且報價係幾多錢就係幾多錢，唔會收你其他費用，百分百抵過自己飛嚟再用原價買！
想知道自己最啱用咩色嘅化妝品?💄
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
