Hello，大家好，我哋係由韓國人每日提供最新韓國旅行資訊嘅Creatrip。
而家越嚟越多人揀去韓國做醫美，唔單止有更多療程可以揀，價錢都比其他國家平，所以討論度變得更高。
小編自己一開頭對醫美認識唔太深嘅時候，想去做醫美都要上網不斷search資料，但係發現好少香港人有分享韓國醫美，而且都好難搵到想知道嘅資訊。為咗幫大家唔洗好似我咁辛苦，小編今次幫各位香港朋友整理出一份終極攻略，到底要點樣預約韓國醫美診所？最近有咩療程必做？嚟韓國做醫美要注意啲咩？一篇文就可以睇曬！
2026年冇咗醫美退稅好蝕錢？
透過Creatrip預約指定醫美診所
上傳收據即賺最高15% Creatrip積分！
香港人必睇韓國醫美療程攻略
點解咁多人專程飛去韓國做醫美療程？
韓國醫美之所以受到全球關注，唔單止因為「韓流」或者一時潮流，而係喺價格、技術同療程效率幾方面，的確都有相當明顯嘅優勢，大概可以歸納為以下3個因素：
1. CP值高，價錢相對更吸引
唔單止係美國、歐洲，其實同香港相比，韓國醫美療程收費更加實惠親民，即使比較較新型嘅醫美儀器，整體價格都往往更容易接受。對於想控制預算，但又希望體驗比較高級嘅療程嘅人嚟講，韓國自然係一個幾有吸引力嘅選擇。
2. 儀器更新快、技術發展成熟
韓國一直都被視為醫美市場入面發展得相當快嘅地方，尤其喺拉提緊緻類療程方面，設備更新速度非常快。除咗大家比較熟悉嘅 Ultherapy美版超聲刀同 Thermage熱瑪吉，韓國亦經常率先引入唔同類型嘅新設備，更加會研發本地版本，例如近年收到關注嘅Shurink韓版超聲刀、Volnewmer黃金樁同10Therma十倍電波等等。
再加上當地接受醫美療程嘅人口基數大，診所同醫生接觸嘅案例多，累積落嚟嘅經驗亦相對豐富，令整體技術同療程方案都可以持續優化。
3. 療程節奏快、修復期相對短
韓國醫美另一個受遊客歡迎嘅原因就係療程安排普遍比較有效率。由諮詢到正式療程，唔少項目都可以喺1至2小時內 完成，行程安排相對方便。而且部分療程做完之後，修復期亦較短，通常唔會太影響之後嘅觀光或日常活動。
甚至喺韓國，唔少人會趁lunch break抽時間去做簡單皮膚療程，某程度上都反映出療程節奏快、日常負擔較低呢一點，早已成為當地好普遍嘅醫美文化。
如果你都想喺旅行期間，用相對合理嘅預算體驗較新嘅醫美療程，同時又希望流程快捷、安排方便，推薦大家下次飛韓國都可以抽時間去體驗韓國醫美！
韓國醫美診所有邊幾種？
講起韓國醫美診所，大家都會將診所大致分為「流水線診所」同「非流水線診所」，而第一印象通常都係「流水線診所」比較工廠式、要自己卸妝；「非流水線診所」服務就相對上比較高級，價錢都會比較貴。
不過小編自己同唔少韓國朋友或者同事傾計嘅時候都發現，實際上每個國家/地區，甚至係每個人對呢兩個concept嘅解讀都唔同。大家可以參考以下文章，瞭解到底流水線醫美同非流水線醫美有咩唔同，再根據自己需求、期望同預算，揀最啱你嘅診所！
參考呢篇文章睇下邊種醫美診所啱你👇🏻
[블로그] 2026韓國醫美診所分類&挑選攻略（流水線/非流水線醫美診所）
2026年人氣韓國醫美療程&價錢比較
懶人包比較表
療程 | 療程效果 | 痛楚程度 | 推薦人士 |
水光針/Skin Booster | 深層補水保濕 促進膠原蛋白增生 | ★★★★☆ | 唔怕針、想深層改善膚質同補水 |
拉提療程 | 改善輪廓線、 臉部鬆弛&毛孔問題 | ★★★☆☆ | 想改善雙下巴、臉部鬆弛、毛孔等問題 |
微針療程 | 改善毛孔、暗瘡凹凸洞/疤痕、細紋 | ★★☆☆☆ | 毛孔較粗大、暗瘡印/凹凸洞明顯、想連埋水光針一齊做 |
肉毒桿菌素注射 | 撫平皺紋、令輪廓及肌肉線條更平滑 | ★★☆☆☆ | 表情紋多、希望修飾輪廓/肩頸線條 |
護膚療程 | 全面改善皮膚狀態 | ★☆☆☆☆ | 第一次接觸醫美、想定期維持膚況 |
1. 水光針/Skin Booster
- 代表療程：Rejuran麗珠蘭、Elvarie Re2O
- 療程效果：深層補水保濕、促進膠原蛋白增生等
- 痛楚程度：★★★★☆
香港平均價錢 | 韓國平均價錢 | |
| Rejuran 麗珠蘭 | HKD$1,900~ | ₩180,000~ (180000~) |
| Elvarie Re2O | - | ₩590,000~ (590000~) |
※根據醫美診所及施術醫生級別可能會有所不同
※價錢於2026年3月更新
水光針/Skin Booster主要係將保濕同修復成分注入皮膚底層，改善乾燥、粗糙、細紋等問題，令膚質睇落更水潤透亮。因為韓國人一向好重視素顏膚質，所以呢類可以慢慢改善皮膚底子嘅療程一直都非常受歡迎，令皮膚更水潤、更貼妝。
而喺韓國打水光針通常都會平過香港，特別係Rejuran麗珠蘭平均價錢平過香港差唔多1,000蚊港幣，所以呢幾年多咗好多香港人專程飛韓國打水光針。
最多人想知道嘅應該係打水光針痛唔痛，始終屬於注射類療程，需要涉及到針，所以就算有敷麻醉，過程中一般都會有少少拮拮地嘅感覺。而打水光針有分好似片入面咁，用針頭直接打嘅「手打」、或者係配合Potenza黃金微針等機器嘅「機打」。手打通常會比較痛，但比較可以準確將全部劑量打落療程部位；機打通常會冇咁痛，但漏藥情況會比較嚴重，兩款各有各優點。
參考文章👇🏻
[블로그] 韓國水光針/Skin Booster種類介紹&挑選攻略
2. 拉提療程
- 代表療程：Shurink HIFU韓國超聲刀、Ultherapy美國超聲刀、Thermage熱瑪吉、InMode
- 療程效果：利用超聲波/電波/微波刺激膠原蛋白收縮及再生，令鬆弛皮膚同毛孔更緊緻，改善輪廓線條
- 痛楚程度：★★★☆☆
香港平均價錢 | 韓國平均價錢 | |
Shurink HIFU 超聲刀 (600發) | HKD$3,800~7,000 | ₩220,000~300,000 (220000~300000) |
Ultherapy 超聲刀 (300發) | HKD$8,000~15,000 | ₩750,000~ (750000~) |
Thermage 熱瑪吉 (600發) | HKD$15,000~35,000 | ₩2,000,000~4,000,000 (2000000~4000000) |
InMode Forma (全臉) | HKD$2,000~ | ₩150,000~ (150000~) |
※根據醫美診所及施術醫生級別可能會有所不同
※價錢於2026年3月更新
拉提療程主要係透過超聲波、高頻電波、微波等能量去刺激膠原蛋白，幫助改善面部鬆弛、輪廓線模糊、雙下巴同毛孔粗大等問題。簡單嚟講，就係一種唔使開刀、但可以幫皮膚做緊緻管理嘅療程。
而韓國相關儀器選擇多、療程效率高，所以一直都係當地非常熱門嘅醫美項目。亦都因為需求大，整體價錢都會更加平，特別係好似Shurink等韓國製機器就會再抵做啲。
每種拉提療程嘅疼痛程度都唔一樣，不過根據小編個人經驗加同事分享嘅意見，最痛嘅係Ultherapy美版超聲刀同Thermage熱瑪吉（不過佢哋效果維持時間最長），想做冇咁痛嘅拉提就可以揀Shurink韓版超聲刀同ONDA、Titanium鈦提升等等。
不過小編提提大家，同樣為拉提療程，但HIFU同電波拉提類療程針對嘅症狀同需求都唔同，建議大家可以參考以下文章，睇下到底邊款拉提療程最啱你！
參考文章👇🏻
[블로그] 韓國「HIFU/海芙音波/韓版超聲刀」介紹&價錢
[블로그] HIFU(超聲刀)、電波拉提療程分別&醫美診所推薦
3. 微針療程
- 代表療程：Potenza黃金微針、Curejet
- 療程效果：改善毛孔、暗瘡凹凸洞/疤痕、細紋等問題
- 痛楚程度：★★☆☆☆
香港平均價錢 | 韓國平均價錢 | |
Potenza 黃金微針 (全臉) | HKD$2,900~4,500 | ₩160,000~350,000 (160000~350000) |
Curejet | 未有公開價錢 | ₩190,000~ (190000~) |
※根據醫美診所及施術醫生級別可能會有所不同
※價錢於2026年3月更新
微針療程係利用多支極幼細嘅針對皮膚進行物理性傷害，刺激促進皮膚修復，常見用於改善毛孔、暗瘡凹凸洞、膚質粗糙同細紋等問題。好似頭先所講，韓國人一向好重視膚質，大家喺IG應該都見到好多韓國人臉上平滑到好似冇毛孔咁，其中一個原因就係因為佢哋會定期做呢類針對毛孔同皮膚紋理嘅療程。
微針療程當中最受歡迎嘅一定唔少得Potenza黃金微針，而喺韓國做Potenza價錢平過香港成60~71%！而且因為呢款療程非常common，醫生們經驗豐富、效果有保證，喺韓國做CP值更高！
因為小編自己其中一個最大煩惱係暗瘡印多，而且皮膚比較粗糙，所以會定時去醫美診所做Potenza黃金微針。個人覺得喺韓國做Potenza黃金微針可以揀嘅探頭種類更多，加上如果配合Rejuran麗珠蘭、Juvelook素顏針、Exosome外泌體等水光針注射一齊做，成個療程套餐喺韓國會平好多。
參考文章👇🏻
[블로그] 韓國「Potenza黃金微針」介紹、實際效果及注意事項
4. 肉毒桿菌素注射
- 代表療程：除皺肉毒桿菌素、國字臉(咀嚼肌)肉毒桿菌素
- 常見品牌：BOTOX(美國)、XEOMIN(德國)、CORETOX(韓國)
- 療程效果：撫平皺紋、令輪廓及肌肉線條更平滑
- 痛楚程度：★★☆☆☆
香港平均價錢 | 韓國平均價錢 | |
BOTOX (美國) | HKD$2,200~3,800 | ₩55,000~100,000 (55000~100000) |
XEOMIN (德國) | HKD$1,600~3,000 | ₩50,000~80,000 (50000~80000) |
CORETOX (韓國) | - | ₩30,000~ (30000~) |
※根據醫美診所及施術醫生級別可能會有所不同
※價錢於2026年3月更新
肉毒桿菌素注射主要用嚟放鬆特定肌肉，改善表情紋，亦常用作修飾咀嚼肌、輪廓線等部位。因為療程時間短、接受度高，所以喺韓國一直都係非常普遍嘅入門醫美項目。
其中一個好多香港人會專程飛韓國打肉毒桿菌素嘅原因係因為價錢真係同香港差好遠，以香港最經常用嘅肉毒桿菌素美國品牌BOTOX為例，喺香港做一次幾乎可以喺韓國做6~7次！
始終係注射型醫美，打botox嘅時候唔可以話完全唔痛。不過因為通常都係做一個部位，好快就會打完，唔會好似水光針咁要打全臉，所以痛楚程度相對上會比較低。但係根據小編個人經驗，botox效果都好睇醫生手勢，所以記住要搵返間醫生有返一定程度經驗嘅醫美診所！
參考文章👇🏻
[블로그] 韓國「Botox/肉毒桿菌」介紹&價錢
5. 護膚療程
- 代表療程：Aqua Peel、LDM水滴提升、LHALAPEEL果酸煥膚
- 療程效果：全面改善皮膚狀態（如解決黑頭/毛孔問題、補濕等）
- 痛楚程度：★☆☆☆☆
香港平均價錢 | 韓國平均價錢 | |
Aqua Peel | HKD$680~1,000 | ₩10,000~40,000 (10000~40000) |
LDM水滴提升 | HKD$880~ | ₩40,000~70,000 (40000~70000) |
LHALAPEEL煥膚 | HKD$990~ | ₩55,000~90,000 (55000~90000) |
※根據醫美診所及施術醫生級別可能會有所不同
※價錢於2026年3月更新
如果唔想打針，亦都唔需要做拉提，只係想改善肌膚問題，咁就可以去做護膚療程。無論係男係女，好多韓國人都會定期去醫美診所做護膚療程，或者係配合其他醫美療程前後做管理，維持靚靚膚質。
護膚療程一般包括Aqua Peel、LDM水滴提升、煥膚去角質、舒緩保濕管理等，主要係針對黑頭、角質、毛孔、乾燥、泛紅等比較日常嘅皮膚問題，幫皮膚做一個全面整理。
因為通常護膚療程都唔會涉及到針，所以痛楚程度極低，適合第一次去做醫美，或者唔想做有修復期嘅療程嘅朋友們去做。價錢方面同樣都係韓國比較平，幾乎可以去到半價咁多！小編個人經驗，有定期做醫美療程同中途突然冇去做嘅時候膚況真係有唔同，畢竟只靠喺屋企搽護膚品真係唔太夠！
參考文章👇🏻
[블로그] 韓國人氣護膚療程大盤點
唔同肌膚煩惱適合做咩醫美療程？
想改善皮膚狀況，但係唔知道應該要做咩療程？小編幫大家整理咗最常見嘅肌膚煩惱同相對應嘅療程推薦list，下次去醫美診所前可以參考：
肌膚煩惱 | 推薦療程 | 特徵 |
皮膚下垂、雙下巴 | Shurink韓版超聲刀 InMode Ultherapy美版超聲刀 | 拉提鬆弛皮膚、整理面部線條 |
缺乏水分及光澤 | Rejuran麗珠蘭黑盒 水光針/Skin Booster | 改善內乾外油、加強皮膚屏障 |
暗沉、有色斑 | Pico Toning皮秒激光 IPL | 減淡色斑、皮膚睇落更均勻透亮 |
毛孔、凹凸洞 | Fraxel Laser Potenza黃金微針 | 改善膚質粗糙問題 |
皺紋 | 肉毒桿菌素注射 | 改善表情紋 |
輪廓唔分明、凹陷問題 | 玻尿酸填充 | 填補凹陷、增加面部立體感 |
去韓國做醫美前有咩需要準備？
1. 確認需求同預算
無論喺邊度做醫美，第一步就係瞭解自己嘅皮膚煩惱。只有清楚知道自己想改善嘅部位同皮膚問題，諮詢時美容顧問同醫生先可以幫你度身訂造啱你嘅療程。
另外如果你有好多問題想改善，諮詢時美容顧問可能會推薦你做幾樣療程，搞到價錢超出預期。所以出發同預約前記住要預先決定好你嘅budget，咁會有助醫生同顧問根據你嘅需求同預算進行推薦，避免額外開支。
參考文章✨
[블로그] 去韓國醫美診所前一定要做&避免嘅8件事
2. 預約醫美診所
想去韓國做醫美，為咗確保之後行程順利，一定要預早預約，避免現場要排隊等好耐甚至冇辦法做到。而預約醫美診所前，記住一定要確認以下幾點：
- 醫院評價
- 有冇中/英文翻譯（冇就要用翻譯器或者自己請翻譯員）
- 可唔可以退稅
- 麻醉會唔會另外收錢
- 有冇你想做嘅療程設備
而Creatrip平台上提供預約嘅所有醫美診所全部都經過韓國政府認證、網上評價夠好，大家亦可以直接喺Creatrip網站用中文睇到真實顧客評價、詳細介紹同說明，再用港幣預約就得夠方便。
重點係透過Creatrip預約部分醫美診所仲可以免費留位，去到現場同專業人士做完諮詢之後再揀療程都冇問題，自由度高！或者如果已經有想做嘅療程，仲可以透過我哋用獨家優惠價預約，用最少錢變到最靚！
韓國醫美體驗流程大約係點？
1. 登記及進行諮詢
體驗當日去到診所出示護照同確認預約之後，通常都會叫你填份表，簡單留低個人資料做登記，然後就會去諮詢室同美容顧問或者專業醫生進行諮詢。大家記住要問清楚：
- 療程有冇副作用
- 所需復原時間
- 需唔需要打麻醉
有啲療程可能會有1-3日嘅恢復期，或者有機會會出現副作用。建議喺諮詢時預先問清楚，避免做完手術影響到之後行程。
如果有遺傳病/藥物敏感等健康狀況，都要喺諮詢時提前講！好似botox類療程咁，有啲體質可能唔啱做，事前做好溝通可以大大減少做完之後嘅風險。
2. 卸妝清潔&麻醉
[이미지 슬라이더] 
正式進行療程之前需要卸妝同洗臉，大部分韓國連鎖流水線醫美診所都唔會另外提供卸妝服務，需要自己去梳妝房洗臉（會提供潔面用品），另外亦會有部分診所會由職員幫手做基本清潔。不過實際安排會因診所以異，建議預約前確認清楚。
如果係要做包括麻醉嘅療程，呢個時候會幫你搽埋麻醉膏，搽完大約等20~30分鐘，麻醉藥效開始生效之後就會抹走，正式進入療程部分。
💡小編小貼士：如果怕痛，記住同療程師講話請佢哋幫你敷厚啲麻膏，做療程時會舒服啲！
3. 正式進行療程
之後就會去療程室，做好卸妝清潔之後就會正式進行療程。通常醫生進行療程之前都會喺大家面前開封新藥劑或者探頭，記住療程前要再次確認產品牌子、劑量、療程部位等，以免有任何問題。療程通常大約需要10-30分鐘，做完就會由療程師進行後續鎮靜舒緩護理。
4. 療程後注意事項及護理
通常做完療程之後，診所職員都會再次同你講療程後需要注意啲咩同要點護理療程部位。建議大家一星期內都唔好飲酒食煙或者食過於刺激嘅食物，亦都唔好做劇烈運動或者去汗蒸幕等高溫地方，以免影響療程部位復原。
5. 申請醫美積分回贈賺返筆旅費
如果係透過Creatrip預約韓國醫美診所，記住喺醫美診所俾完錢之後留低收據，30日內去「Creatrip個人頁面>預約記錄」上傳收據同填寫評論，就可以得到最高15%醫美積分回贈！詳情可以參考以下頁面，攞到嘅積分可以用嚟預約更多韓國旅行商品同體驗！
6. 返香港之後持續保養
返到香港之後如果發現紅腫同瘀青症狀一直都未有好轉，記住一定要聯絡返醫美診所！另外始終醫美療程唔係魔法，唔會做完一次之後即刻有效果，效果亦都唔會維持一世。如果想一直keep住最靚一面，建議定期去做返相關療程！
而家透過Creatrip預約，可以享用Creatrip Buddy 14日免費旅行小幫手服務，預約日期前後7日都會有專人幫你處理預約同提供交通、行程等推薦，術後有咩問題都可以即刻搵我哋幫手，就算唔識韓文都可以溝通到！
韓國醫美有冇得退稅？
韓國醫美退稅制度已經喺2025年12月31日告一段落，由2026年1月1日起喺韓國進行整形外科、皮膚科、牙科美容都冇得再申請退稅。
可能大家會覺得，反正都已經冇得退稅，咁其實咪冇咁嘅必要專程飛韓國做醫美？咁你就錯啦！好似上面所講，韓國醫美療程價錢本身就平過香港，加上而家有Creatrip醫美積分回贈活動，預約指定診所、上傳消費收據、填寫評論，就即刻可以領取10%積分回贈（訂閲尊貴會員制嘅會員更加會有15%回贈），仲賺得多過之前退稅！
對呢個活動有疑問？不妨可以睇睇之前小編為大家解答嘅常見問題：
首爾主要地區醫美診所推薦
香港朋友們經常會去嘅明洞、江南、弘大都有超多醫美診所，大家知唔知原來每個地區嘅醫美診所都唔太一樣？
明洞 | 江南 | 弘大 | |
特點 | 外國旅客較多 交通方便 行程安排相對容易 | 醫美診所最集中 優惠通常比較多 | 年輕旅客多 周邊餐廳、Cafe、購物選擇多 |
推薦人士 | 第一次去韓國做醫美 | 想做最新儀器 重視高級體驗 | 想簡單做入門醫美療程 |
價位 | $$$ | $$$$ | $$ |
雖然同一款療程喺唔同地區未必一定有絕對價差，但按診所密集度、旅客需求同優惠活動多寡，整體價格感覺同預約體驗仍然會有少少分別。若果你仲未決定應該去邊區做醫美，可以先參考以下文章，瞭解各個地區嘅推薦診所同每間診所提供嘅翻譯、招牌療程等，預約最啱你嘅醫美診所：
[블로그] 2026最受香港人歡迎嘅7間首爾醫美診所
[블로그] 2025明洞9間醫美診所/皮膚科推介
[블로그] 2025江南13間醫美診所/皮膚科推介
[블로그] 2025首爾清潭洞/新沙洞/狎鷗亭醫美診所推薦
[블로그] 2026弘大9間醫美診所/皮膚科推介
[블로그] 韓國大型連鎖醫美診所/CP值高診所推薦
[블로그] 首爾非流水線/提供專業醫生諮詢醫美診所
Creatrip小編醫美小貼士
1. 建議預約平日上午
平日上午（10:00-14:00）通常會比較少人，因為韓國上班族通常都係夜晚時段或者weekend去做醫美，所以建議盡量避開。如果安排上午做療程，整體流程通常亦會更順暢，計劃旅行行程都會更方便！
2. 根據需求揀去邊個地區做醫美
- 江南、新論峴、清潭：診所集中、競爭大，優惠活動通常比較多
- 明洞、弘大：外國旅客應對系統較完善，特別適合第一次去韓國做醫美嘅人
3. 防曬好重要
做完激光類療程後，絕對唔可以忽略防曬。旅行期間都建議每3個鐘左右補搽一次防曬，盡量避免紫外線刺激皮膚，影響恢復速度。
4. 建議準備再生面霜
醫美診所賣嘅再生面霜通常舒緩同修復效果較好，可以買定一支以備不時之需，你亦都可以喺Olive Young都搵到唔少高質產品！
韓國醫美診所常見問題FAQ
Q1. 韓國醫美診所會唔會有廣東話或者英文翻譯？
A：而家大部分首爾醫美診所都會提供普通話同英文專業翻譯，甚至係美容顧問/醫生本人識講呢兩個語言。而廣東話翻譯就比較少見，但我哋網站上可以預約嘅nBOM Clinic同Abijou Clinic弘大店就有提供廣東話服務，如果覺得普通話或者英文溝通都唔方便嘅話推薦大家預約！
Q2. 流水線醫美診所同非流水線醫美診所有咩分別？
A：流水線診所通常價錢較平、流程較快，但諮詢時間可能會短啲；非流水線醫美診所收費較高，不過通常會有更細緻嘅1對1諮詢同施術。如果係第一次去韓國做醫美，可以先由非流水線醫美診所開始體驗，之後再按需要轉去其他類型診所。
Q3. 做療程會唔會好痛？
A：呢點真係要睇療程種類同個人耐痛程度！Botox同Toning通常只係輕微刺痛，但Rejuran、Ultherapy等療程痛感會較明顯，不過始終想變靚，有時都真係要忍少少XD 不過而家一般都會先敷麻膏，如果怕痛，建議提前問清楚可唔可以做睡眠麻醉或者笑氣麻醉。
Q4. 做完療程可唔可以即刻去玩？
A：可以，大部分療程都唔會影響即日行程。不過做完醫美療程之後皮膚有機會短暫泛紅，建議準備帽或者戴口罩。
Q5. 一日可以同時做幾種療程嗎？
A：可以，只要由專業人士按皮膚狀態同需求去搭配就得，好似拉提加Skin Booster就係韓國相當常見嘅療程組合之一。
Q6. 韓國醫美診所諮詢嘅時候會唔會一直hard sell，逼人買多幾個treatment？
A：流水線診所因爲主要由美容顧問進行諮詢，所以部分診所可能會出現推銷比較嚴重嘅問題；而非流水線診所諮詢通常會由醫生（有時仲會有埋美容顧問）進行，醫生會直接診斷後建議真正需要嘅療程，hard sell問題較少。
以上係小編為大家整理嘅韓國醫美療程體驗攻略，希望可以幫到有興趣喺韓國體驗醫美變靚嘅朋友們。透過Creatrip就可以方便安全預約韓國醫美診所，記住唔好錯過獨家優惠啦！
點可以用更抵價錢體驗高質韓國醫美？
🎉Creatrip醫美積分回贈活動🎉
而家透過Creatrip預約醫美診所之後參加韓國醫美積分回贈活動，上傳收據同填寫評論，即刻可以輕鬆領取最高15%回贈，冇咗醫美退稅都唔會蝕錢！
而且拎到積分之後，除咗可以用嚟再預約醫美診所，不斷賺醫美積分回贈之餘，你亦都可以喺Creatrip網站用呢筆積分預約韓國一日遊、韓服體驗、照相館、機場接送、餐廳訂位、DIY工作坊等等。
即刻撳下面張圖睇吓邊間醫美診所適用啦👇🏻
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
