2026韓國明星髮型屋/妝髮Studio/Personal Colour中心總整理

Hello，大家好，我哋係由韓國人每日提供最新韓國旅行資訊嘅Creatrip。

韓國明星個個出席活動都打扮得勁靚，到底佢哋係喺邊度化妝Set頭，一般人又去唔去得？

小編自己本身好鍾意KPOP，所以對於韓國明星仿妝都非常有興趣，亦都去過最少5間韓國妝髮Studio體驗化妝服務，當中發現原來韓星都會幫襯嘅髮型屋同化妝Studio服務真係會比較高級，而且更加識點幫你搵出優點，整體滿意度更加高。今日就等小編幫大家整理出幾間當紅人氣藝人都會去幫襯嘅髮型屋同化妝Studio，再教埋大家點預約啦！

快速對比懶人包 — 邊間Salon最啱你？🤓

韓星妝髮Studio&個人色彩中心總整理

點解咁多人都會去韓國體驗妝髮服務？

1. 可以親身試到韓國最受歡迎嘅妝髮風格

如果你平時鍾意韓國偶像、明星造型，或者偏愛韓系時尚風格，去到韓國就可以直接體驗而家最受歡迎嘅韓系妝感同髮型。無論你鍾意清新自然風、溫柔氣質感，定係女團風或者演員感嘅精緻造型，都可以親身試一次。平時喺韓劇、綜藝節目或者KPOP MV入面見到覺得好靚嘅造型，真係做喺自己身上，感覺會好唔一樣。

2. 造型師經驗豐富，部分更有藝人妝髮經驗

唔少韓國妝髮Studio嘅造型師都有豐富經驗，部分仲曾經參與藝人、拍攝或者舞台造型工作。對旅客嚟講，吸引嘅地方唔單止係可以體驗更專業、完成度更高嘅妝髮服務，仲有機會感受到韓國妝髮團隊對細節嘅講究。如果去嘅係藝人常去嘅妝髮Studio，仲有機會遇到韓星。

3. 唔止跟潮流，仲可以搵到最適合自己嘅造型

韓國好多髮型屋同化妝團隊都好重視個人特色，唔會只係將同一款流行造型直接套用喺每個人身上。佢哋通常會根據你嘅臉型、膚色、五官比例，同埋頭髮狀態去調整妝容同髮型，令整體效果更加適合你自己。對唔少人嚟講，呢種體驗唔單止係變靚一次，仲可以順便搵到更適合自己嘅風格。

4. 去旅行影相會更加上鏡

如果你本身有安排影形象照、著韓服、去人氣Cafe打卡，或者想喺旅行期間影多啲靚相，去化妝set頭會更加加分！韓式妝髮好多時都好著重整體輪廓同細節，完成之後唔單止真人睇落更精神，影相都會更加自然同上鏡，整體狀態亦會更加完整。

SOONSOO_(순수)

• 地址：서울 강남구 도산대로61길 4
• 前往方法：狎鷗亭羅德奧站（압구정로데오역）4號出口
• 曾光顧韓星：Red Velvet、ZICO、孝淵、恩地、STAYC、P.O、VIVIZ

「SOONSOO」位於清潭洞，由set頭、剪/電/染髮，甚至係同藝人同等級嘅化妝服務都可以喺度體驗到！而去過「SOONSOO」嘅韓星超多，當中一定唔少得Red Velvet！無論係Red Velvet回歸定成員Solo都係喺呢度化妝Set頭，而且化妝師同髮型師全部都經驗豐富，如果你係Red Velvet嘅Fans就一定要嚟體驗吓！

Red Velvet Wendy / Yeri（@a_ryeomii）

小編最記得之前去體驗嘅時候咁啱係Red Velvet《Feel My Rhythm》回歸之後冇幾耐，因為見到Wendy個妝好靚，所以就直接拎住Wendy張相俾造型師參考。

最令小編驚喜嘅係化妝師並唔係直接照抄張相，反而會問我皮膚屬於咩類型、平時化唔化妝、當日有咩行程等等，再根據我個人情況調整咗個妝感，而且最後個妝非常持久，出咗成日街都冇溶。

💭SOONSOO顧客真實評價

預約詳情&更多真實評價👇🏻

[스팟] SOONSOO（清潭總店）

Jenny House_{(제니하우스)}

• 地址：서울 강남구 선릉로146길 56
• 前往方法：江南區廳站（강남구청역）2號出口
• 曾光顧韓星：孫藝珍、朴信惠、辛睿恩、秀智、韓韶禧、金泰梨、李聖經等

朴信惠 / 韓韶禧（jennyhouse）

秀智 / 孫藝珍（jennyhouse）

如果你問韓國人邊間係最出名嘅明星化妝Studio，十個有九個都會答你「Jenny House」，超多韓星影雜誌同參加重要場合前都會去！呢度全部都係由韓國明星御用化妝師&髮型師親身上陣，有好多韓國人結婚嘅時候更加會指明要嚟呢度化妝set頭，希望人生最重要一刻都可以最完美最靚！

小編同事之前去體驗，話只係妝前保養就足足花咗20分鐘，仲會喺唔同燈光下check底妝效果，確保影相唔會浮粉或者有色差。呢度仲有提供化妝班，如果想跟明星化妝師偷師記住唔好錯過。

💭Jenny House顧客真實評價

預約詳情&更多真實評價👇🏻

OLLY_(올리샵)

• 地址：서울 강남구 선릉로152길21 5F
• 前往方法：狎鷗亭羅德奧站（압구정로데오역）4號出口
• 資歷：SAKURA、少女時代、Block B、GOT7、DAY6、SF9等

位於清潭嘅「OLLY」嘅所有髮型師同化妝師都有同韓國明星合作過，全部都經驗豐富！每個客人都各自會有一個化妝師同一個髮型師，專門幫你化妝Set頭，而且地方夠闊落，令客人可以喺更加舒服嘅環境進行體驗！

「OLLY」除咗妝髮服務，仲可以剪髮、染髮、電髮同做頭髮護理療程，而且造型師好識根據客人五官同形象幫手整造型，大家可以放心交俾佢哋！

💭OLLY顧客真實評價

預約詳情&更多真實評價👇🏻

CHEONGDAM LOVEY_{(청담러비)}

• 地址：서울 강남구 도산대로70길 26 B1,B2F
• 前往方法：江南區廳站（강남구청역）4號出口
• 資歷：Super Junior、MBLAQ、李珉廷

「CHEONGDAM LOVEY」同樣位於清潭洞，造型師有幫過好多韓國男團同女演員化妝set頭，提供最貼近韓國潮流嘅美妝美髮服務，專業程度有保障。而且附近就有幾個地鐵站，現場都有識英文嘅職員，想旅行途中體驗高級韓國妝髮服務，推薦大家可以考慮「CHEONGDAM LOVEY」！

💭CHEONGDAM LOVEY顧客真實評價

預約詳情&更多真實評價👇🏻

[스팟] CHEONGDAM LOVEY（清潭）

ROLLING JAY_{(롤링제이)}

• 地址：서울 강남구 청담동 39-14
• 前往方法：江南區廳站（강남구청역）4號出口
• 資歷：孔升妍、李奎炯

「ROLLING JAY」之前負責過孔升妍、李奎炯等多位知名演員嘅妝容，同時亦係韓綜《超人回來了》入面，唔少韓國藝人經常去嘅妝髮化妝室。另外好多韓國新人都會特登嚟「ROLLING JAY」整婚紗造型，如果你打算嚟韓國影婚紗相，揀呢度一定唔會失望。

「ROLLING JAY」嘅化妝空間係獨立房，髮型區亦設有VIP室，令你可以放心享受每一項服務，專心投入屬於自己嘅變美體驗。加上呢度口碑一直都幾好，提前預約仲可以享有專屬禮遇，絕對係去韓國變靚行程入面非常值得推薦嘅一站！

💭ROLLING JAY顧客真實評價

預約詳情&更多真實評價👇🏻

[스팟] [新年折扣活動🎉] ROLLING JAY（清潭）

Lona_(로나)

• 地址：서울 강남구 도산대로75길 19
• 前往方法：清潭站（청담역）9號出口
• 資歷：少女時代、寶兒、NATURE

少女時代 潤娥 / 太妍

Lona嘅院長之前曾經係少女時代、寶兒等等SM藝人嘅造型師，經歷與實力豐富。院長話開呢間髮型屋&化妝Studio係希望可以幫客人提供量身訂造嘅服務，彌補缺點、放大優點，俾人一種煥然一新嘅感覺。電髮、染髮，甚至係男仔Down Perm都可以喺Lona做到！如果想體驗韓星妝髮造型服務，呢度價錢都相當合理！

💭Lona顧客真實評價

預約詳情&更多真實評價👇🏻

MOI hair&makeup_{(모이헤어메이크업)}

• 地址：서울 마포구 양화로 183 B1F
• 前往方法：弘大入口站（홍대입구역）3號出口
• 資歷：少女時代、鄭珍雲、李施昤

MOI hair & makeup Won Kyoung院長

MOI hair&makeup嘅Won Kyoung院長曾經擔任SM TOWN世界巡迴演唱會化妝師、少女時代《I GOT A BOY》、《Mr.Mr.》表演同MV化妝師，亦都曾經係2AM鄭珍雲、4MEN御用化妝師，經驗超豐富！

由韓國明星御用化妝師進行嘅彩妝造型，的確可以令個人魅力更加突出！過程中化妝師亦都會提醒客人平時好容易忽略嘅化妝細節，教得好仔細，相信一定可以獲益良多。 

💭MOI hair&makeup顧客真實評價

預約詳情&更多真實評價👇🏻

CARADI_(까라디)

• 地址：서울 강남구 언주로154길 14 B2F
• 前往方法：狎鷗亭羅德奧站（압구정로데오역）5號出口
• 資歷：Dex、金成圭、李奎炯、許卿煥、金俊浩、Gary、ITZY禮志

如果你係《單身即地獄》Dex金珍映、演員金成圭同李奎炯，或者歌手Gary同ITZY禮志嘅粉絲，就一定要去佢哋嘅專屬美容院「CARADI」朝聖。

CARADI提供專業美髮服務，連化妝等造型服務都有，幫你打造更立體嘅整體形象，同時更貼合你自己嘅風格。

呢度更加提供中文服務，方便海外訪客都可以輕鬆溝通；位置喺清潭洞狎鷗亭羅德奧站附近，行路只需2分鐘，交通非常方便。

💭CARADI顧客真實評價

預約詳情&更多真實評價👇🏻

[스팟] CARADI（清潭）

L Créer_(엘크레)

• 地址：서울 강남구 도산대로15길 41
• 前往方法：新沙站（신사역）8號出口
• 資歷：IU、韓藝瑟、李敏鎬

L Créer係韓國第一間美容諮詢店，喺業界相當出名！同一般化妝Studio唔同嘅係，L Créer唔單止有日常妝化妝服務，而且仲有提供修眉、髮際線等美妝諮詢，等大家可以更加Detail咁改善自己嘅儀容。

L Créer院長係各大媒體都識嘅業界知名人士，曾經幫過IU、韓藝瑟、李敏鎬等明星化妝！除此之外，知名國際品牌Giorgio Armani都喺度搞過品牌活動，想偷學韓星化妝技術嚟呢度就冇錯啦！

預約詳情&更多真實評價👇🏻

my:shopper_{(마이쇼퍼)}

• 地址：서울 강남구 언주로153길 10-6
• 前往方法：狎鷗亭站（압구정역）3號出口
• 曾光顧韓星：Running Man、MONSTA X

《Running Man》 

除咗髮型屋同化妝Studio，有唔少明星藝人都有做過呢幾年韓國超紅嘅「Personal Colour」！「my:shopper」可以話係最出名嘅一間，之前連《Running Man》都有嚟過。如果係《Running Man》嘅Fans，又搵緊Personal Colour中心想做test，不妨可以嚟「my:shopper」。

💡小編小貼士：呢度有提供廣東話翻譯，香港朋友們可以直接用最方便嘅語言體驗！

💭my:shopper顧客真實評價

預約詳情&更多真實評價👇🏻

[스팟] my:D Makeup（狎鷗亭）

韓國時尚心理研究院_{(한국패션심리연구원)}

• 地址：서울 강남구 선릉로 840 4F
• 營業時間：10:00-19:00
• 前往方法：狎鷗亭羅德奧站（압구정로데오역）4號出口
• 曾光顧韓星：SF9

SF9達淵 / 輝映

「韓國時尚心理研究院」除咗有提供Personal Colour診斷，仲有埋化妝班，大家可以順便學埋化妝！唔少藝人同韓國名人都有嚟過做test，包括SF9達淵與輝映、Dal☆Shabet世理、棒球選手宋勝準與李帶溵、男子重唱組合Forestella，甚至連阿里郎電視台都有！

Personal Colour診斷包膚色與色調診斷、髮色、飾品、粉底與唇妝推薦，仲有中文翻譯，同時可以加購埋化妝服務甚至係化妝班！

💭韓國時尚心理研究院顧客真實評價

預約詳情&更多真實評價👇🏻

韓星妝髮Studio預約常見問題FAQ

Q1. 外國人可唔可以預約到韓國妝髮Studio？

A：當然可以！通常好多人都會透過Naver或者IG DM預約，不過因為要用韓文，所以對遊客嚟講比較難。透過Creatrip就可以好方便咁用繁體中文同港幣預約，仲可以享有獨家優惠，會平過你另外預約或者walk-in！

Q2. 想一大早去化妝，朝早7點咁早預唔預約到㗎？

A：視乎每間妝髮Studio唔同，不過如果想預約美容院正式開門之前嘅時候，通常要收清晨時段附加費（大約係20,000~50,000韓幣不等），預約前記住要注意啦。

Q3. 體驗一次K-POP風化妝大約要幾錢？

A：價錢通常係600到2,000蚊港幣左右，包全套髮型同化妝（具體收費要視乎地點、化妝師資歷等而定）。

Q4. 唔識韓文怕溝通唔到，要點表達自己想要嘅風格？

A：完全唔需要擔心，最簡單直接嘅方法就係準備定幾張參考圖片，當日show俾造型師睇就得！

Q5. 成個過程大約要搞幾耐？

A：髮型加埋化妝全套大約要一個半至兩個鐘左右，建議之後嘅行程預鬆少少時間，唔好排得太密。

Q6. 去體驗韓國妝髮之前需唔需要搽防曬或者化底妝？

A：洗完面之後搽返最基本嘅爽膚水同lotion就得，防曬或者太油嘅cream可能會令到之後個妝唔夠貼，如果有化底妝就要喺現場卸走。

Q7. 男仔可唔可以去體驗韓星妝髮？

A：當然可以啦！最近好多男仔都會專登去試韓國Kpop男團妝髮，通常會幫你加強眼部輪廓同埋整返個乾淨透亮嘅底妝，成個人會精神好多！

韓國髮型屋真係咁神奇？

韓國美容美髮真實評價｜撳我

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！