代訂 | 1MILLION ViBE K-POP舞蹈1日體驗課程（基礎班）
韓國歌手御用編舞團隊1MILLION！一齊去體驗K-POP舞蹈魅力啦！
Hello，大家好，我哋係由韓國人每日提供最新韓國旅行資訊嘅Creatrip。
有留意開韓國流行嘅大家應該都有聽過「1MILLION」呢個舞蹈Studio&團隊！佢哋唔單止會幫韓國人氣歌手編舞，仲有為來自世界各地熱愛舞蹈嘅朋友們提供跳舞班！而家大家可以透過我哋Creatrip預約，有興趣嘅話記住睇埋落去啦！
「1MILLION ViBE K-POP舞蹈1日體驗課程」資訊
- 地址：서울 성동구 성수동2가 322-2
- 營業時間：10:00 - 22:00（新年、中秋、聖誕正日休息）
- 課程開辦日期及時間：星期六 13:00~15:00
- 語言：韓文、英文
- 開班人數：15-50人
「1MILLION ViBE K-POP舞蹈1日體驗課程」推薦原因
- 1MILLION係K-POP界數一數二嘅舞蹈團隊，想學韓國舞蹈、體驗韓國最新最流行文化，嚟呢度就啱啦！
- 由專業K-POP舞者由最基本舞步開始進行教學，就算係第一次學跳舞嘅你都可以盡情享受！
- 課程其中一個重要環節係會一齊拍舞蹈Challenge影片，仲可以得到1MILLION限定週邊商品，超有紀念價值！
- 參加人士來自世界各地，大家可以識到一班志同道合嘅朋友，一齊體驗K-POP魅力！
「1MILLION ViBE K-POP舞蹈1日體驗課程」價錢
1MILLION VIBE K-POP 舞蹈課程（基礎班） | ₩68,000 (68000) |
※本頁面所標示嘅價錢以韓幣為準，港幣幣值會因應即時匯率而浮動。
「1MILLION ViBE K-POP舞蹈1日體驗課程」退款政策
預約後至體驗8日前取消 | 全額退款 |
體驗7日前取消 | 70%退款 |
體驗6日前取消 | 50%退款 |
體驗5日前取消 | 30%退款 |
體驗3-4日前取消 | 20%退款 |
體驗2日前取消 | 不設退款 |
「1MILLION ViBE K-POP舞蹈1日體驗課程」注意事項
- 請最少喺2日前完成預約，你亦可以喺60日前進行預約。
- 價錢包括舞蹈教學費用（120分鐘）、1MILLION限定禮盒（週邊商品 + 零食）、上堂嘅時候所拍攝嘅相及影片。
- 最多接受50人預約。
- 如果總報名人數少於15人，課程將會被取消，我哋會事前通知你，然後進行全額退款。
- 預約時請填寫所有同行人士姓名。
- 上堂嘅時候會影相同拍片，相關照片及影片可能會被上傳到各平台以作宣傳，預約時需要同意上述事項先可以繼續進行預約。
- 體驗當日請提早10分鐘到達上課地點，如果No-show將不設任何退款。
- 事前唔會公開歌曲，歌曲將會當日喺現場同其他學生一起決定。
- 課程以韓文同英文進行，不過因為舞蹈體驗唔太受語言影響，大家唔需要擔心溝通問題。
- 體驗當日請著舒服嘅衫褲同鞋（唔可以著高踭鞋、皮鞋、拖鞋、涼鞋等）。
- 體驗當日請自行準備水，如有需要亦都可以喺Studio 2樓自動販賣機買到樽裝水、飲品同零食。
- 體驗結束後，上堂嘅時候所拍攝嘅相及影片會透過email send俾你。
- 如需更改預約，或有任何疑問，請send email到help@creatrip.com查詢。
「1MILLION ViBE K-POP舞蹈1日體驗課程」預約流程
STEP 1. | |
STEP 2. | 請填寫所有相關資訊及付款。 |
STEP 3. | 我哋會喺1-2個工作天內確認預約，如果需要更改日期/時間我哋會另外通知你，如果唔夠人開班亦會提早通知你，然後進行退款。 |
STEP 4. | 體驗當日請提早10分鐘到達，向職員出示預約記錄。如果No-show將不設退款。 |
STEP 5. | 開始體驗！ |
「1MILLION ViBE K-POP舞蹈1日體驗課程」課程內容
1. Welcome to 1MILLION
- 課程開始5分鐘前喺1樓櫃檯前集合
- 將隨身物品放入Studio入面嘅儲物櫃
- 參觀「1MILLION」大樓，瞭解佢哋嘅發展歷程
2. Let's Learn K-POP Dance
- 進行破冰活動同熱身
- 跟專業舞者學跳K-POP舞蹈
3. Group Mission
- 分組喺Studio唔同嘅地方拍攝舞蹈Challenge影片
4. Happy 1M
- 全體集合後進行自由對話
- 領取1MILLION ViBE舞蹈課程獨家週邊商品，享用零食
「1MILLION ViBE K-POP舞蹈1日體驗課程」介紹
「ViBE K-POP舞蹈1日體驗課程」由知名舞蹈團隊「1MILLION」主辦，專為外國遊客而設！首先介紹吓「1MILLION」，佢哋嘅YouTube頻道有超過2,620萬訂閲，係全世界規模最大嘅舞蹈頻道，有follow開韓國流行或者舞蹈嘅朋友們一定都有聽過呢條team！
「1MILLION」以國際知名舞蹈家Lia Kim為首，旗下有好多位專業舞者同舞蹈家，佢哋更加幫過無數K-POP Idol同歌手編舞！最近佢哋更加參加咗韓國舞蹈節目《Street Woman Fighter 2》，實力有目共睹。
「1MILLION」舞蹈Studio喺2014年創辦後，至今成功擴展事業，喺聖水站附近開設咗辦公大樓，入面將會有2間大家上堂嘅時候會去到嘅舞蹈室！而且長期有識講韓文同英文嘅職員常駐，大家唔需要擔心語言問題！
「ViBE K-POP舞蹈1日體驗課程」入面包括導賞時間，大家可以參觀成棟大樓之外，仲可以瞭解到呢個Studio同團隊係點樣成長到而家呢個地位，機會難得之餘仲非常有意義！
成個課程大約會係2個鐘頭，大家可以喺呢段時間盡情享受舞蹈、放低自我，更加有機會同專業舞者+來自世界各地嘅朋友們交流！好似呢度嘅創辦理念咁，一齊透過舞蹈令生活變得更加多姿多彩啦，Enrich Lives Through Dance！
小編趁今次開班都有去參加體驗，喺STUDIO入口就已經見到四周圍都係佢哋個logo，亦都有個螢幕一直播住dancer們嘅跳舞影片。
體驗開始之前首先會喺1樓接待處同Cafe集合，之後老師就會嚟同大家會合，解釋今日體驗嘅流程。
大家可以先去放低自己嘅隨身物品，如果需要換衫嘅話都可以喺隔離更衣室換。
一開始會先參觀1MILLION STUDIO，1樓有舞蹈練習室同Photo Zone，老師話SEVENTEEN、ITZY等等嘅人氣IDOL都經常嚟拍片！
2樓係大家可以自由拍攝同休息嘅空間，仲有好似上面張相咁嘅紅地氈Photo Wall，大家記住要喺度影相留念啦！
參觀完大樓之後，就會返落1樓練習室正式開始學跳舞！練習室環境真係好大，仲有超大塊鏡，就好似行咗入idol嘅舞蹈練習影片咁，感覺好神奇！入去嘅時候老師仲會同大家highfive，令人越嚟越期待同興奮！
一開始會聽住音樂熱身，大家記住要認真熱身之後先唔會咁易整親！
之後老師就會教大家基礎律動，因為老師教得好仔細，所以連冇跳過舞嘅小編都好易跟得上！
之後就會正式開始學今日嘅舞蹈，老師會慢慢數拍子，亦都會check住係唔係每個人都跟得上，真係好sweet！
中途會有10-15分鐘休息時間，之後老師就會用原本速度示範一次，大家亦都會有機會再練習幾次！因為舞蹈唔難，而且老師勁親切又好fun，所以大家都學得好開心，而且完全唔會有負擔！
練完舞之後就會幫大家分組（大約5-6個人），每組要以頭先學嘅舞蹈為基礎去排走位同加入新嘅舞蹈元素！雖然一開始覺得好迷惘唔知點算好，不過其他一齊參加嘅人全部都好有idea，最後都排到一隻好睇嘅舞出嚟~
然後大家就可以喺1MILLION STUDIO入面搵地方拍片同影相，仲有機會同其他參加人士傾偈，成個過程好好玩。
然後仲會有機會同老師一齊拍片！
最後就會一齊返落1樓解散，正所謂快樂不知時日過，2個鐘真係比想像中短！
所有參加舞蹈班嘅朋友們都可以得到一份小禮物，入面有零食同1MILLION嘅週邊商品，好有紀念價值！
呢張就係小編當日參加跳舞班嘅時候嘅大合照！因為小編冇跳舞經驗，所以去之前其實好擔心會唔會跟唔上，不過上完堂之後發現比想像中好玩，而且仲可以一圓小編嘅KPOP夢！如果大家都想去1MILLION參觀同跳舞，記住要快啲預約「1MILLION ViBE K-POP舞蹈1日體驗課程」啦！
「1MILLION ViBE K-POP舞蹈1日體驗課程」上課地點前往方法
喺聖水站（성수역）3號出口出。
直行過馬路，然後轉右。
直行大約190米。
喺第二個路口轉左。
直行大約120米。
喺第二個路口轉右。
大約直行70米就會見到1MILLION嘅標誌。
再向前行少少就會見到呢棟建築物，行入去就到啦！
撳我預約👇🏻
以上係「1MILLION ViBE K-POP舞蹈1日體驗課程（基礎班）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
