Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇睇過《오은영의 금쪽상담소（吳恩永的金子商談秀）》呢？呢套韓國綜藝由韓國著名精神科醫生오은영（吳恩永）主持，每集都會有委托人上節目分享自己嘅煩惱，主持人同幾位嘉賓就會透過對話去分析委托人嘅心理狀態，同時進行諮詢，提供解決方案。吳恩永曾經喺節目分享過幾個心理測驗，小編都覺得幾準，大家不妨可以試吓做！
韓國5個超準心理測驗
1. 心靈創傷恢復能力測驗
Q. 有一日你自己一個喺森林行緊，突然盪失路，呢個時候你會點做？
A. 繼續喺前面塊草原行
B. 入夜天氣開始變凍，決定先起火
C. 停低休息
D. 行返頭先條路，返入去森林
結果
.
.
.
.
.
A. 繼續喺前面塊草原行
揀A嘅你如果心靈受到創傷，會因為受到太大衝擊而好耐都走唔返出嚟。比起想專登令自己忘記呢件事，反而要正面面對。
B. 入夜天氣開始變凍，決定先起火
揀B嘅你認為呢個世界上冇人會完全唔受傷，所以好忍得，不過有可能會因為咁而失去身邊重要嘅人。
C. 停低休息
揀C嘅你好快就可以整理好自己嘅諗法，亦都好快可以行返出嚟，而且絕對唔會同曾經傷害/背叛過自己嘅人再有任何聯絡或者互動。
D. 行返頭先條路，返入去森林
表面睇落冇事，但當得返自己一個人嘅時候好容易就會好sad。另外因為比起自己，揀D嘅你比較重視其他人嘅心情，所以好容易會被利用。
2. 內向性測驗
Q. 以下5項有幾多項似你？
| 1. | 同朋友一齊玩嘅時候會好enjoy，不過如果走嘅時候對方話想一齊返屋企，會覺得好有負擔 |
| 2. | 本身講好要見面，不過對方突然話取消嘅時候，比起覺得可惜反而會覺得鬆一口氣+開心 |
| 3. | 覺得一日24小時入面最少要有1個鐘me time |
| 4. | 疫情當時見到新聞話要保持社交距離嘅時候覺得開心 |
| 5. | 唔識好快手咁處理突發事件 |
結果
.
.
.
.
.
0項：超外向
1項：都幾外向
2-3項：一半一半
4項：都幾內向
5項：超內向
3. 人生重要事項優先順序測驗
Q. 如果以下4件事同時發生，你會先處理邊樣先？
A. BB突然開始喊
B. 電話響緊
C. 門鐘響緊
D. 浴缸水龍頭一直開住
結果
.
.
.
.
A. BB突然開始喊
你認為喺人生入面愛情最重要。
B. 電話響緊
你認為喺人生入面工作最重要。
C. 門鐘響緊
你認為喺人生入面朋友最重要。
D. 浴缸水龍頭一直開住
你認為喺人生入面錢最重要。
4. 真面目測驗
Q. 如果你有機會去蒙面舞會，你會想戴咩面具？
A. 熊仔面具
B. 小丑面具
C. 韓國河回面具
D. 貴族面具
結果
.
.
.
.
.
A. 熊仔面具
揀A嘅你覺得喺人哋面前無時無刻都要做一個好人，絕對唔會將自己最真實嘅一面展現出嚟/話俾人知。
B. 小丑面具
揀B嘅你會令人哋好enjoy同你一齊玩，不過自己成日都會覺得好孤單。
C. 韓國傳統面具
揀C嘅你表面好親切，但其實係一個超冷酷嘅人。
D. 貴族面具
揀D嘅你睇落好堅強，但其實係一個好容易受傷嘅人。
5. 工作狂測驗
Q. 以下7項有幾多項似你？
| 1. | 會一邊食飯一邊處理工作 |
| 2. | 會因為要工作而不斷推遲唔去睇醫生 |
| 3. | 瞓喺床上面準備瞓教嘅時候，一諗起工作就瞓唔著 |
| 4. | 會因為工作而冇辦法計劃放假 |
| 5. | 投入喺工作嘅時候會覺得精力充沛 |
| 6. | 就算而家工作算幾順利，都會擔心未來可能會發生嘅事 |
| 7. | 每日都需要由一杯咖啡開始 |
結果
.
.
.
.
.
如果7個入面中4個或以上，你可能係工作狂！吳醫生話工作狂睇落好似係讚緊一個人好認真工作，但其實佢哋係因為一唔做嘢就會好不安，所以會不斷強迫自己做嘢，更加有外國專家表示呢個行為其實係一種心理/精神上嘅問題，大家記住唔好逼得自己咁緊啊！
以上係5個喺《吳恩永的金子商談秀》出現過嘅心理測驗，唔知大家又覺得準唔準呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk