Hello，大家好，我哋係由韓國人每日提供最新韓國旅行資訊嘅Creatrip。

韓流風靡全世界，每位韓星為咗留住fans嘅心都會出盡哂所有殺手鐧。除咗會同大家見面或者用apps同大家互動之外，好多時佢哋都會大派心心，等fans好難逃走！今日就等小編同大家介紹平時韓星鍾意做咩心心Pose，大家下次都可以向偶像放電啦！

韓國影相心心pose教學

1. 基本心心

呢個pose相信大家都一定識做！Common得嚟夠經典，唔想諗點擺pose做佢就啱啦！

2. 手指心心

講起韓國，相信大家一定會諗起手指心心！呢個手勢嘅始祖係邊個都曾經有過好多爭議，不過無論係邊個發明都唔緊要，最緊要簡單得嚟大家都跟到嘛！

3. 天鵝心心

天鵝心心其實都好考柔軟度，如果覺得自己一個做太難，不如搵埋朋友一齊做，或者同另一半整，證明你哋心心相印！

4. 咬心心

咬心心由Chuu自創，所以又叫做「Chuu Heart」。首先將2隻手整一個圓形，之後扮咬一啖，將手指屈曲，就變成一個心形手勢，唔少韓星之後都有跟住做，相當可愛！

5. 三重手指心心

三重手指心心就好似一個鹿嘅圖案，聖誕節同朋友開party影相不妨可以做呢個手勢！

6. 貓耳心心

呢個貓耳心心最近喺韓國相當流行，聽講呢個手勢係woo!ah!成員Woo Yeon開live教fans點整，係貓奴嘅朋友又會唔會想同主子一齊咁影返幅相呢？

想親眼見到偶像向你擺心心pose?

7. 頭頂半邊心

呢個頭頂半邊心唔少韓星都有做過，係專留一邊空位等fans可以P圖好似同緊偶像影咁！

8. 正反心心

雖然呢個正反心心好多韓星都有做過，但小編最有印象都係ZEROBASEONE韓彬嘅心心動作，如果大家有睇過佢條片一定會覺得好有型！

9. 面珠墩心心

面珠墩心心喺呢幾年突然興起，無論係男/女idol都一定做過呢個動作~ 真係令人忍唔住想咬一啖！

10. 半邊心

如果覺得啱啱介紹嘅大心心太誇張，不如就試吓呢款細心心啦！一樣可以同好多偶像一齊合照！

11. 倒心心 

比起普通心心，想嚟啲新搞作？呢個倒心心啱曬又型又可愛嘅你！

12.合掌心心

如果覺得只做基本心心太無聊，可以做呢個合掌心心，但要記住唔好太用力，如果唔係啲拜拜肉可能就會走哂出嚟  

13. 翅膀心心

翅膀心心係VIVIZ喺《LOVEADE》MV嘅跳舞動作之一，相信係Na.V一定知！

14. 頭頂大心心

呢個大心心好多人都會做，手臂肌肉發達嘅男士們想show吓quali可以做呢個動作，應該會好殺食！  

15. 手指大心心

手指大心心本身以為好簡單，不過比想像中高難度！要整得對稱一啲都唔容易，可想言知啲偶像真係經過長期訓練！  

16. 手臂心心

如果要講到手臂心心好多人第一時間都會諗到Red Velvet嘅Wendy，佢每一次去返工嘅時候都會跑去同fans打招呼，希望喺短時間都可以向fans表達愛意！之前金鍾國都有整過，不過因為肌肉大，手臂好難合埋，不過一樣相當可愛！

17. 三重大心心

尹智聖三重大心心比想像中難，相信要手指靈活嘅朋友先可以做到。

18. 五重心心

三重心心都唔夠你去表達愛意？咁呢個五重心心應該點都夠哂啦掛？

唔少韓星為咗向fans表達愛意，通常都會再諗啲新穎嘅心心，唔知下一次又會有咩心心出現呢？

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購