韓國全年花季&賞花攻略

Hello，大家好，我哋係由韓國人每日提供最新韓國旅行資訊嘅Creatrip。

講起韓國花季，相信大家應該會首先諗起到櫻花同紅葉！但其實韓國仲有好多靚花可以睇，今日就等小編話俾大家知韓國一年四季分別有咩自然景色可以睇啦！

一齊去睇靚靚花海啦🌷

韓國全年花季&賞花攻略

梅花 | 2~3月

光楊梅花村_{(광양 매화마을)}

位於智異山附近嘅蟾津村亦都被叫做「光陽梅花村」，每年3月呢度嘅梅花就會盛開，雪白嘅顏色令人有種好似見到雪咁嘅錯覺！

山茱萸 | 3月

求禮山茱萸慶典_{(구례 산수유축제)}

大家知唔知山茱萸寓意永恆不變呢？全韓國最大規模嘅山茱萸村位於全羅南道求禮，呢度嘅山茱萸產量佔全韓產量高達7成！而每年3月舉辦嘅「山茱萸慶典」除咗為大眾提供一個可以欣賞山茱萸嘅機會，更加有音樂會同各種體驗活動，大家可以用唔同方法享受春日氣氛！

油菜花 | 3月

濟州油菜花節_{(제주 유채꽃축제)}

濟州島每年2月尾就會開始慢慢開滿油菜花，而油菜花慶典通常會喺3月尾或者4月頭舉行，每年都會吸引超多人嚟賞花打卡！

迎春花 | 3月

鷹峰山迎春花節_{(응봉산 개나리축제)}

迎春花盛開象徵住春天來臨，而位在首爾市區嘅鷹峰山平時係欣賞夜景嘅景點，花季期間嚟就可以睇到四周圍都佈滿迎春花，加埋日光睇落更加閃閃發光。

櫻花 | 3~4月

鎮海軍港節_{(진해군항제)}

位於鎮海嘅「余佐川」可以話係全韓國最出名睇櫻花嘅景點！自從韓劇《羅曼史》 喺呢度取過景，呢度就成為韓國人心目中睇櫻花TOP1嘅地方，每年3、4月呢度就會變身成為一條櫻花隧道，真係勁靚勁浪漫！

🔎釜山賞櫻景點推薦

慶州櫻花節_{(경주벚꽃축제)}

小編超推薦大家韓國櫻花季去慶州，佛國寺、普門湖、大陵苑同月精橋等等嘅景點都可以睇到超靚櫻花！如果miss咗櫻花季，大家都仲可以喺4月中至5月頭去睇盛開嘅八重櫻！

🔎韓國預計櫻花開花日期

大邱E-World櫻花節_{(이월드 블라썸 피크닉)}

E-WORLD樂園係韓國數一數二嘅主題公園之一，更加係全韓國最早開始嘅櫻花慶典舉辦地點，大家可以欣賞超壯觀嘅粉紅櫻花景色！比起日頭，推薦大家夜晚嚟，燈光配上盛開嘅櫻花勁浪漫！

汝矣島櫻花節_{(여의도 벚꽃축제)}

汝矣島輪中路係舉辦櫻花慶典嘅地方，每年4月上旬都會有固定時段會封路，等大家可以漫步櫻花隧道，欣賞一大片粉紅櫻花~ 而汝矣島漢江公園一帶都充滿春天氣息，大家有機會記住一定要去吓啦！

蠶室石村湖水櫻花慶典_{(석촌호수 벚꽃축제)}

喺蠶室站向樂天世界方向行，就會見到被樂天世界同高樓大廈圍繞住嘅石村湖，呢度係首爾最出名嘅賞櫻勝地之一，圍繞住石村湖嗰條散步路兩邊全部都係櫻花樹，大家不妨抽時間嚟散步打卡，氣氛超浪漫！

🔎首爾賞櫻懶人包

杜鵑花 | 4月

遠美山杜鵑花節_{(원미산 진달래축제)}

杜鵑花係代表韓國嘅花之一，每年4月喺位於首爾同仁川之間嘅富川「遠美山」都會搞杜鵑花慶典，除咗有各種體驗活動同表演，仲會提供韓國傳統街邊小食，可以同時大飽眼福同口福！

江華高麗山杜鵑花節_{(고려산진달래축제)}

仁川江華島係一個蘊含歷史同文化嘅地方，而每到4月，呢度嘅代表山峰 —— 「高麗山」就會被染成一片桃紅色，非常壯觀！每年春天舉辦杜鵑花節嘅時候，都會有好多人慕名而來，一齊欣賞咁靚嘅景色。

鬱金香 | 4月

泰安世界鬱金香節_{(태안 세계튤립꽃박람회)}

泰安鬱金香慶典係世界五大鬱金香慶典之一，每年都會喺泰安花地海岸公園舉行。呢度會展出超過100種嘅鬱金香，仲有魯冰花、瑪格麗特菊同水仙花等各種各樣嘅鮮花，更加可以同時睇到海景，所以每年都有好多當地人慕名而來！

玫瑰花 | 5月

首爾玫瑰節_{(서울 장미 축제)}

韓國最出名嘅玫瑰花慶典相信一定係首爾玫瑰節，每年都吸引來自世界各地嘅遊客同一大班韓國人嚟參加，記住要去玫瑰隧道打卡啦！

🔎首爾玫瑰花景點總整理

繡球花 | 6月

濟州繡球花慶典_{(제주 수국축제)}

每年6月中到7月頭係濟州島嘅繡球花季，色彩繽紛嘅繡球花一齊綻放，想影靚相記住撳入下面條link，睇吓可以去咩景點啦！

🔎濟州繡球花景點總整理

荷花 | 7月

洗美苑荷花節_{(세미원연꽃문화제)}

炎炎夏日想去避暑？推薦大家去位於京畿道楊平嘅洗美苑睇荷花，成個水池都開滿荷花超震撼，仲有路邊嘅蘆葦，令人可以親身感受愜意又清新嘅大自然。

向日葵 | 8月

太白向日葵節_{(태백 해바라기축제)}

向日葵呢種花嘅形象同夏天好夾！如果大家都想欣賞向日葵，推薦去位於江原道太白九臥牛村嘅向日葵花田，呢度總面積超過20萬坪，仲有超過300種野生花，大家可以盡情影相！

波斯菊 | 9月

九里波斯菊慶典_{(구리코스모스축제)}

九里市民漢江公園其實同首爾距離唔遠，呢度5月嘅時候係一大片油菜花田，10月就會開滿波斯菊，係好多當地居民同首爾市民weekend會去嘅賞花勝地。

奧林匹克公園_{(올림픽공원)}

INSTAGRAM @travelreason

雖然奧林匹克公園唔會搞慶典，不過波斯菊海一樣咁壯觀，呢度仲會有粉紅亂子草、玫瑰花園等，建議大家留一個下晝喺度參觀散步！

🔎蠶室「奧林匹克公園」總整理

粉黛亂子草/粉紅芒草 | 9月

高敞粉紅亂子草節_{(고창 핑크뮬리 축제)}

近幾年好多遊客都會專程去睇粉紅亂子草，除咗濟州島，大家更加可以去位於全羅北道嘅高敞，喺粉紅色草叢中漫步，相當浪漫！

楊州Nari公園_{(양주 나리공원)}

楊州Nari公園係秋天必去景點之一，想近近地喺首爾附近盡情享受秋日氣氛，非常推薦大家9月尾嚟呢度睇粉紅亂子草！

蕎麥花 | 9月

大麥國度鶴苑農場_{(보리나라 학원농장)}

韓劇《鬼怪》

「大麥國度鶴苑農場」喺韓劇《鬼怪》播出之後廣為人知，每年都吸引大批遊客嚟欣賞蕎麥花田，重點係呢度唔洗入場費！

芒草 | 10月

天空公園芒草慶典_{(하늘공원 억새축제)}

韓國秋天當然唔少得要去睇芒草，而首爾最出名睇芒草嘅地方係天空公園！呢度每年10月韓國都會舉行芒草節，黃昏時候去仲可以睇到夕陽灑落喺芒草田，閃閃發光！

🔎首爾「天空公園」總整理

紅葉 | 10月底~11月

內藏山紅葉慶典_{(내장산단풍축제)}

內藏山係全羅道最靚嘅山脈之一，四季景色都非常靚，更加被選為朝鮮八景！每年秋天都有好多人會專程去內藏山欣賞紅葉，秋天限定紅葉靚景，一年得一次機會唔好錯過！

🔎韓國賞紅葉攻略

和談林紅葉慶典_{(화담숲단풍축제)}

如果問韓國人秋天應該要去邊度賞楓，10個有9個都會答你話要去和談林！位於京畿道廣州嘅和談林係韓國最大規模的樹木園，呢度有超過1,300棵樹同4,000多種植物，每逢秋天就會變到五顏六色勁壯觀（春天都可以嚟睇櫻花！）

雪嶽山紅葉慶典_{(설악산단풍축제)}

雪嶽山係韓國最高嘅山峰，亦都非常出名睇紅葉，好多人秋天都會特登去打卡，所以大家絕對唔可以錯過！

山茶花 | 12月

濟州山茶花之丘_{(제주 카멜리아힐)}

去到12月濟州島就會開滿山茶花，去到下一年春天都依然勁靚，推薦大家去山茶花之丘賞花+影相打卡！

小編今日幫大家整理咗韓國最主要嘅花期，每個月有咩花可以睇等等，save睇篇blog下次買機票之前記住參考啦！

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面

Mail：help@creatrip.com