logo

東大門汗蒸幕 | SPAREX

SPAREX汗蒸幕全首爾最大分店!喺東大門就有得體驗設施服務超齊全嘅汗蒸幕!

Jiyoon Kim
8 months ago

Hello,大家好,我哋係由韓國人每日提供最新韓國旅行資訊嘅Creatrip


相信有睇開韓劇或者電影嘅朋友們都曾經睇過劇中角色去汗蒸幕嘅場景!可能係因為咁,所以有好多遊客嚟韓國玩嘅時候都會專程抽時間去汗蒸幕,體驗韓國當地文化。不過前幾年疫情爆發之後,有好多汗蒸幕都執咗笠... 今日小編就打算向大家介紹一間位於東大門嘅汗蒸幕「SPAREX」,有興趣嘅朋友們記住要睇埋落去啦!



東大門汗蒸幕「SPAREX」資訊

  • 地址:서울 중구 장충단로 247 B3
  • 營業時間:24小時


東大門汗蒸幕「SPAREX」推薦理由

  • 韓式汗蒸幕配上韓屋風格裝修令你可以充分體驗韓國傳統文化,現代化嘅設施亦都為你帶嚟便利舒適嘅體驗。
  • 可以食熱石雞蛋、飲米水、整羊咩咩頭,就好似行咗入韓劇入面咁!
  • 東大門店係全首爾SPAREX入面最大規模嘅分店,環境超闊落,完全唔會逼狹。
  • 位於東大門,鄰近明洞同鐘路,而且附近就係地鐵站,交通夠曬方便!
  • 24小時營業,book唔到住宿都可以直接嚟玩同瞓返晚。
  • 透過我哋預約,可以用優惠價買到2人券!


東大門汗蒸幕「SPAREX」價錢

時間選項價錢
日間
(05:00 - 20:00)
成人入場券(1人)₩12,000
成人入場券(2人)
₩24,000
₩23,000
小童入場券(1人)₩7,000
入場券 + 搓澡套票(男)₩32,000
入場券 + 搓澡套票(女)₩42,000
夜間
(20:00 - 05:00)
成人入場券(1人)
₩15,000
成人入場券(2人)
₩30,000
₩29,000
小童入場券(1人)
₩8,000
入場券 + 搓澡套票(男)
₩35,000
入場券 + 搓澡套票(女)
₩45,000

※小童:6歲或以下
※入場券 + 搓澡套票男女價格不一


東大門汗蒸幕「SPAREX」退款政策

預約後至到訪3日前取消全額退款
到訪2日前或其後取消不設退款


東大門汗蒸幕「SPAREX」注意事項

  • 接受當日預約(恕不設退款),你亦可以喺60日前進行預約。
  • 如果買咗日間入場券,但夜間時間先去,到時候需要喺現場補回差價。
  • 預約時請輸入所需資訊,亦請喺預約日入場。
  • 嚴禁攜帶外來食物。
  • 所有身高超過105cm嘅5歲或以上男童唔可以入女湯。
  • 醉酒人士會被禁止進入。
  • 入場後逗留超過24小時嘅話需要額外支付費用。
  • 睡眠室分為男士睡眠室、女士睡眠室、以及男女共用睡眠室。
  • 需要自備洗頭水同護髮素,或者可以喺桑拿區額外俾錢買。
  • 請將貴重物品寄存喺櫃檯,如因個人疏忽(例如整唔見鎖匙)而發生任何偷竊事件,SPAREX恕不承擔任何責任。
  • 如果整唔見咗鎖匙,需要支付₩20,000罰款。
  • 血壓超過180mmHg、年老體弱人士、孕婦、高燒患者、飲酒人士、出血過多人士等虛弱或健康出現異常人士嚴禁使用汗蒸幕蒸房。


東大門汗蒸幕「SPAREX」預約流程

STEP 1.
撳我預約

STEP 2.
請詳細輸入所有相關資訊。

STEP 3.
付款後預約即時成立。
你可以喺到訪3日前申請更改/取消預約。

STEP 4.
到達之後向櫃檯職員出示預約記錄,然後根據職員指示開始體驗。



東大門汗蒸幕「SPAREX」介紹

櫃檯

東大門汗蒸幕 SPAREX


今日小編帶大家嚟到全首爾最大嘅「SPAREX」汗蒸幕東大門分店!呢度沿用韓屋嘅傳統裝修風格,加上現代化設施,令大家可以體驗到韓國傳統汗蒸文化之餘,仲可以享受現代化嘅便利,令體驗質素大大提升!


東大門汗蒸幕 SPAREX 價錢 注意事項


一入門口就會見到櫃檯,櫃檯前面有塊板寫住價錢同注意事項,大家入去之前可以仔細睇睇。


 

向職員出示Creatrip預約記錄之後,佢哋會幫你準備好入去之後要著嘅衫、兩條毛巾同一條鎖匙。如果預約咗入場券 + 搓澡套票,仲會有埋上面呢張搓澡券!


東大門汗蒸幕 SPAREX 行李保管區


櫃檯隔離有一個放行李嘅地方,如果行李比較大件,大家可以同職員講聲,佢哋會幫你寫低你嘅鎖匙號碼,到時候方便認領。有好多book唔到住宿,或者因為時間太尷尬而唔知可以喺邊度hea時間嘅遊客都會選擇嚟「SPAREX」!


東大門汗蒸幕 SPAREX 健身室 Gym room


行李保管區嘅左手邊有一個Gym Room,全部顧客都可以用呢度嘅設施。(不過注意如果要用跑步機嘅話一定要著鞋啊!)


東大門汗蒸幕 SPAREX 儲物櫃

東大門汗蒸幕 SPAREX 鞋櫃


呢度就係桑拿嘅入口啦!大家除鞋之後就要將佢放入對應你鎖匙號碼嘅鞋櫃入面保管。




桑拿

東大門汗蒸幕 SPAREX 桑拿

東大門汗蒸幕 SPAREX 池

韓國旅行 韓國首爾汗蒸幕推薦


通常去汗蒸幕嘅人分為兩種,有啲人會鍾意先冲涼再入汗蒸幕,另外有啲人會鍾意先去汗蒸幕逼曬啲汗出嚟,再去冲涼。「SPAREX」嘅桑拿入面有幾個唔同嘅池,大家可以揀自己鍾意嘅溫度,慢慢relax同休息。



有好多韓國人都鍾意專登去汗蒸幕搓澡,「SPAREX」嘅桑拿最右邊亦都有一個搓澡嘅地方,專業嘅搓澡師會幫你搓走身上嘅老泥,令皮膚變得更加嫩滑!



去搓澡之前大家要先簡單冲個涼,然後喺熱水池浸一浸,軟化死皮,咁先可以搓走所有老泥!不過高峰時期可能需要排隊,大家只要耐心等候就好快到你~



搓澡大約需時30分鐘,搓完之後冲多次涼就可以入汗蒸幕啦!


韓國旅行 必去 東大門汗蒸幕 SPAREX

首爾旅行 推薦景點 汗蒸幕推薦


浸完之後一出嚟就會見到汗蒸幕嘅指示牌,落一層就到!




汗蒸幕

東大門汗蒸幕 SPAREX


呢度就係「SPAREX」嘅汗蒸幕區啦!樹木同韓屋裝修非常襯,就好似去咗某條韓國古代小村落咁~


東大門汗蒸幕 SPAREX 按摩椅


右邊有按摩椅同櫈,再行入少少就會見到蒸房。


東大門汗蒸幕 SPAREX 蒸房 柴火汗蒸幕


最出面呢兩間蒸房分別係71度同83度,係呢度最高溫嘅蒸房!小編好鍾意入去坐住出身汗,不過亦都有好多人覺得太熱,入去無幾耐就會出返去。


東大門汗蒸幕 SPAREX 設施


入蒸房之前大家可以喺出面落個枕頭,入去就可以瞓低休息啦~ 不過瞓低太耐嘅話起身個陣可能會見頭暈,大家要小心啦!


韓國汗蒸幕 東大門汗蒸幕 SPAREX


呢間係71度嘅傳統柴火汗蒸幕,一開門就feel到入面嘅熱力!不過喺呢度谷身汗嘅話有助排毒同增強免疫力,對美容同血液循環都有幫助。


東大門汗蒸幕 SPAREX 推薦

東大門汗蒸幕 SPAREX 睡眠區


大家估唔估到呢幾個窿係咩嚟㗎呢?呢度係睡眠室(男女共用),大家只要攞個枕頭過嚟就可以入去瞓返陣!大家亦都可以喺上面個平台一邊食小食,一邊休息。


東大門汗蒸幕 SPAREX 黃土木炭汗蒸幕


行到最入就會見到有黃土木炭汗蒸幕。


東大門汗蒸幕 SPAREX 冰房

東大門汗蒸幕 SPAREX 推薦設施


出一身汗之後就可以去冰房冷卻一下,不過大家記住唔好一出蒸房就入冰房,要等身體無咁熱之後先再入去啊!


東大門汗蒸幕 SPAREX 韓屋設計

東大門汗蒸幕 SPAREX 內部裝修

韓國旅行 首爾旅行 首爾景點 東大門汗蒸幕 SPAREX


汗蒸幕休息區入面有一個睡眠室,沿用傳統韓屋設計,超有古典風情。


首爾旅行 首爾汗蒸幕

韓國旅行必做活動 汗蒸幕 推薦

東大門汗蒸幕 SPAREX


大家仲會見到有瓦缸,韓屋牆上面仲貼住榜文,真係好似去咗古代韓國人屋企咁!


東大門汗蒸幕 SPAREX 區域

東大門汗蒸幕 SPAREX 裝修


呢度嘅睡眠室分成男士同女士專用房,出面嘅燈光透過紙窗照入嚟,就好似自然光咁,勁有Feel~


東大門汗蒸幕 SPAREX 活動

東大門汗蒸幕 SPAREX 打卡位


小編個人覺得韓屋同涼亭中間呢條橋係「SPAREX」汗蒸幕嘅打卡位!


東大門汗蒸幕 SPAREX 餐廳

東大門汗蒸幕 SPAREX 食堂


入到汗蒸幕區之後直行就會去到Food Court,座位都鬆動,唔洗同人逼。


東大門汗蒸幕 SPAREX Food Court

東大門汗蒸幕 SPAREX 小賣部


大家入場之後可以喺汗蒸幕stay 24個鐘,所以呢度都有提供各種零食、飲品同食物俾客人買嚟食。


東大門汗蒸幕 SPAREX 杯麵


大家仲可以冲杯麵食添啊!


東大門汗蒸幕 SPAREX 餐廳


所有餐具、嘢食都要自己拎,食完記住都要自己執好手尾啊!


東大門汗蒸幕 SPAREX Menu


呢度泡菜同醃蘿蔔係基本小菜,如果大家order有飯嘅Menu仲會有多兩款小菜添!


韓國旅行 韓國住宿 首爾景點


小編同朋友就叫咗排骨湯、泡菜湯同冷麵!食物準備好之後職員就會叫你,到時候就可以去拎嘢食,順便攞埋餐具。


首爾旅行好去處 首爾旅行活動 汗蒸幕


呢度嘅飯係紫米雜谷飯,小編超鍾意食!


東大門汗蒸幕 SPAREX 食物


不過小編覺得今次最好食嘅Menu係冷麵,大家可以按照喜好加醋同芥辣調味。


東大門汗蒸幕 SPAREX 米水

東大門汗蒸幕 SPAREX 甜米露


講到「SPAREX」,當然唔少得米水啦!呢度嘅米水係職員自己煲嘅,所以零舍好飲~


東大門汗蒸幕 SPAREX 熱石雞蛋


呢度嘅熱石雞蛋會用膠袋裝住,等大家食完之後可以將殼放好,直接揼喺附近嘅垃圾桶,咁就唔洗專登行返嚟Food Court揼啦!


東大門汗蒸幕 SPAREX


小編同朋友買完米水同雞蛋之後就出咗嚟坐,一邊傾計一邊食,真係超寫意~


韓國旅行 推薦景點 推薦地方


飲咗一啖米水就知道點解會咁受歡迎啦!呢度嘅米水唔會太甜,下面嘅米粒口感唔會太腍或者太硬,仲有碎冰,夠曬清爽!


首爾旅行 首爾汗蒸幕 東大門汗蒸幕推薦

東大門汗蒸幕 SPAREX


熱石雞蛋都係韓國汗蒸幕必食小食之一,大家嚟到記住買返幾隻食啦!




用毛巾整羊咩咩頭教學

汗蒸幕毛巾整羊咩咩頭教學

汗蒸幕毛巾整羊咩咩頭教學


將毛巾對摺三等份。


汗蒸幕毛巾整羊咩咩頭教學

汗蒸幕毛巾整羊咩咩頭教學


將開口向外翻大約3次左右(之後可以再較大細)。


韓國汗蒸幕毛巾整羊咩咩頭教學


另外一邊重覆以上步驟。


韓國汗蒸幕毛巾整羊咩咩頭教學

韓國汗蒸幕毛巾整羊咩咩頭教學


咁就整完啦!


韓國汗蒸幕毛巾整羊咩咩頭教學


只要將頭套進入中間就得,係唔係好簡單呢?


韓國汗蒸幕毛巾整羊咩咩頭教學


難得嚟到汗蒸幕當然想入鄉隨俗,跟住韓國人整羊咩咩頭、食熱石雞蛋、飲米水同入蒸房出身汗排毒啦!相信東大門「SPAREX」一定可以滿足曬大家所有願望!



東大門汗蒸幕「SPAREX」前往方法

東大門汗蒸幕 SPAREX 前往方法


喺東大門歷史文化公園站(동대문역사문화공원역)14號出口出。


東大門汗蒸幕 SPAREX 前往方法


直行之後左轉。



東大門汗蒸幕 SPAREX 前往方法



你會即刻見到「SPAREX」嘅招牌,跟住佢行入商場。


東大門汗蒸幕 SPAREX 前往方法

東大門汗蒸幕 SPAREX 前往方法


搭𨋢落B3。


東大門汗蒸幕 SPAREX 前往方法


咁就去到東大門「SPAREX」啦!




東大門 SPAREX | 撳我預約

 網上付款Q&A




以上係東大門汗蒸幕「SPAREX」嘅介紹,有任何問題請先詳讀呢篇文章。

如果睇完之後有任何疑問,或者我哋語言、標示唔清嘅話,麻煩請send email告知,以方便我哋改進。


如果有更多想知嘅內容,都可以隨時dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

Mail:help@creatrip.com

熱門文章

LoadingIcon