logo

2022年韓國零食銷量排名TOP20

嚟韓國玩買咩零食返香港好?一齊睇下韓國人最鍾意食咩零食啦!

유키
a year ago

Hello,大家好,我哋係由韓國人每日提供最新韓國旅行資訊嘅Creatrip。  


嚟韓國玩當然唔少得要買手信返香港,相信零食都會係大家嘅首選。不過有時候行到入超市,未必睇得明韓文,又唔知道求其買會唔會伏,真係好難揀落手!最近韓國FIS食品產業統計資訊系統公佈咗上年(2022年)嘅零食銷量排名,跟住呢個list買就一定冇錯啦!



2022年韓國零食銷量排名

第20名:農心蜜糖麻花捲餅乾(꿀꽈배기) 

韓國零食銷量排名2022


1972年推出嘅呢款蜜糖麻花捲餅乾係韓國傳統零食之一,至今仍然受到好多韓國人喜愛。洋槐蜂蜜既甜味加上勁脆嘅麻花型脆條,好容易食到停唔到口!



第19名:樂天瑪格麗特曲奇餅(마가렛트)

韓國旅行 手信 韓國零食

以法國低鹽牛油同花生整成嘅呢款軟身曲奇餅,非常香口,最近仲新推出咗Mocha味!聽聞用微波爐叮20秒之後先食仲會有新鮮出爐曲奇餅嘅感覺,大家係唔係都好好奇呢?



第18名:ORION Dr.You能量棒(닥터유바)

韓國零食推薦


講起韓國人,大家應該都會覺得佢哋勁fit,而好多韓國人都會靠控制飲食維持身形。呢款energy bar喺便利店就可以買到,非常方便,而且味道都唔錯㗎!



第17名:CROWN Heim夾心威化餅(하임)

韓國零食銷量排名2022


1991年推出嘅呢款韓國餅乾大家應該都會見過,威化餅入面充滿濃郁嘅朱古力榛子醬,鍾意食甜嘢嘅朋友唔可以錯過!近呢幾年為咗迎合年輕人口味,仲有推出期間限定嘅Mocha味、綠茶味、奶茶味、燕麥味,唔知下次又有咩新搞作呢。



第16名:CROWN C粟米脆片(C콘칲)

韓國手信 推薦


睇個包裝就知道呢款零食非常年代久遠啦!CROWN喺1989年推出嘅C粟米脆片以葵花籽油油炸而成,鍾意食粟米味零食嘅朋友們可以試!



第15名:ORION Sun粟米脆片(썬)

韓國旅行 買零食


有時候食厭薯片,都會想睇下有冇其他脆口零食,呢款Sun粟米脆片可能啱你胃口!佢口感類似nachos,有好多款味,最受歡迎應該係最基本嘅辣味,小編就覺得蒜蓉味最好食啦!



第14名:海泰蜂蜜牛油薯片(허니버터칩)

韓國手信推薦 超市 零食

講起韓國零食,相信好多人第一時間都會諗起蜂蜜牛油薯片。呢款零食2014年前曾經掀起過搶購熱潮,當時想買都買唔到,直至而家銷量仍然保持頭15名內,可見佢係真係好食,而唔係只係Gimmick咁簡單。有報導話多得呢款薯片爆紅,當時種薯仔嘅農夫嘅收入增加咗兩倍有多,真係好犀利!



第13名:樂天吉士夾心蛋糕(카스타드)

韓國人最愛零食


一個細嘅蛋糕仔加吉士醬夾心,雖然味道配搭非常簡單,但係仍然受到好多韓國人喜愛,相信小朋友會好鍾意!



第12名:樂天朱古力夾心蛋糕(몽쉘)

韓國零食銷量排名2022


平時大家可能會買朱古力夾心批(Choco Pie)做手信,但係其實呢款朱古力夾心蛋糕都好受韓國人歡迎!同Choco Pie嘅不同之處在於入面唔係棉花糖,而係白色甜甜地既cream~ 如果因為唔鍾意食棉花糖所以冇食過Choco Pie嘅話,小編推薦大家可以買呢款嚟食!



第11名:海泰Oh Yes朱古力夾心蛋糕(오예스)

韓國生活 零食推薦이데일리


呢款都係出面有一層朱古力嘅夾心蛋糕,不過入面個cream係朱古力,而且係正方形,同平時大家買開嘅唔同。呢款蛋糕仲有出咖啡味、Cookies & Cream味、粟米味等等特別味道添!



第10名:ORION 烏龜脆片(꼬북칩)

韓國薯片 韓國餅乾인터파크


十年前最紅嘅韓國零食係蜂蜜牛油薯片嘅話,近呢幾年最紅嘅應該就係呢款烏龜脆片啦!呢款零食標榜有4層,食落會零舍鬆脆,一推出就吸引好多人買,而家仲有好多唔同口味,例如粟米濃湯味、朱古力肉桂味、黃豆粉味等等,梗有一款你會鍾意~



第9名:海泰ACE梳打餅(에이스)

韓國旅行 手信推薦


ACE梳打餅係韓國第一款梳打餅,其實味道唔特別,甜甜地嘅餅乾加上少少鹽粒,不過都幾容易食食下停唔到口!但係大家要注意佢熱量好高,一次唔好食太多啦!



第8名:ORION魷魚花生 (오징어땅콩)

韓國超市 零食推薦


鍾意食魷魚同花生嘅朋友們一定唔可以錯過呢款零食!魷魚味嘅脆皮花生勁香口,送酒一流~



第7名:海泰米果脆條(맛동산)

韓國最新零食


呢款傳統零食喺韓國非常出名,脆卜卜嘅米果出面有薄薄一層麥芽糖同花生粒,口味簡單得嚟又傳統。不過有啲人可能會覺得太痴牙同冇乜味,並唔係個個都鍾意食。聽講用火機燒一燒先食仲會有碳烤肉既味添,小編就未試過咁食啦,唔知係唔係真嘅呢?



第6名:Pringles品客薯片(프링글스)

韓國零食銷量排名2022


品客薯片(Pringles)相信大家都一定食過,最特別嘅係,佢係上榜零食之中唯一一款唔係韓國企業製造嘅產品!相信係因為之前ITZY彩領曾經係節目入面話自己大食到可以自己一個食曬全筒,令主持人同一大班韓國網友都好震驚偶像們對‘大食’嘅定義啊  



第5名:樂天粟米筒(꼬깔콘)

韓國傳統零食

이데일리


呢個形狀嘅零食香港都有唔少,不過樂天呢款粟米筒零舍香口,而且除咗鹹鹹地嘅原味,仲有甜辣味、碳烤粟米味,周不時仲會出期間限定嘅味道~



第4名:ORION薯片(포카칩)

韓國特色零食


如果話香港人最鍾意食嘅薯片係卡樂B,咁韓國人最鍾意食嘅薯片就一定係ORION呢款薯片啦!佢有原味同洋葱味,韓國人已經分成咗파카칩(藍色原味派)同초카칩(綠色洋葱味派)兩派,你又會揀食邊隻味呢?



第3名:海泰朱古力小泡芙(홈런볼)

韓國零食銷量排名


朱古力小泡芙,甜甜地無得輸!不過分量好少,成日食食下就會冇曬,所以每次都要買定幾包返屋企~



第2名:ORION 朱古力夾心批(초코파이)

韓國旅行 特色零食推薦


相信大家都對呢款零食唔陌生,好多人嚟韓國玩都會買返香港做手信!講個冷知識俾大家聽,原來韓國軍人最鍾意食嘅零食就係呢款朱古力夾心批,聽講軍隊訓練營地出面嘅餐廳如果見到有年輕男仔準備入伍,臨走之前有時候仲會送個Choco Pie俾佢哋添啊XD 因為佢哋訓練真係好辛苦,以前又冇咩機會可以食到其他零食,所以呢款零食就自然成為軍人最愛~



第1名:農心蝦條(새우깡)

韓國旅行 手信推薦동아일보


2022年銷量第一嘅零食就係農心蝦條啦!無論係平時口痕,定係睇戲、想送酒,買呢款零食一定唔會有錯!


以上就係2022年韓國銷售排名頭20位嘅零食啦,大部份都係韓國一直以嚟嘅暢銷產品,大家下次嚟就知道可以買咩返香港做手信啦!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章