代訂 | 第12屆Circle Chart Awards（前Gaon Chart Awards）門票 + Beansbins Coffee現金券
韓國著名音樂頒獎典禮Circle Chart Awards（前Gaon Chart Awards）嚟到第12屆啦！一齊去見證歷史時刻啦！
Hello，大家好，我哋係由韓國人每日提供最新韓國旅行資訊嘅Creatrip。
韓國每年年頭同年尾都會有好多頒獎典禮，而「Circle Chart Awards（前Gaon Charts Awards）」就係其中一個備受矚目嘅頒獎典禮啦！Circle Chart係全韓首個得到官方認證嘅音樂排行榜，每年都會根據排行榜結果選出當年成績最輝煌嘅歌手！上年BTS、IU、Red Velvet、NCT DREAM等等嘅人氣偶像都有出席，亦都帶嚟超精彩嘅表演，唔知道今年會係邊個攞獎呢？
「第12屆Circle Chart Awards門票 + Beansbins Coffee現金券」資訊
- 地點：首爾奧林匹克體操競技場（서울특별시 송파구 올림픽로 424）
- 舉辦日期：2023.02.18（星期六）18:00
「第12屆Circle Chart Awards門票 + Beansbins Coffee現金券」推薦理由
- 每年「Circle Chart（前Gaon Chart）」頒獎典禮都陣容鼎盛，可以一次過睇到勁多人氣偶像歌手表演！
- 大家可以親身見證今年嘅獎項會由邊個獲得，一齊分享喜悅。
- aespa、(G)I-DLE 薇娟、STAYC、Yena、Kep1er、NMIXX、BE'O、ENHYPEN、NCT 道英、SEVENTEEN小分隊夫碩順、TOMORROW X TOGETHER等藝人都會出席，相信表演一定會好精彩！
- 「第12屆Circle Chart Awards」將會喺可以容納14,000人嘅首爾奧林匹克體操競技場舉辦，現場氣氛一定超熱烈！
- 價錢仲包括一張Beansbins Coffee ₩10,000現金券，推薦食佢哋最出名嘅Häagen-Dazs雪糕窩夫！
「第12屆Circle Chart Awards門票 + Beansbins Coffee現金券」價錢
門票（1張） + Beansbins Coffee ₩10,000 現金券 | ₩250,000 |
「第12屆Circle Chart Awards門票 + Beansbins Coffee現金券」注意事項
- 舉辦日期：2023年2月18日（星期六）
- 15歲以上人士方可入場（2008年12月31號之前出世嘅人）。
- 請最少喺典禮1日前完成購買程序。
- 費用包括《第12屆Circle Chart Awards》門票及Beansbins Coffee現金券（價值₩10,000），唔包括來回交通及任何其他服務。
- 門票售出後唔可以取消、轉讓或退款，絕對唔可以買完再轉賣俾其他人。
- 門票只限外國人使用，門票會喺典禮當日派，必須攜帶護照或外國人登錄證領取。
- 門票為舞台前地下企位，位置將會隨機安排，到時候請準時到指定地點領取。
- 領取門票地點及相關事項將會稍後通知，煩請預訂時請填寫準確嘅電郵地址，並定期check inbox。
- 如果唔見咗門票冇得再補同冇得入場，請好好保管。
- 如果冇喺指定時間入場，有可能會唔俾入。
- 只可以攜帶細過30cmx30cm嘅隨身行李入場，大過呢個size嘅物件一律唔可以帶入場。
- 為保障安全，嚴禁攜帶寵物、除飲用水以外嘅食物、相機、三腳架及自拍棍（手機不在此限）。
- Beansbins Coffee現金券有效日期至2024年1月31日。
- Beansbins Coffee現金券可於明洞店、HSBC店、新韓銀行店使用，各分店營業時間不一。
- Beansbins Coffee現金券使用後餘額唔會以現金退還，所以點餐嘅時候建議儘量凑夠₩10,000。
- 如果有任何疑問，請send email到help@creatrip.com查詢。
「第12屆Circle Chart Awards門票 + Beansbins Coffee現金券」預約流程
STEP 1. | |
STEP 2. | 請詳細輸入所有相關資訊及支付所有費用。 我哋會喺1個工作天內確認訂單後透過email send確認信俾你。 |
STEP 3. | 頒獎典禮當日請去到指定地點領取門票 |
STEP 4. | 盡情享受頒獎典禮啦！ |
「第12屆Circle Chart Awards門票 + Beansbins Coffee現金券」介紹
如果有關注開韓國音樂，應該都會有聽過「Gaon Chart」！佢係韓國唯一一個正式收集全世界聽眾數據嘅排行榜，唔單止係韓國，仲可以客觀地反映到K-POP喺世界各地嘅收聽率同成績。今年「Gaon Chart」正式改名為「Circle Chart」，亦都落實2月中會舉辦頒獎典禮，到時候相信會有唔少歌迷到場支持自己鍾意嘅歌手！
「Circle Chart」透過整合韓國本地同其他國家嘅音樂平台數據、專輯銷售量、社交平台數據等，每年都會選出實至名歸嘅得獎者。除咗新人獎、年度歌手獎、年度男/女團獎呢啲頒獎典禮必有嘅獎，仲有海外音源獎、SNS人氣獎等等嘅特別獎項，唔知今年又會係邊個攞到呢？
今年「Circle Chart Awards」將會喺可以容納14,000人嘅首爾奧林匹克體操競技場舉行，相信一定會超熱鬧！
透過我哋Creatrip買飛仲可以企喺搖滾區近距離見到偶像們！（位置將會隨機安排，不過全部都會喺上圖圈住嘅區域）
講起「Circle Chart Awards」，就當然唔少得每年嘅特別表演啦！上一屆頒獎典禮有Red Velvet、NCT DREAM、NCT 127、Brave Girls、STAYC等人氣偶像出席同表演，大家都睇到勁high！
今年頒獎典禮嘅主持人將會由NCT道英同(G)I-DLE薇娟擔任，特別係道英已經係連續第二年做主持人，好期待佢同薇娟會擦出點嘅新火花！
官方早前公開咗今年會出席嘅藝人名單，女歌手方面包括有受到全世界K-pop fans喜愛嘅aespa、上年以“Drive”個人出道嘅(G)I-DLE Miyeon、仲有STAYC、Yena、Kep1er同NMIXX！
而男歌手方面，除咗有透過團體活動同參與韓劇OST經常同粉絲見面嘅NCT道英，最近準備回歸嘅SEVENTEEN小分隊夫碩順（勝寛、DK、Hoshi）同喺第9屆Gaon Chart Awards攞過專輯部門新人獎嘅TOMORROW X TOGETHER都會出席。另外仲有ENHYPEN同BE'O，陣容真係好鼎盛，真係好期待到時候佢哋嘅表演啊！
上年BTS成為咗8冠王，Red Velvet、SHINee同泰妍亦都分別透過佢哋嘅主打歌得到年度歌手獎，OH MY GIRL、THE BOYZ、NCT DREAM都有得獎，見住自己鍾意嘅歌手攞獎真係好開心~
上述價錢除咗包演唱會門票，仲包一張Beansbins Coffee嘅₩10,000現金券，可以喺明洞店、HSBC店、新韓銀行店用。小編極力推薦大家食呢度嘅Häagen-Dazs雪糕窩夫！有得食又有得睇，諗到都覺得幸福~
2022年可以話係近呢幾年K-POP大戰最激烈又精彩嘅一年，到底今年邊個會成為得獎者，為自己2022年嘅成就畫上完滿嘅句號呢？想知道就記住撳下面條Link買飛啦！
第12屆Circle Chart Awards門票 + Beansbins Coffee現金券 | 撳我買飛
以上係「第12屆Circle Chart Awards門票 + Beansbins Coffee現金券」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
