(售罄) | Hanteo Music Awards 2022門票 + Beansbins Coffee現金券
韓國公信力高音樂頒獎典禮 Hanteo Music Awards 2022！買門票仲可以得到1萬現金券？
Hello，大家好，我哋係由韓國人每日提供最新韓國旅行資訊嘅Creatrip。
全球唯一實時音樂排行榜「Hanteo Chart」今年係第一次搞offline頒獎典禮，除咗會回顧上年所有K-POP歌手嘅輝煌成就之外，亦都可以睇到歌手們準備嘅超精彩特別舞台。而且今年更加係佢哋嘅30週年，相信陣容將會非常鼎盛！
今次我哋Creatrip成功幫大家爭取到門票，有興趣嘅朋友們記住快啲買飛啦！
「Hanteo Music Awards 2022門票 + Beansbins Coffee現金券」資訊
- 地址：蠶室綜合運動場（서울 송파구 올림픽로 25）
- 舉辦日期：2023.02.10（星期五）、2023.02.11（星期六）
「Hanteo Music Awards 2022門票 + Beansbins Coffee現金券」推薦理由
- 「Hanteo Chart」係韓國首創嘅音樂排行榜，亦都係全球唯一實時音樂排行榜。
- 透過客觀準確嘅數據選出得獎者，結果非常有公信力！
- 典禮請嚟Tony An、BADA、DANNY AHN、徐寅永、Narsha、金亨俊、宥斌、 李志勳、Tei、金景祿、韶宥、金泰源、李賢道同Sean、金炫廷、金所賢 、孫俊浩等K-POP 1、2世代歌手頒獎，陣容鼎盛！
- 深受國內外粉絲喜愛嘅NCT DREAM、EPEX、CIX、WEi、TEMPEST、BE'O、LUCY、金浩中、鄭東元、YOUNGTAK、YOUNHA、STAYC、Kep1er、YUJU、fromis_9、Dreamcatcher、EVERGLOW、Billlie、JUST B、 姜丹尼爾、YENA、VERIVERY、Cignature、TAN、BLITZERS、TRI.B、TNX、BLANK2Y 等歌手都已經確定會出席！
- 適逢「Hanteo Chart」30週年，相信無論係頒獎典禮定表演都一定會超精彩，一齊參與呢個K-POP盛事啦！
- 價錢仲包括一張Beansbins Coffee ₩10,000現金券，推薦食佢哋最出名嘅Häagen-Dazs雪糕窩夫！
「Hanteo Music Awards 2022門票 + Beansbins Coffee現金券」價錢
[02.10（星期五）] 門票 + Beansbins Coffee ₩10,000現金券 | ₩250,000 |
[02.11（星期六）] 門票 + Beansbins Coffee ₩10,000現金券 | ₩250,000 |
「Hanteo Music Awards 2022門票 + Beansbins Coffee現金券」注意事項
- 舉辦日期：2023年2月10日（星期五）、2月11日（星期六）
- 15歲以上人士方可入場（2008年12月31號之前出世嘅人）。
- 請最少喺典禮1日前完成購買程序。
- 費用包括《Hanteo Music Awards 2022》門票及Beansbins Coffee現金券（價值₩10,000），唔包括來回交通及任何其他服務。
- 門票售出後唔可以取消、轉讓或退款，絕對唔可以買完再轉賣俾其他人。
- 門票為舞台前地下企位，位置將會隨機安排。
- 門票只限外國人使用，門票會喺典禮當日派，必須攜帶護照或外國人登錄證領取。
- 領取門票地點及相關事項將會稍後通知，煩請預訂時請填寫準確嘅電郵地址，並定期check inbox。
- 如果唔見咗門票冇得再補同入場，請好好保管。
- 如果冇喺指定時間入場，有可能會唔俾入。
- 只可以攜帶細過30cmx30cm嘅隨身行李入場，大過呢個size嘅物件一律唔可以帶入場。
- 為保障安全，嚴禁攜帶寵物、除飲用水以外嘅食物、相機、三腳架及自拍棍（手機不在此限）。
- Beansbins Coffee現金券有效日期至2024年1月31日。
- Beansbins Coffee現金券可於明洞店、HSBC店、新韓銀行店使用，各分店營業時間不一。
- Beansbins Coffee現金券使用後餘額唔會以現金退還，所以點餐嘅時候建議儘量凑夠₩10,000。
- 如果有任何疑問，請send email到support@creatrip.com查詢。
「Hanteo Music Awards 2022門票 + Beansbins Coffee現金券」預約流程
STEP 1. | |
STEP 2. | 請詳細輸入所有相關資訊及支付所有費用。 我哋會喺1個工作天內確認訂單後透過email send確認信俾你。 |
STEP 3. | 頒獎典禮當日請去到指定地點領取門票 |
STEP 4. | 盡情享受頒獎典禮啦！ |
「Hanteo Music Awards 2022門票 + Beansbins Coffee現金券」介紹
相信有關注K-POP嘅朋友們都會聽過「Hanteo Music Awards」呢個頒獎典禮，除咗頒獎結果公信力高之外，仲可以睇到人氣歌手們一連串嘅精彩表演！適逢今年係「Hanteo Chart」30週年，「Hanteo Music Awards 2022」將會回顧近30年嘅K-POP歷史，相信陣容一定會超鼎盛！
話明係Music Awards，就當然會有頒獎典禮啦~ 除咗Trend Award、Special Award、Global Artist等等獎項之餘，大家係唔係都好期待今年大賞會係由邊個得獎呢！「Hanteo Music Awards」透過整合大眾投票結果、專輯、音源等各種數據選出得獎者，個個都實至名歸。嚟到仲可以睇埋2022年最受歡迎嘅歌手們準備嘅精彩舞台，真係超值得去！
今年「Hanteo Music Awards」將會喺可以容納10萬人嘅蠶室綜合體育場舉行，咁多人一齊去睇，場面一定好壯觀同有氣氛！
上年「Hanteo Music Awards」新人獎由IVE獲得，而Artist Awards就由BTS、Stray Kids、NCT DREAM, TWICE同LISA等等人氣歌手獲得，到底今年又會係邊個得獎呢？
符合返今次30週年嘅主題，大會請嚟K-POP 1、2世代人氣歌手做頒獎嘉賓，包括有Brown Eyed Girls Narsha、韓國偶像始祖G.O.D嘅DANNY AHN、H.O.T. Tony An、Jewelry 徐寅永同S.E.S. BADA，一起見證K-POP新世代嘅輝煌成就。
另外女團SISTAR出身嘅韶宥，同YG元祖Rapper團體 JinuSean嘅Sean都已經確定會出席，仲有李志勳、Tei、金景祿、金泰源同李賢道等元老級歌手當日都會成為頒獎嘉賓！
已經確定會出席嘅歌手包括有NCT DREAM、EPEX、CIX、WEi、TEMPEST、BE'O、LUCY、金浩中同鄭東元。另外帶領K-POP新潮流嘅VERIVERY、Cignature、TAN、BLITZERS、TRI.B、TNX、BLANK2Y等歌手都會出席！
仲有最近突然再次爆紅嘅YOUNHA、2月準備回歸嘅STAYC、以實力唱功深受粉絲喜愛嘅Trot歌手YOUNGTAK都會出席，另外Kep1er、YUJU、fromis_9、Dreamcatcher、EVERGLOW、Billlie、JUST B等等2022年受到海外粉絲熱烈支持嘅年輕歌手們，同埋個人出道之後節節高升嘅姜丹尼爾同YENA都會出席，真係令人好期待啊！
而家就一齊嚟睇吓兩日分別有啲咩歌手出席啦！第一日將會有金浩中、姜丹尼爾、YOUNHA、鄭東元、YUJU、VERIVERY、EVERGLOW、BLITZERS、JUST B、STAYC、WEi等17隊表演歌手，而頒獎嘉賓就將會係金泰源、Tony An、徐寅永、孔旻智等元老歌手。
而第二日就請嚟NCT DREAM、YOUNGTAK、fromis_9、Dreamcatcher、CIX、YENA同Kep1er等12隊歌手表演，而申孝範、李賢道、李志勳、BADA、金炫廷、宥斌等就會以頒獎嘉賓身份出席。
根據主辦單位最新消息，早排以新歌回歸嘅人氣男團SF9同上年《Street Man Fighter》亞軍WE DEM BOYZ都會出席！聽到呢個消息，相信各位粉絲都勁期待！
適逢今次係Hanteo Chart 30週年，亦都係第一次舉辦線下頒獎典禮，相信無論男女老少都一定會好enjoy呢次盛事！
上述價錢除咗包演唱會門票，仲包一張Beansbins Coffee嘅₩10,000現金券，可以喺明洞店、HSBC店、新韓銀行店用。小編極力推薦大家食呢度嘅Häagen-Dazs雪糕窩夫！有得食又有得睇，諗到都覺得幸福~
2022年可以話係近呢幾年K-POP大戰最激烈又精彩嘅一年，想親身見證邊個得獎嘅話，不如一齊參與呢個粉絲們一定唔可以錯過嘅K-POP盛事 —— 「Hanteo Music Awards」啦！
Hanteo Music Awards 2022門票 + Beansbins Coffee現金券 | 撳我買飛
以上係「Hanteo Music Awards 2022門票 + Beansbins Coffee現金券」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：support@creatrip.com
