韓國人對辦公室戀愛嘅睇法
韓國人點睇辦公室戀愛？支持定係反對？拍拖最住場所之一竟然有人揀公司緊急通道樓梯？
Hello，大家好，我哋係由韓國人話你知每日最新資訊嘅Creatrip。
早前韓劇《社內相親》同《氣象廳的人們》都係講述辦公室戀愛，令唔少韓國網民開始討論到呢個問題，到底大家對於呢件事係支持多定反對多呢？我哋一齊了解吓啦！
韓國職場戀愛
《社內相親》
辦公室戀愛韓文係「社內戀愛（사내 연애）」，對於韓國呢個戀愛國嚟講，除咗讀書時期，只要入到職場工作，多數人仍然對愛情充滿住渴求，所以會透過相睇、交友apps，或者朋友介紹嚟識另一半，辦公室戀愛雖然聽落好似幾sweet，長時間可以見到對方，知道對方忙緊啲咩，更易包容對方。
《氣象廳的人們：社內戀愛殘酷史》
不過同時有個唔好係如果因為私人感情介入工作，道德感就會降低，例如同部門情侶喺前一日分手，但第二日仲要一齊開會同討論，工作就可能因為個人感情而受到影響。如果發生啲咁嘅事，其他同事都會對兩個人工作表現產生質疑，對「辦公室戀情」印象大打折扣；如果業務有上下關係，亦有可能因為戀愛關係而失去公正性。
《前輩，那支口紅不要塗》
所以大多數成功行到最後，或者受眾人祝福嘅辦公室戀愛，大多數係同一間公司，但分別隸屬唔同部門，就算感情中途有波折，都唔太影響彼此工作專業度。
韓國人點睇辦公室戀愛？
- 2016年jobsearch調查
《社內相親》
jobsearch喺2016年對631名男女上班族為對象進行調查，結果顯示，對於推唔推薦辦公室戀愛比例，全體有50.4%嘅人答「推薦」。當中性別比例產生好大分歧，64%男性表示推薦，但女性只得38.6%。
《柔美的細胞小將》
最特別嘅係職位越高就越推薦辦公室戀愛：高層管理級有74.4%推薦、其次係科長級60.5%、代理級49.1%，最後係一般職員，只有47.4%推薦，呢個結果可以判斷，因為職位越高，對於辦公室戀愛可能遇到嘅閒言閒語，自然可以以上位者權威壓住。
《羅曼史是別冊附錄》
上述推薦辦公室戀愛理由當中，多數人認為同一行業，優點係更加可以理解彼此（41.8%）；其次係有時候就可以即刻見面，多咗拍拖時間（21.7%）；之後係工作上有所助益（17.5%）；業務素材增加（13.1%）以及容易掌握日程，減少彼此誤會（5.8%）。
相反唔推薦辦公室戀愛理由當中，全體有44%答「如果真係分手會好唔方便」，完整呈現《氣象廳的人們》劇情中，雙方喺分手之後，仲要住大家嘅閒言閒語場面。
《氣象廳的人們：社內戀愛殘酷史》
其他唔推薦嘅理由仲有係周圍視線同關心令人產生負擔（17.6%）；俾公司睇到自己唔想展現嘅一面（16.6%）；在意分手唔可以集中工作（15.5%）等。
《氣象廳的人們：社內戀愛殘酷史》
最後仲有一個問題係問到上班族，會唔會想公開辦公室戀愛？其中有53.1%嘅人表示「唔問就唔講」，但有35.8%嘅人表示絕對保密；選擇堂堂正正公開嘅人只係得11.1%。
- 2018年DUO調查
2018年，婚介公司DUO以275名未婚男女為對象進行調查，有17.8%願意公開職場戀愛，女性比例高於男性。
《氣象廳的人們：社內戀愛殘酷史》
理由中多數認為「反正遲早都會被發現，不如提早公開。」，其次係冇理由要保密到底、想得到其他人認可等等。喺呢次調查入面，有問到辦公室戀愛最佳約會場所係邊度，第一名係大家屋企附近（51.3%），其次係公司附近嘅Cafe或餐廳（26.9%），之後就係公司緊急通道樓梯（12.4%） 。
- 2009年jobkorea調查
《社內相親》
另外喺2009年jobkorea曾經針對529名20代、30代男女調查，其中有62.2%表示有過辦公室戀愛經驗，但喺2016年再次針對631名男女進行調查，有喺辦公室發生過曖昧、戀愛經驗嘅人，降低至47.7%，同級別同事拍拖嘅人佔最多比例有49%，其次係同上司有30.6%、最後係下屬有20.4%。
《金秘書為何那樣》
而且細分比例，同男上司拍拖嘅女性高達47.6%，但同女上司交往嘅男性只得14.1%。
唔知大家對於辦公室戀愛又有咩睇法呢？會支持定係反對？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
