點解韓國女團唔可以露肚臍？
點解韓國女團唔可以露肚臍？電視台禁止？露咗就要貼膠布？
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時睇音樂放送，有冇留意到好多女團係表演嘅時候，就算上身衫幾短都好，都唔會露出肚臍呢？而家就等我哋一齊了解吓點解會咁啦！
韓國電視台穿著限制
過去韓國演藝圈行性感路線
2010 / Rainbow〈A〉（MBC）
2010年女團Rainbow推出單曲〈A〉，因為「肚臍舞」舞蹈動作，要拉高件衫去到肚臍位，被電視台認為過於煽情，禁止播出。聽講2000年代，三大無線台KBS、SBS、MBC進行「舞台裝束檢查」，限制過於煽情服裝以及挑逗動作。時隔十年，2010年起，三大電視台再度點出唔少女團同伴舞服裝裸露、舞蹈煽情，Rainbow成為第一個犧牲品。
SBS《人氣歌謠》當時向Rainbow經紀公司，表示「克制過度暴露以及煽情服裝」建議，要求Rainbow肚臍舞同服裝要修改後先可以播出（但MBC完整保留）。
2013 / Rainbow〈Don't Touch〉（SBS）
另外，SBS亦提出過舞台服裝規定，包括衣服唔可以露胸、禁止露肚臍、迷你裙要配白色打底褲等三項規定，唔少fans都大鬧思想太過守舊。SBS就表示返非強制規定，只係檢查，後嚟都有藝人喺舞台錄節目著露肚臍裝。
不過可惜去到2011年，KARA以〈Jumping〉回歸，電視台表示佢哋露住肚臍唱同跳，有過於強烈性暗示，要求進行更改，經紀公司透過聲明表達遺憾之意。
2011 / KARA〈Jumping〉（SBS）
2009 / KARA〈Mister〉（MBC）
而無線電視台保守嘅服裝舞蹈審查制度，因為各台冇統一標準，出現咗某歌手服裝可以，某女團服裝就唔得；無線電視台管得嚴厲，但同樣服裝同舞蹈喺有線電視台就可以播。
由電視台到法律嘅改變
唔單止電視台，韓國廣播通信審議委員會喺2010年起，禁止過於煽情、露骨嘅MV喺電視播。同啱啱提到嘅暴露服飾，以及刺激想像、過度舞蹈都受到禁止。三間無線電視台KBS、SBS、MBC禁止以下三種舞蹈動作，包括瞓喺地下、觸摸特定部位、打開衫。
2015 / Stellar〈Marionette〉（MBC）
已經解散嘅女團Stellar，當年因MV同舞蹈尺度過大，引發爭議，為咗可以喺電視上出現，Stellar修改舞台服裝，將撫摸臀部嘅舞蹈部分改為攬腰，同時將原本同男伴舞跳嘅部份改為女性伴舞（但MBC完整保留）。
2014 / AOA〈Miniskirt〉（KBS）
AOA喺2014年推出新曲〈Miniskirt（短裙）〉，喺展現性感、拉開裙嘅拉鍊，露出大腿舞蹈都喺電視審議中刪除，瞓喺地上撫摸自己身體部分，變成坐櫈扭腿舞，先可以播出（部分電台有完整保留）。
2014 / miss A（KBS）
2016 / EXID（MBC）
過去因女團競爭市場已經飽和，除咗大型經紀公司依然堅持自己風格同企劃，其他公司喺概念上為咗競爭，透過裸露、煽情性感概念殺出重圍，造就咗2010年至2015年時期，流行性感風格，而由2016年起，性感風格飽和，先開始行清純路線。時至如今，清純風格好似都唔太受，改成而家Girls Crush風，闖出一片天。
服裝有咩限制？
由於2010年通過新法，出現青少年保護相關規定，包括保護青少年藝人性保護、公正演藝活動、身體同精神健康、學習權等等，同時反對青少年藝人過度暴露，要求克制煽情行為、廣播電視公司落實自身審議。
2015 / Nine Muses（來源：조선일보）
所以喺2010年至2015年代，根據電視台規定，性感女團服裝收斂唔少，改以膚色、黑色或透視衣服創造視覺裸露感，但就算係咁，當時仲會引發唔少爭議。不過當中要搵到一個最明顯嘅改變，就係女團幾乎唔會露出肚臍，即使係性感曲風，都以高腰褲、高腰裙為主，強調腰身或性感曲線。
GFRIEND（來源：SBS）
另外，由於青少年保護相關規定中提及，限制青少年藝人過於暴露，所以喺表演嘅期間，未成年藝人要用膠紙貼住肚臍位，或者係將褲頭拉到肚臍之上。
BLACKPINK
TWICE（來源：엑스포츠뉴스）
而家重新流行低腰褲？
2022 / (G)I-DLE〈Tomboy〉（KBS）
近期以〈Tomboy〉一曲回歸嘅(G)I-DLE，喺KBS回歸舞台上，以強大舞台魅力同氣場，打消眾人對於佢哋五人體制活動嘅憂慮，不過呢場舞台服裝就引起熱議，五位成員，除咗舒華，其他成員都著住露臍裝，令人諗到唔通放送禁忌之一嘅「肚臍」又重新解禁？
2020 / STAYC（來源：뉴스1）
雖然冇正式嘅相關講法，但隨住Kpop國際化，女團歌曲風格多少代表韓國顏面，加上藝人出道年齡降低，性感風格似乎唔會係當代Kpop主流，服裝上唔會太誇張，自然會放得寬鬆啲。
以上係韓國Kpop喺過去「唔准露肚臍」嘅相關規定，小編覺得露肚臍唔代表色情，適當展露身體線條，其實係展示自身健康、良好體態，唔知大家又點睇呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
