Vegan產品喺韓國越嚟越受歡迎？
而家韓國越嚟越多代妝品都主打無素？到底原因係咩？年青一代都追求？
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇發現最近韓國好流行Vegan嘅化妝品呢？佢有咩特別？邊一個牌子而家特別出名？就等小編逐一為大家介紹啦！
咩係Vegan？
Vegan唔單止食物方面，而家好多化妝品或者服飾都盡量加入呢一個元素，希望可以排除對動物造成嘅傷害。Vegan採取積極措施禁止乳製品、雞蛋、皮革製品同經過動物化學測試嘅產品。
Vegan趨勢
唔少韓國消費者都會考慮到環境嘅因素，越嚟越重視純素（Vegan）嘅產品。好多化妝品都開始唔用動物測試，全球市場研究公司Stasit預測，去年全球純素化妝品市場規模達到17萬億韓幣。預計去到2025年將會達到23萬億韓幣，一年平均增長率為6.3%。 韓國素食者人數估計約為250萬，到底點解純素會咁受歡迎呢？
1. 價值消費
價值消費係指購買符合個人品味或者價值觀嘅產品，有專家分析：「價值消費」同「素食主義」基本上係有關係，因為都係想環保、健康生活同同動物共處。
2. 純素由食物發展到美妝同時裝
而家素純唔單止得美食，就連美妝同時裝都有好大嘅轉變，甚至出現咗「純素主義」呢個單字，如果本身有追開啲名牌，都會留意到由2016年起Gucci、Jimmy Choo、Chanel、Armani、Burberry等都宣唔再用動物皮草，甚至喺美妝界有四十多個化妝品牌都全部唔再用動物測試。
3. 對道德消費感興趣嘅MZ一代
正因為MZ一代對消費方面都越嚟越高質，喺買嘅過程都會諗消費嘅意義，之前Olive Young都有對2,000名女性進行調查，有93.4%受訪者表示：「如果件貨性質差唔多，價錢又一樣，我會揀可以幫助到社會同環境嘅（Vegan）產品。」
Vegan化妝品Q&A
1. Vegan化妝品係點整？
為咗獲得化妝品行業素食協會認證，必須滿足兩個標準：就係無動物實驗、同喺動物中獲得次要成分。（不過審查認證每個協會評估標準可能都會唔同。）
1. 無動物實驗
喺韓國2017年雖然有禁止動物試驗嘅《化妝品法例》，但截至2019年6月，係有2,106隻動物做過實驗。
2. 不包括由動物中獲得次要成分
化妝品為咗獲得英國The Vegan Society認證，由動物身上採集嘅蜂蠟、羊毛脂、蜂蜜、牛奶、雞蛋等二次成分都冇喺動物身上進行測試，必須經過嚴格篩選程序，如果唔係根本做唔到。
2. 純素化妝品、天然化妝品同有機化妝品有咩分別？
由字面上睇，「純素化妝品」係連1%都冇用動物測試嘅產品，「天然化妝品」係指95%以上原料嚟自動植物，而唔係化學合成原料。「有機化妝品」係指有10%或以上有機成分（包括動植物）。
3. 主要認證Vegan係邊一個機構？
喺韓國有Korea Agency of Vegan Certification and Service機構認證，國際認證協會包括英國The Vegan Society同 法國嘅Eve Vegan，上圖就係認證Vegan嘅標誌。
4. 咩係「Cruelty-free」？同Vegan認證有冇唔同？
Cruelty-free其實都係指想保護動物，唔做測試，所以同Vegan都係一樣。
代表性Vegan品牌同產品
1. d'Alba
달바
d'Alba係得到意大利官方純素認證，聽講V-Label係通過全球嚴格篩選程序獲得。韓國企業聲譽研究所喺2022年2月對純素化妝品品牌聲譽進行大數據分析後，d'Alba係人氣高居榜首。代表性純素產品包括有白色松露系列嘅產品。
2. AROMATICA
Aromatica放棄對動物測試，不斷推出針對環境同皮膚有效嘅產品，佢哋嘅洗頭水、蘆薈gel但都好出名，加上包裝好簡約，俾人好舒服嘅感覺，令人忍唔住想買一set返去試。
3. Toun 28
Toun已經生產超過100萬件固體美容產品，減少用塑膠，拯救咗唔少動物，佢哋買嘅產品價錢唔算好貴，特別係佢哋嘅番梘產品好出名，好值得買嚟試吓！
4. SKINFOOD
스킨푸드
SKINFOOD為咗唔用動物測試成份，推出咗以蘿蔔系列嘅純素產品，佢哋精心挑選濟州有機農產品認證嘅冇農藥蘿蔔製成，成份相當之好，對皮膚亦都好有幫助。
5. A'Pieu
어퓨
A'Pieu都有一個系列主打純素，無論係用料定係包裝，都完全係冇用動物測試，經過兩年幾嘅準備，佢哋仲得到法國純素機構認證，所有原料均為EWG綠色級，為皮膚提供水份，可以有舒緩嘅效果。
6. the SAME
the SAME有一個Urban Eco Harakeke系列，賦予保濕之王新西蘭亞麻純淨水潤保濕能量，用完佢好似即刻飲飽水咁，就連敏感肌膚都可以用！
7. Innisfree
이니스프리
Innisfree出名係自然主義護膚品牌，用到嘅材料都係相當之天然，而家佢哋都推出咗Vegan系列，如果本身有用開佢哋嘅品牌，都知道一定唔會有錯，價錢合理，品質卓越，無論喺韓國定係外國都深受大家歡迎！
唔知大家而家買任何嘢都會唔會睇吓佢哋嘅成份呢？而家韓國越嚟越流行Vegan產品，有興趣嘅朋友都可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
