年紀大會唔會影響搵工？
韓國應屆畢業生喺韓國好難搵工？年紀大真係搵唔到？事實係唔係咁？
Hello，大家好，我哋係由韓國人每日提供最新韓國旅行資訊嘅Creatrip。
自從2020年疫情開始之後，韓國失業率急升，想搵工都唔係一件易事，因為好多人都話年紀大越嚟越難搵工，到底事實係唔係咁呢？
年紀大會唔會影響搵工？
正常如果讀大學應該係讀4年，不過喺韓國有調查發現，韓國女性平均需要4.8年、男性要6.2年先畢到業。至於點解會遲，除咗係因為覺得畢業之後好難搵工（66.8%）之外，仲有係為咗可以快啲搵工，大學時期會去做intern儲經驗，參加公務員考試嘅學生都越嚟越多（12.6%）。
可能好多人都以為後生出到嚟畢業好有機會搵到工，但事實上韓國畢業成功率只係得20.4%，平均10個入面只係得兩個。
由於好多學生都越嚟越遲畢業，新入職嘅標準都會高咗，就好似以前1998年新入職年齡平均可能係25.1歲，但到咗而家可能變咗31歲。
不過唔好以為年紀大就難搵工，韓國之前有問過431間嘅公司做調查，平均10個人入面有4個都係30代，佢哋認為比起20代，學習能力會更快、年齡啱啱好、有更好嘅組織能力同忠誠度等。
不過喺另一方面，如果年紀大啲嘅員工可能對工作會缺乏熱情、體力都未必跟得上，導致一啲公司如果請新人嘅時候，會set定男性新入職員工係32歲、女性係31歲。
當中有啲公司講到話會set年齡限制，最主要原因係因為而家嘅員工可能會覺得唔舒服（47.8%）、組織等級制度（38.1%）、難以適應組織文化（26.9%）。
另外仲有一個調查報道講40-43歲（93.4%）係最難搵工，其次係34-36歲（93.3%）、37-39歲（92.9%）、47-49歲（92.9%）同44-46歲（92.2%）。
不過如果你真係就快到30代，都唔需要太擔心，因為有59.7%嘅韓國企業講到，喺請新人嘅時候唔會在乎年齡，因為有時年紀大經驗仲好，適應能力都比較強！韓國公司請新人嘅時候主要睇嘅第一樣嘢係態度，之後就係睇工作經驗、聰唔聰明，同對份工有冇熱情。
韓國社會求職競爭都幾激烈，但唔代表年紀大搵工一定會有困難，相信如果你係有經驗或者符合公司資格，只要做好準備公司都會俾機會你！
希望無論喺邊一度，大家都可以搵到適合自己嘅工，最重要係做得開心。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
