韓國高難度常識小測試
你係咪真係了解韓國？韓國高難度常識小測試你會答中幾多題？
Hello，大家好，我哋係由韓國人每日提供最新韓國旅行資訊嘅Creatrip。
唔知大家仲記唔記得小編之前出過一次「韓文單字小測試」呢？收到好多dm都話好簡單，今次就嚟一啲相對比較難嘅測試，一共準備咗20題，唔知今次你又會答中幾多呢？
題目
每個問題都值1分，祝大家好運。
1. 陰曆5月5號菖蒲水洗頭風俗係韓國邊個代表節日呢？
1. 新年
2. 中秋節
3. 冬至
4. 端午節
2. （）入而應該要寫咩字？
나는 시험을 위해 열심히 공부했다. ( ) 드디어 시험에 합격했다. 為咗考試我好俾心機溫書，（）終於合格咗。
*因為一寫解釋就會知，所以唔翻譯單字！*
1. 그러나
2. 또
3. 그래서
4. 그럼에도 불구하고
3. 以下邊一條係韓國最長高速公路？
1. 京仁高速公路
2. 京釜高速公路
3. 湖南高速公路
4. 中部高速公路
4. 韓國總統任期係幾年？
5. 韓國小學要讀幾年？
6. 邊個皇帝創立朝鮮？
1. 諱建
2. 李舜臣
3. 辛旽
4. 李成桂
7. 韓國義務教育係要讀幾年？
1. 4年
2. 6年
3. 9年
4. 12年
8. 韓國最大山脈係？
1. 太白山脈
2. 秋風嶺山脈
3. 江南山脈
4. 狼林山脈
9. 韓國總統會住喺邊？
1. 白堊館
2. 青瓦台
3. 國會議事堂
4. 議政府
10. 韓國有一句說話係「啲人成日兩頭蛇，一有機會就會上」， 會用咩動物嚟形容呢？
1. 袋鼠
2. 蝦
3. 樹熊
4. 蝙蝠
11. 韓國國花係？
1. 山茶花
2. 紫花地丁
3. 杜鵑花
4. 木槿
12. 韓國10,000won紙幣上有邊兩樣嘢？（2個正確答案）
1. 李舜臣
2. 世宗大王
3. 李珥
4. 環形球儀
13. 邊一個單字會喺國語詞典最先出現？
1. 教會
2. 中秋
3. 信
4. 蝴蝶
14. 以下邊一個係濟州島特產？
1. 香瓜
2. 柿
3. 梨
4. 橘
15. 平時喺餐廳叫職員唔會用到以下邊一個單字？
*因為一寫解釋就會知，所以唔翻譯單字！*
1. 서방님
2. 저기요
3. 이모님
4. 선생님
16. 韓國國歌OOOO OOOO正確歌詞係？
동해물과 백두산이 마르고 닳도록 하느님이 보우하사 우리나라 만세 무궁화 삼천리 화려강산 OOOO OOOO 길이 보전하세.
17. 最多韓國人搭嘅地鐵線係？
1. 1號線
2. 2號線
3. 4號線
4. 9號線
18. 韓國人喺考試當日絕對唔會食咩呢？
1. 朱古力
2. 蘋果
3. 麥片
4. 海帶湯
19. 88首爾奧運會吉祥物叫咩名？
1. 호식이
2. 호빵이
3. 호돌이
4. 호동이
20. 韓國寶物1號係？
正確答案
辛苦晒啦！而家就一齊睇吓你啱咗幾多題啦！
第一條 - 4. 端午節
(단오풍정-신윤복)
端午節係韓國代表性節日之一，會喺農曆五月初五慶祝，聽講呢一日係一年之中最有陽氣同繁榮嘅日子。
第二條 - 3. 그래서（所以）
第三條 - 2. 경부고속도로（京釜高速公路）
京釜高速公路係韓國主要兼第一條高速公路，連接國內兩大城市釜山同首爾，全長約417公里。
第四條 - 5年
喺韓國，總統只可以掌管國家政治五年。
第五條 - 6年
同香港一樣，小學由小一到小六，總共要讀6年。
第六條 - 4. 이성계（李成桂）
第七條 - 3. 9年
韓國義務教育係小學要讀6年，中學讀3年，總共9年。
第八條. - 1. 태백산맥（太白山脈）
太白山脈係韓國最大山脈，向南北方向延伸，橫跨朝鮮半島東部、中部同南部，全長約600公里。
第九條 - 2. 청와대（青瓦台）
青瓦台係韓國總統喺首爾鐘路區官邸。 青瓦台包括總統辦公室、會客室、會議室、住宅主樓、秘書室、保安室、禮賓館等附屬建築組成。
第十條 - 4. 박쥐（蝙蝠）
為咗自己利益而做兩頭蛇，韓國會叫呢啲人做蝙蝠。
第十一條 - 4. 무궁화（木槿）
韓國國花係木槿，自古以來就廣泛分佈喺朝鮮半島各地，因為靚而深受大眾喜愛，1945年朝鮮解放後，國旗被制定為木槿花花蕾，政府同國會標誌亦會成日見到呢個圖案。
第十二條 - 2. 세종대왕（世宗大王）& 4. 혼천의（環形球儀）
要答啱晒兩個先會計分！韓幣10,000won 前面係世宗大王，而後面環形球儀係蔣英實發明。
第十三條 - 1. 교회（教會）
因為韓國標準輔音順序係「ㄱ,ㄲ,ㄴ,ㄷ,ㄸ,ㄹ,ㅁ,ㅂ,ㅃ,ㅅ,ㅆ,ㅇ,ㅈ,ㅉ,ㅊ,ㅋ,ㅌ,ㅍ,ㅎ」，所以以試單詞之中교회（教會）會最先出現。順序係교회（教會） - 나비（蝴蝶） - 추석（中秋） - 편지（信） 。
第十四條 - 4. 귤（橘）
去濟州島必買或必食，絕對唔可以冇橘！如果去傳統市場，仲可以食到한라봉（漢拏峰）、레드향（紅色香）、천혜향（天惠香）等各種橘。
第十五條 - 1. 서방님（丈夫）
서방님即係老公咁解，喺餐廳如果想落單，叫咗呢個就尷尬啦。
第十六條 - 대한사람 대한으로
如果大家都好關心韓國，應該都會有聽過韓國國歌，當中正確答案就係대한사람 대한으로。
第十七條 - 2. 2호선（2號線）
首爾地鐵2號線係主要線路，雖然唔係好知道正確原因，但截至2019年，佢已被確認為韓國最繁忙地鐵線路，截至 2019年，每年有5.5948億同每月平均4,662萬乘客。
第十八條 - 4. 미역국（海帶湯）
通常喺韓國重要嘅考試之前，都唔會食海帶湯，因為聽講海帶質地好滑，如果食咗就會有跌倒或者唔合格嘅意思，甚至有啲人都唔會喺考試之前食粥，因為韓文有一句說話叫做「시험을 죽쒔다」。
第十九條 - 3. 호돌이
第二十條 - 20. 흥인지문（興仁之門）
韓國寶物1號係位於東大門嘅興仁之門，而國寶1號係崇禮門，唔知大家有冇搞亂呢？
結果
唔知今次有冇難到大家呢？你又會答啱幾多題？
1~5分：相信你係鍾意韓國。
雖然未話去到好高分，不過證明你都會想嘗試去了解韓國呢個地方，如果大家有任何疑問，都歡迎向我哋查詢，小編知嘅一定會解答大家！
6~10分： 你慢慢了解緊韓國呢個地方。
拎到6~10分嘅你，可能係因為會鍾意Kpop或者睇韓劇，甚至對韓國基本文化或者歷史都有所了解。
11~15分： 你係韓國常識專家！
要拎到11~15分都唔容易，因為當中嘅問題有好多隱藏陷阱，不過你都幾熟悉韓國嘅文化或者歷史同地理。
16~20分：唔通你係韓國人？
今次咁難嘅測驗你都可以拎到咁高分，真係唔話你係韓國人都好難相信！
今次韓國高難度常識小測試，唔知有冇大家覺得難唔難呢？如果仲係覺得好容易，小編下次會再出難啲，你又敢唔敢挑戰？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
