韓國人真係唔鍾意沖涼？
韓國人真係唔鍾意沖涼？唔想日日沖涼係有原因？
Hello，大家好，我哋係由韓國人每日提供最新韓國旅行資訊嘅Creatrip。
韓國被認為一年有7至8個月以上都係寒冷天氣，咁凍嘅天氣「沖涼」絕對係大敵，今日想同大家一齊睇吓韓國人係咪真係咁唔鍾意沖涼，有興趣嘅朋友就繼續睇啦！
韓國人真係唔鍾意沖涼？
韓國有一個獨特嘅沖涼文化，佢哋有一個公共澡堂（목욕탕），除咗沖涼之外，仲可以喺入面浸熱水、食零食，同埋磨砂等。
不過韓國人咁忙，邊有可能成日抽到時間去澡堂呢？有時天氣凍，真係可能懶得沖涼，不過講到衛生問題，加上而家疫情影響，真係好難唔沖，但點解仲會有人會懷疑韓國人偷偷地唔沖呢？小編喺網上搵到一個叫做Dooit嘅調查網站，喺2020年1月至2月期間，喺全韓國訪問咗4,582韓國人關於沖涼問題。
通常幾耐沖一次涼？
呢次嘅調查結果係問通常幾耐沖一次涼，發現48.4%韓國人每日都會沖一次、22.2%兩日沖一次、11.7%三日沖一次，7.3%一日沖兩次、4.8%四至五日沖一次，最後有5.4%表示六至七日先沖一次。
只係睇結果，真係會令人認為佢哋唔太鍾意沖涼，而家就等我哋睇埋韓國人洗頭嘅調查結果啦！
喺洗頭方面，其實同沖涼結果差唔多，接近6/10（58.2%）嘅人表示佢哋每日至少洗一次頭、22.8%表示兩日先洗一次、6.2%三日洗一次、1.2%四至五日洗一次、0.7%六至七日洗一次，另外仲有0.9%嘅人會一日洗兩次。
韓國人日日唔沖涼嘅原因
1. 天氣太凍
相信無論任何地區，有時天氣太凍真係懶到會唔唔想沖涼，喺韓國最凍嘅天氣係12月至1月，有時會去到零下20度，咁凍嘅天氣無論做啲咩都唔會易出汗，身體唔會覺得好黐立立，可能因為咁覺得身體仲乾淨，唔需要日日沖涼。
2. 皮膚乾燥
天氣咁凍好容易令到皮膚好乾，但如果成日沖熱水涼，皮膚反而就會越乾，如果唔成日沖反而仲會令到皮膚保持水份，但當然長期咁做會對身體有負面影響啦！
3. 韓國人冇體臭
體臭係由汗腺嘅分泌物同不飽脂肪酸加細菌等相遇之後產生嘅，不過韓國人擁有呢種汗腺分泌嘅G基因嘅人並唔多，只得2%！佢哋將呢個基因代代相傳令韓國人擁有「乾爽基因」，汗線分泌少，自然就體味都減少。
唔知大家一日又會沖幾多次涼呢？就算天氣咁凍，為咗身體健康同衛生着想，都記得要沖涼啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
