2022年漫畫改編韓劇

Hello，大家好，我哋係由韓國人每日提供最新韓國旅行資訊嘅Creatrip。

喺呢幾年韓劇都有唔少好成績，不過大家有冇發現好多劇都係有漫畫改編而成嘅呢？好多時兩者都會有唔同版本，就好似《女神降臨》、《柔美的細胞小將》、《前輩，不要塗那支口紅》都有幾唔錯嘅成績。小編亦收到風，2022年陸續有幾套戲會由漫畫改編而成，唔知當中有冇邊一部大家會有所期待呢？

2022漫畫改編韓劇

放學後的戰爭活動（방과 후 전쟁활동）

• 主演：申譞洙、黃世仁、權恩彬
• 平台：TVING

漫畫《放學後的戰爭活動》喺今年年中宣佈翻拍，係一套驚悚科幻片，劇情講述喺大考前出現不明怪物，學生為咗加分，紛紛加入戰鬥行列，係一個熱血又殘酷嘅故事。

末日騎士（택배기사）

• 主演：金宇彬、李絮、姜有錫
• 平台：Netflix

確定會喺2022年Netflix上架嘅漫畫改編韓劇《末日騎士》，講述未來地球因大氣污染嚴重，冇戴防毒面具，就無辦法出門口嘅世界，唔知最後結果會係點呢？令人相當期待！

柔美的細胞小將（유미의 세포들）

• 主演：金高銀、朴珍榮
• 平台：tvN

《柔美的細胞小將》第一季播完之後，結局令到唔少人都心碎，不過大家又唔需要太灰心，而家第二季都喺度拍攝當中，男主角由朴珍榮頂上，唔知佢同金高銀會擦出咩火花呢？

獵犬們（사냥개들）

• 主演：禹棹煥
• 平台：Netflix

另一套係喺Netflix上架嘅仲有《獵犬們》，確定由《The King：永遠的君主》男二禹棹煥主演。講述因為大耳窿而最埋一齊嘅男人，為咗可以擺脫債務，進行相當進行相當殘忍嘅金錢涉獵遊戲，究竟佢哋最後成唔成功？等我哋一齊期待吓啦！

還有明天（내일）

• 主演：金喜善、路雲
• 開播時間：2022年4月1號起（逢星期五、六）
• 平台：MBC

改編自同名網路漫畫，MBC《還有明天》講述陰間使者因管理階層失誤，陷入昏迷狀態，成為咗「唔係人類，又唔係死者」狀態。原著係一個溫暖、療癒人心嘅作品，唔知路雲喺《戀慕》之後，會帶嚟一個點嘅新形象俾大家呢？

Sixth Sense Kiss/第六感之吻（키스 식스 센스）

• 主演：尹啟相、徐智慧、金知碩
• 平台：Disney+

改編自同名漫畫小說，只要錫對方就可以見到未來嘅女主角，喺某次唔小心錫到上司之後，見到兩人未來將會有激情戲，只係睇劇情簡介，就覺得有啲搞笑，小編個人幾期待！

Island（아일랜드）

• 主演：金南佶、李多熙、車銀優、盛駿
• 平台：OCN

同名漫畫改編《Island》，劇情講述妖怪喺追殺人類嘅時候，唯一可以拯救世人就係有高強力量妖怪獵人。而喺濟州島發生嘅呢一切，究竟會點收尾？同名漫畫已經有結局，好奇嘅朋友可以去睇吓！

Again My Life（어게인 마이 라이프）

• 主演：李準基、李璟榮、金智恩
• 時間：2022年4月8號起（逢星期五、六）
• 平台：SBS

高中一直都係考最尾嘅學生，經過多番努力考上知名大學法學系，一心想成為檢察官，但喺查案過程中過世，而陰間使者出現，俾佢一個重生機會，等佢喺復活之後繼續未完成嘅使命。

李準基時隔兩年再次回歸小螢幕，令人好期待喺《惡之花》之後，他又會帶嚟一個點嘅全新演技。

魔咒的戀人（징크스의 연인）

• 主演：羅人友、徐玄
• 時間：2022年6月起
• 平台：KBS

《魔咒的戀人》請嚟近期大勢羅人友同少女時代徐玄演出，講述最悲慘、總係有厄運嘅男子為咗解除詛咒，同可以見到他人未來嘅女子，兩人又會擦出咩火花呢？

金湯匙（금수저）

• 主演：陸星材、李鍾元、鄭彩娟、妍雨
• 時間：2022年07月
• 平台：MBC

韓劇《金湯匙》講述出身貧困嘅人，透過偶然獲得「金湯匙」，同出生喺富有家庭嘅朋友，一同改變命運嘅故事。

魔幻之音（안나라수마나라）

• 主演：池昌旭、崔成恩、黃寅燁
• 平台：Netflix

由池昌旭、崔成恩、黃寅燁主演嘅Netflix原創系列《魔幻之音》，講述少女、高才生同魔術師嘅故事，唔知最後結果又會係點呢？

以上幾套漫畫本身就已經好有人氣，唔知翻拍韓劇或電影，又會帶嚟一個點樣嘅結果呢？有冇邊一套大家會比較期待，歡迎可以留言話俾我哋知。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購