logo

真係有「大長今」呢個人?

唔經唔覺韓劇《大長今》已經係19年前!歷史記載嘅長今同劇中又有冇分別?

Jaeeun Jo
a year ago

Hello,大家好,我哋係由韓國人每日提供最新韓國旅行資訊嘅Creatrip


《大長今》喺2003年播出,唔經唔覺已經過咗19年,呢套韓劇可以話係史上最令人難忘嘅戲劇之一,唔知當年大家又有冇追呢?當中主角「徐長今」喺歷史上係唔係真有此人,大家又有冇好奇過呢?今日小編整理好《大長今》歷史背景,有邊啲係真,邊啲係假,就等小編一一話俾大家知啦!



韓劇《大長今》歷史

1. 《大長今》劇情簡介

韓劇《大長今》歷史

MBC

《大長今》喺2003年至2004年播出,當時同《冬季戀歌》一同被稱為韓劇始祖,平均收視率高達45.8%,最高曾經仲去到57.1%。「徐長今」媽媽係喺宮廷廚房工作,所以佢有獨特品味同天才烹飪技巧,但因為自細入宮,好多人都嫉妒佢嘅手藝而趕出宮,流放去濟州島。


韓劇《大長今》

MBC

被流放嘅長今開始學醫,歷經千辛萬苦終於返留去宮中,做埋醫生,醫術高超嘅佢甚至達到朝鮮中宗主治醫師高水準。



2. 《大長今》係唔係真實故事?

  • 《中宗實錄》中出現嘅「長今」

大長今

MUSEUM NEWS

「長今」呢個名多次出現喺《中宗實錄》裡面,第一次出現係喺1515年3月21號。朝鮮中宗第二任妻子章敬王后(장경왕후)喺生王子時去世。當時幫助王后生育嘅衆多人物中,不斷有提到長今呢個名,證明「大長今」角色係以《中宗實錄》中出現歷史人物作為基礎。


MBC

而「長今」呢個名最後一次出現係1544年10月29號,隨後就喺《中宗實錄》記載中消失。無耐中宗亦喺同年11月15號去世。



  • 景福宮「燒廚房」

景福宮「燒廚房」

천지일보

《大長今》劇中,徐長今為中宗煮飯嘅地方被稱為「燒廚房(소주방)」,原本係跟住歷史一齊消失,但之後韓國光復,景福宮舊址就復原。


韓國燒廚房

연합뉴스

燒廚房包括專門為皇室準備食物嘅「內燒廚房(내소주방)」,仲有為皇室宴會準備菜餚嘅「外燒廚房(외소주방)」,以及準備飲品同小食嘅「生果房(생과방)」。喺呢度可以一邊欣賞宮廷風光、一邊享受皇家茶點獨特體驗。(不過受到疫情影響,目前預約人數係有限。)


MBC


皇室飯菜被稱為「水剌(수라)」,而喺《大長今》中,宮廷廚房被稱為「水剌間(수라간)」,對於觀眾嚟講,比起「燒廚房」呢個名,大家應該會更熟悉「水剌間」。

*官方文獻水剌間係計畫菜餚嘅地方,所以歷史上實際用詞同劇中,係有啲唔一樣。*



  • 宮闕中醫女

宮闕中醫女

SBS

儒家社會朝鮮禁止男女之間身體接觸,所以當時男醫師好難治療女性。為咗避免直接身體接觸,醫師通常都係喺皇室女性患者手腕繫上一根線,間接測量脈搏,同睇中國古裝劇中,太醫會隔住薄布幫妃子把脈有異曲同工之妙。


大長今

MBC

由於社會意識同觀念,女性患者通常會拒絕俾男醫師幫自己治療、診斷,導致唔少女性因重病死亡,係之後先出現「醫女」呢個職位。


MBC

作為一位女醫師,並唔一定只係為女性患者服務,喺劇中,徐長今亦負責對中宗進行診察。雖然醫女人數唔多,但聽講歷史上都有唔少女性負責對國王進行日常診察同治療。



  • 獲得中宗信任嘅長今

中宗 大長今

大長今 中宗

MBC

雖然歷史上並冇記載過,長今擔任中宗主治大夫職位,但朝鮮中宗確實信任徐長今,而且同佢關係都唔錯。喺朝鮮時代,國王大部分治療都係由男醫師主導,不過正宗將所有重要工作交俾長今,例如測量脈搏、檢查同開藥。



  • 徐長今?大長今?

徐長今

LampCook

雖然韓劇劇名係《大長今》,但角色名係「徐長今」,咁究竟真正朝鮮歷史係以咩稱呼呢?喺《中宗實錄》中,提「長今」呢個名大約有10次,但其中「大長今」呢個名被提過至少5次,換句話說,歷史上「徐長今」係被中宗賦予「大(대)」稱號,表彰佢作為醫女成就。



不過亦有人有相反意見,認為當代咁樣賦予醫女封號係冇道理;亦有人認為當時中宗宮裡有兩個人都同名叫做長今,所以史官將高啲嘅人做「大長今」。

實際上雖然無辦法證實「大長今」係指「偉大長今」,或者「身高較高長今」,但無論係點歷史記載中曾出現嘅「大長今」係事實。



3. 韓劇同史實差異

  • 長今其實唔係廚師

MBC

事實上,冇任何歷史記錄表明長今係一位朝鮮王室廚師,但實際上劇入面長今成日入燒廚房,同幾位廚師較量、反轉逆境故事,應該係為咗娛樂而加入虛構元素。



  • 燒廚房實際模樣

MBC 대장금

由於長今喺《大長今》中,負責製作王室食物形象深深地刻印喺觀眾腦海,但實際上大部分係男性廚師負責。


tvN

掌管王室料理「待令熟手(대령숙수)」係男廚,負責王室每日食五餐,仲要準備各種小食、酒菜、宴會等食物。因為以前仲未有瓦斯爐,所以生火要好花功夫,聽講一日仲要輪班兩次。 


문화재청

根據《經國大典》介紹,燒廚房男女比例約為14比1,而比起製作佳餚,女性主要專注於準備同搬檯。換句話說,《大長今》劇中同朝鮮歷史現實之間,有好大差異之處,徐長今實際上並唔係廚師,而當時女性亦冇要負責王室料理有關業務。


韓劇《大長今》中嘅女醫「長今」形象,雖然係取材於真實歷史人物,但廚師部分係完全虛構,韓國歷史劇傳達準確歷史知識固然重要,但發揮想像力創造豐富故事線,似乎先係觀眾想睇嘅!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章