朴信惠同崔泰俊宣佈結婚

Hello，大家好，我哋係由韓國人每日提供最新韓國旅行資訊嘅Creatrip。

朴信惠所屬公司S.A.L.T.娛樂今日（23號）宣佈：「朴信惠將會同男友崔泰俊結婚，由2017年拍拖至今，將會喺2022年1月22號拉埋天窗，成為夫婦。」

조선일보

另外，朴信惠仲有喺自己fan cafe講到：「即使我有好多不足，但仍然要感謝肯接受我嘅另一半，我同佢將會成為夫婦。」表達咗對崔泰俊嘅愛。同時亦講到唔會令大家等好耐，會盡力同盡快同大家見面再成為一位出色嘅演員，喺再見面之前，希望大家一直都健健康康。

S.A.L.T.娛樂發表聲明如下：

「大家好，我哋係S.A.L.T.娛樂，想同大家講關於朴信惠嘅一個消息，演員朴信惠同演員崔泰俊將會拉埋天窗，2017年開始相識嘅兩人，將會喺2022年1月22號（星期六）喺首爾某處成為夫婦。兩人喺準備結婚過程中，出現寶貴生命，兩人承諾成為終身伴侶。 由於目前仍然處於需要穩定嘅早期階段，希望大家可以諒解，目前無辦法詳細討論呢個問題。關於結婚嘅詳情，為咗考慮到雙方家長情況下，將會非公開進行，想同一直支持同愛錫佢哋嘅大家講聲多謝，以後朴信惠都會竭盡全力向大家展現最好一面，希望可以得到大家嘅祝福，多謝。」

資料來源：Nate

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購