版權費收入最高嘅偶像
作詞作曲一手包辦！版權費收入高嘅偶像，每一位都係實力派！
Hello，大家好，我哋係由韓國人每日提供最新韓國旅行資訊嘅Creatrip。
平時聽K-Pop多，唔知大家會唔會留意係邊個作曲作詞嘅呢？有唔少都係我哋熟悉嘅Idol，講到呢到大家第一會諗到邊位呢？今日想同大家介紹頭15位喺韓國著作權協會之中寫得最多歌（aka版權費收入最高）嘅偶像！有時只係憑住一首歌，就可以賺數十億添！
版權費收入最高偶像(2023.08.01數據)
TOP 15 - Stray Kids HAN
JYP Entertainment
Stray Kids創作小分隊3RACHA由HAN、彰彬同隊長方燦組成，喺出道之前就已經寫咗唔少歌！而HAN身為當中一員，先短短出道5年就已經寫咗135首歌，相當驚人！除咗佢嘅創作實力，身為rapper嘅佢唱歌都超好聽，實力不容小覷！
TOP 14 - MONSTA X I.M
스포츠동아
I.M係6人偶像組合MONSTA X嘅忙內兼Rapper， 擁有性感低Tone嘅佢，喺舞台展現強烈性感一面，但係喺Fans面前就好cute，超有反轉魅力！根據最新統計，佢已經寫咗136首歌，無論係團體嘅歌，定最近出嘅Solo專輯都非常有自己風格！
TOP 13 - BTS J-hope
무등일보
講到BTS嘅舞王，成員一致認為係J-Hope！不過佢除咗係主舞同副Rapper之外，佢仲會作曲同Featuring，已經有137首歌嘅版權，相當厲害！
TOP 12 - Stray Kids 彰彬
한터뉴스
彰彬係Stray Kids第二位入圍嘅成員，佢同HAN一樣都係隊內Rapper，每次聽到佢rap都會令人眼前一亮！截至目前為止，佢總共創作咗139首歌，真係好期待佢之後仲會寫咩歌俾各位Fans聽！
TOP 11 - 方容國
톱스타뉴스
雖然好可惜B.A.P解散咗，不過唔可以忽視嘅就係容國嘅才華！佢一共擁有146首歌嘅著作權，當年B.A.P嘅歌除咗7首之外，都有參與創作，可以feel到佢對團體幾有熱誠同執着。
TOP 10 - SEVENTEEN WOOZI
imbc
WOOZI可以話係SEVENTEEN嘅大神，佢唔單止叻作詞仲叻作曲，截至2023年8月，佢已經創作咗149首歌！ SEVENTEEN獨有嘅清涼感同歌曲風格好多都係由WOOZI手中創造！
TOP 9 - DAY6 Young K
뷰어스
DAY 6成員Young K都係一位實力派，佢除咗有自己作嘅歌之外，仲會參與OST、同其他藝人合作，而家已經有159首歌嘅著作權！最近同女團H1-KEY合作嘅《Rose Blossom》更加一舉爆紅，而家佢已經由KATUSA軍隊退伍，好期待佢之後嘅作品！
TOP 8 - Stray Kids 方燦
SBS
方燦係Stray Kids嘅隊長，亦都係Stray Kids創作小分隊3RACHA嘅成員之一，出道5年就已經同其他前輩齊頭，創作咗161首歌，成為4世代男團中版權收入最高嘅偶像！
TOP 7 - MONSTA X 周憲
마리끌레르
之前有新聞報導話，有個Idol出道咗4年就已經有108首歌嘅版權，呢個新聞嘅主角就係周憲啦！截至2023年8月，佢嘅作品更加增至163首，唔單止MONSTA X嘅歌，佢仲有幫其他團體同品牌寫過歌，最近更加推出第一張個人專輯《Lights》！不過而家周憲就去咗履行國家義務，暫時離開Fans身邊，大家可以一邊聽佢寫嘅歌，一邊等佢返嚟！
TOP 5 - 龍俊亨
블랙메이드
前HIGHLIGHT成員龍俊亨喺捲入鄭俊英風波之後退團，不過由出道至今創作出好多首名曲，有好多只要大家一聽到前奏就會知道係咩歌！而家佢總共擁有167首歌嘅版權，早排佢推出專輯，亦都開咗演唱會，正式回歸演藝圈生活，唔知道大眾對佢復出又有咩諗法呢？
TOP 5 - BTS SUGA
매일경제
SUGA係BTS入面第一位韓國音樂著作權協會成員，目前創作咗167首歌，彈琴叻，Rap得又好！佢仲會同其他人一齊作曲、作詞，做製作人等，樣樣都掂啊！
TOP 4 - Block B Zico
한국경제
講到版權費富翁，又點可以唔提Zico呢？ZICO有加入只有高版權費嘅人先可以參加嘅協會，目前ZICO擁有170首歌，只係版權費就過億！無論係BLOCK B嘅團體曲、Solo曲、PSY嘅《Luv It》、世正嘅《Flower Road》、IU嘅《Marshmallow》都係出自佢手！最近更加落手落腳推出一隊新男團BOYNEXTDOOR，由實力派偶像晉升為製作人！
TOP 3 - BIGBANG G-DRAGON
넥스트뉴스
TOP 2 - BTS RM
문화뉴스
BTS最多著作權嘅成員就係RM啦！好多BTS熱門歌曲，例如：《Spring Day》、《Boy With Luv》、《DNA》、《IDOL》等都出自RM手！截至目前為止，佢擁有217首歌曲嘅著作權。平時行程已經夠忙，仲有時間去創作咁多好歌，真係好勁啊！
TOP 1 - Ravi
청년투데이
前幾年喺唔少韓綜都會見到RAVI嘅出現，截至2023年8月，佢版權費收入係眾多男星中排名第一，創作嘅歌曲多達238首，每個月收入至少以千萬韓幣起計，可以預計到佢每年版權費高達到幾十億。不過可惜早排爆出佢逃避兵役嘅醜聞，佢都亦都因此道歉退團，唔知道咁對佢之後嘅演藝生活又有咩影響呢？
上述每一位都係唱得又跳得，甚至仲識作曲作詞超有實力，唔知大家又聽開邊個作嘅歌多呢？歡迎留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
