Hello，大家好，我哋係由韓國人每日提供最新韓國旅行資訊嘅Creatrip。
最近Netflix《魷魚遊戲》喺世界各地相當受歡迎，早前韓國某一個網站仲搞咗一個投票去選「邊位藝人參加生存遊戲都會成為最後生存者」，投票期間係10/3-10/9，當中有3,828位網民投票，唔知大家又會唔會為咗456億去參加一場神秘死亡生存遊戲呢？
網民投選《魷魚遊戲》最後生存者
TOP 10. 金東炫
헬스조선
得票數：89票
金東炫原本係一位韓國綜合格鬥家，佢精通柔道、巴西柔術、拳擊跆拳道、合氣道，桑博等，更加有「電擊槍」外號，反應快嘅佢相信喺《魷魚遊戲》入面可以表現得唔錯。
TOP 9. 李光洙
허핑턴포스트코리아
得票數：96票
因為《Runningman》而走紅成為「亞州王子」嘅李光洙，喺綜藝入面一直行開背叛者角色，就算平時佢冇得到任何任務，成員都唔太信佢，所以如果參加《魷魚遊戲》大家又會唔會敢同佢一隊呢？ 雖然因為健康原因而離開節目，不過佢存在感實在太強，就算而家冇佢，每一集都會聽到佢嘅名，希望佢一直都可以走花路啦！
TOP 8. 金軟景
금강일보
得票數：132票
金軟景係引領韓國女排嘅核心人物，17歲嘅首次代表國家隊出戰，16年嘅時間入面一直作為國家隊主力隊員活躍喺球場上。今年東京奧運會韓國成功打入4強，雖然可惜喺銅牌戰落敗，但可以話係無憾。早前佢同隊友一齊上韓綜《Runningman》，佢嘅行為完全就係第二位李光洙！ 唔知佢宣布隱退後，會唔會諗住向綜藝界發展呢？
TOP 7. 李政宰
중앙일보
得票數：148票
身為《魷魚遊戲》男主角嘅李政宰，喺劇入面最後成功贏到456億，不過喺現實中，網民竟然唔投佢？最後只係排第7，到底邊啲人咁勁可以爬佢頭呢？
TOP 6. 李壽根
머니투테이
得票數：177票
李壽根係一位搞笑藝人，平時佢成日拍住國民MC姜鎬童，有「小跟班」暱稱，不過其實佢好聰明，轉數相當快，隨時都可以用佢嘅小智慧好快解決任何難題。
TOP 5. 盧弘喆
1boon
得票數：240票
盧弘喆係韓國著名綜藝節目《無限挑戰》前主持人，因為有「瘋孩子」、「騙子」等角色而為人廣知。另外平時自稱Lucky Guy嘅佢，唔知喺《魷魚遊戲》入面佢可唔可以Lucky到最後呢？
TOP 4. 張東民
한국경제
得票數：240票
唔知大家熟唔熟張東民呢？佢係一位搞笑藝人，佢曾經參加韓綜真人Show《The Genius》，當中要玩心理戰遊戲，喺第三同第四季都獲勝，喺節目入面仲贏超過億，相當醒目！
TOP 3. 李勝潤
나무위키
得票數：402票
李勝潤喺成為搞笑藝人之前，佢係一位綜合格鬥者，身材相當好，反應亦相當快，所以如果參加《魷魚遊戲》，佢表現應該都唔錯！
TOP 2. 金炳萬
한국일보
得票數：837票
金炳萬雖然係一位搞笑藝人，但佢武術實力相當厲害（跆拳道2段、合氣道2段、功夫2段），因為驚人雜技令到更多人識，所以平時好多人都稱佢為「達人」！
TOP 1. 金鍾國
한국경제
得票數：909票
有「能力者」同「國教練」等稱號嘅金鍾國，平時無論喺韓綜定係現實，都可以睇到佢嘅精湛「腦力」同「大力」嘅表現，邊位好人邊位係敵人佢都分得好清，所以如果參加《魷魚遊戲》，可以成為最後生存者嘅可能性相當高！
其他排名：TOP 11. 水晶男孩 - 殷志源（87票）、TOP 12. 李施昤（79票）、TOP 13. Super Junior - 希澈（62票）、TOP 14. ZE:A - 黃光熙（39票）、TOP 15. 李尚敏（37票）、TOP 16. 柳炳宰（34票）、TOP 17. 梁世炯（22票）、TOP 18. 鄭好娟（22票）、TOP 19. 全炫茂（18票）、TOP 20. Super Junior - 神童（18票）、TOP 21. 韓寶凜
唔知大家仲有冇覺得邊位藝人值得提名，但又冇入榜而覺得可惜呢？歡迎留言話俾我哋知。
資料來源：마이셀럽스 익사이팅 디시
如果有更多想知嘅內容，都可以隨時留言或者dm話俾我哋知：）
Instagram：creatrip.hk