車銀優被稱為「최최차차」原因
車銀優被稱為「최최차차」原因 ，一齊嚟睇吓佢有咩優點啦！
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇聽過「최최차차 」（choe-choe-cha-cha）呢個字呢？呢個流行語係專屬車銀優用嘅單字，車銀優既係偶像同時亦係一位演員，到底點解啲人會咁叫佢？我哋一齊嚟睇吓啦！
車銀優被稱為「최최차차 」 原因
呢個世界上人類好難會做到100%完美，不過對於「車銀優」嚟講，可以話係一位非常接近「完美」二個字嘅偶像，韓國人更加將佢改名為최최차차（choe-choe-cha-cha） ，成句意思係源自「최애는 최애고 차은우는 차은우다（最愛係最愛，車銀優係車銀優）」。意思係車銀優驚為天人嘅長相，令人都會放底自己對本命（최애／最愛）嘅執著，跑去追車銀優。
一齊了解車銀優
相信每個人喺年輕嘅時候，曾經會有過一段黑歷史，影相可能會好MK，但車銀優就冇呢段黑歷史，佢由細到到大，直至出道嘅時候，一直都係keep得超好，無論點影都好，都係一位型男。
就算銀優之前剪咗超短頭髮，但韓國人都係話：「車銀優真係車銀優 ，無論咩髮型都係咁好睇，佢真係無所不能。」，甚至有網民表示，就算車銀優剃光頭都咁好睇！
「車銀優係車銀優」呢句說話真係可以用喺任何情況上，之前有一次出演韓綜《認識的哥哥》，明明拍攝咗7-8個鐘，當大家都覺得攰嘅時候，只有車銀優仲係超精神，而且睇落一啲都唔覺得頹。
有時連造型師都會叫俾女裝佢著（同娜恩同款），不過睇落一啲都唔尷尬，反而carry得超好！
之前車銀優喺韓綜《家師父一體》接受採訪時，佢仲講過除咗成為偶像之外，夢想係成為檢察官、警察廳長、主播同埋老師，搞笑藝人梁世炯聽到都話銀優一定可以做得好，因為佢讀書叻，曾經仲係學生會主席。
當時佢好謙虛咁講到，喺學生時代佢都係一個乖學生，事實上佢喺中學仲考過全校第三名，除此之外，佢仲set咗個目標，係希望可以考入韓國最出名嘅首爾大學。
車銀優喺語言方面都好有天份，佢識韓文、英文、日文，同少少中文，尤其係英文，佢可以講得超流利。喺數學方面佢可以超快就計到出嚟，超厲害！
喺運動方面佢亦都相當出色，佢最擅長嘅運動係打籃球。 另外佢仲嘗試過打網球、打棒球、學跆拳道、打保齡球。 雖然好多都係第一次玩，練習時間亦都唔多，但佢都可以表現得好好，就連韓國人都讚佢冇嘢係做唔到。
只要有銀優嘅地方，去度邊都會聽到尖叫聲，喺出道前已經好受歡迎。
銀優有一個夢想係想搵一個人可以陪伴佢終身，對方喺佢面前可以唔使有任何隱瞞，喺佢面前做最真嘅自己，聽到咁....雖然只係一句簡單嘅說話，但聽到都令人好心痛，希望佢之後都可以搵到一個愛錫佢嘅女仔（小編好樂意！ ）
唔知大家聽完會唔會都會明白，韓國人點解會叫佢做최최차차 呢？大家又鍾唔鍾意銀優？歡迎留言話同我哋講一齊討論。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
