韓國人搜尋香港會出現嘅關鍵字
韓國人到底點睇香港？佢哋喺Naver打「香港」，會出現咩關鍵字呢？
Hello，大家好，我哋係由韓國人每日提供最新韓國旅行資訊嘅Creatrip。
平時我哋多數搵嘢都會用Google，但韓國人就用Naver多，唔知大家會唔會好奇韓國人search「香港」嗰陣都會出現啲咩關鍵字呢？不如一齊嚟睇吓啦！
韓國人搜尋香港會出現嘅關鍵字
韓國人喺搵任何資料嘅時候，有90%以上嘅人都係用Naver。
1 . 香港旅行（홍콩 여행）
香港人鍾意去韓國旅行，同樣地韓國人都好鍾意去香港，因為香港唔需要交稅，加上又有「購物天堂」之稱，大家嚟到都會瘋狂shopping。最近小編喺韓國去飲茶，都發現其實都有好多韓國人鍾意㗎。
2. 香港匯率（홍콩 환율）
唔知大家平時係會點睇韓國匯率呢？想知道最準嘅匯率，當然要睇我哋Creatrip每日匯率啦！但韓國人如果想睇韓幣兌換港幣匯率係幾多嘅話，多數都係會用Naver，佢有一個自動轉換器，咁就可以大概知道會換到幾多錢啦！
3. 香港 機票（홍콩 항공권）
而家幾乎世界各地都開曬關，終於可以過返隨時飛嘅生活！排名第三嘅搜尋結果就係香港機票，唔好話韓國人，就連小編都間唔中會check住幾時平就快啲買機票返香港！
4. 香港 天氣（홍콩 날씨）
天氣好唔好其實都幾影響心情，難得Plan去香港玩，當然就係要Check定天氣，同時仲可以諗定帶咩衫！
5. 香港 迪士尼（홍콩 디즈니랜드）
大家應該都知韓國人好鍾意打卡影靚相！呢個時候又點可以唔Plan去香港迪士尼影返輯呢？
6. 香港 酒店（홍콩 호텔）
小編身邊唔少韓國人都好鍾意去香港旅行玩，不過佢哋最Concern嘅問題就係酒店，因為大部份酒店價錢都唔平，加上洗費都幾貴，每一次都要儲一大筆錢先可以玩得盡興！
7. 香港 中國（홍콩 중국）
呢個話題有啲敏感，但小編睇到啲相都覺得好心痛
8. 香港 美食餐廳（홍콩 맛집）
想知韓國而家有咩美食，Creatrip會為大家日日更新！但香港有咩好食，韓國人通常都會喺Naver互相分享，唔知香港嘅朋友又會想推薦韓國人食邊啲地道美食呢？
9. 香港 澳門（홍콩 마카오）
因為香港同澳門都好近，只要搭船就去到，唔少韓國人都會一次過Plan哂去呢兩個地方！
10. 香港 飛機（홍콩 비행기）
其實打機票或飛機都會睇到同一資訊，睇嚟韓國人都好心急想快啲去香港旅行！
以上10個係韓國人搜索香港會出現嘅關鍵字，大家睇完又覺得點呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
