韓國銀杏樹嘅秘密
一到秋天就係銀杏嘅季節！點解咁臭但韓國人仲會一直種？除咗靚仲有咩特點呢？
Hello，大家好，我哋係由韓國人每日提供最新韓國旅行資訊嘅Creatrip。
眨吓眼韓國已經踏入秋季，樹嘅顏色都開始慢慢變，秋天最常會見到嘅除咗有紅葉之外，當然唔少得銀杏樹，雖然係好靚，不過味道就唔係太好聞。今日小編想同大家揭開韓國銀杏樹嘅秘密，點解佢會咁臭？但韓國人仲會繼續想種呢啲樹呢？
韓國銀杏樹嘅秘密
銀杏樹韓文名係은행나무，源於銀杏果實形狀類似杏子（살구），同時銀（은）喺韓國有好運嘅意思，甚至有啲人仲會叫佢做公孫樹（공손수）或者（鴨脚樹）압각수。
對於韓國人嚟講，銀杏樹意味住長壽樹，當呢棵銀杏樹喺祖父一代種落嚟時，佢將永遠長存到下一代。 所以喺韓國有古遺址嘅地方，會見到唔少有數百年歷史嘅銀杏樹。
雖然銀杏樹寓意美好，喺秋天亦增添美感，但佢有一個不容忽視嘅大問題，就係佢「氣味」好重，（有啲人話佢聞起似嘔吐物），所以喺銀杏樹葉要跌落嚟嘅時候。韓國當地政府都有諗到一啲方法去處理。例如係喺樹側邊放網，防止行人會踩到，甚至會用機器搖啲銀杏果實，喺果實完全成熟同有氣味之前收集好。
點解杏銀會咁臭呢？其實係因為銀杏外皮含有丁酸同庚酸等，呢兩樣嘢加埋味道會好濃，甚至聞落去好臭，好多人都未必會頂得順，但點解韓國會有咁多銀杏樹呢？
韓國多銀杏樹嘅原因
1. 銀杏樹有助於淨化空氣
韓國街上兩邊都會種植銀杏樹嘅主要原因，係因為佢被認為有良好空氣淨化性能，佢可以吸收對健康有害嘅氣體，包括汽車廢氣排放、污染同煙塵令空氣變更加清新。
2. 銀杏樹有助於防蟲
大家知唔知銀杏樹有超好抗菌特性呢？佢可以消滅寄生植物嘅昆蟲、真菌同病毒幼蟲。就連人都怕嘅味道，昆蟲更加近地面聞到，自自然然就唔會想靠近。
3. 銀杏樹係長壽樹（化石樹）
銀杏樹被認為係一種長壽樹，同時亦被稱為「化石樹」。因為佢可以喺任何氣候都生長到。另外因為佢嘅樹皮偏厚，所以有啲難燒，遇到火災時，佢可以幫助防止火勢蔓延。韓國最古老嘅銀杏樹位於京畿道龍門寺（용문사），佢被指定為第30號天然紀念物，樹齡約為1100至1500年。
韓國人會食銀杏？
雖然銀杏聞起嚟有啲臭，不過其實喺韓國，好多料理都會用到，譬如人蔘雞湯，另外有啲韓國人仲會喺銀杏上面撒上鹽，當健康食品咁食。
以上就係韓國銀杏樹嘅故事同秘密，雖然係好靚同時有好多好處，不過唯一缺點就係味道有啲難受。
資料來源：Oh My News
如果有更多想知嘅內容，都可以隨時留言或者dm話俾我哋知：）
Instagram：creatrip.hk
