韓國保鑣嘅趣事
關於韓國偶像保鑣嘅一啲趣事，到底點先可以做到？點解有啲保鑣特別受fans歡迎？
Hello，大家好，我哋係由韓國人每日提供最新韓國旅行資訊嘅Creatrip。
唔知大家會唔會好奇偶像身邊嘅保鑣都主要係做啲咩呢？喺偶像身邊自由出入真係咁簡單？今日小編會同大家逐一講解，有興趣嘅朋友就繼續睇落去啦。
保鑣意識
保鑣係負責保護委托人 （顧客）免受外部危險嘅人，由於喺媒體上對於保鑣都有唔同表現方式，唔同嘅人對保鑣嘅睇法亦都唔一樣。 例如間諜特工、保護政治人嘅保鑣，或者喺Kpop偶像音樂會上出現要監視嘅觀眾嘅保鑣等。正如大家所見，現實中保鑣有分好多種類，扮演嘅角色都多樣化。
保鑣大致分為兩類，首先係隸屬於青瓦嘅保鑣，主要係負責保鑣總統及總統屋企人，同時照顧嚟韓國到訪海外人員（總統、總理等）。
第二種係私人保鑣或者自由職業嘅保鑣，平時保護偶像嘅保鑣就係屬於呢一類。 私人公司會同偶像經紀公司簽訂合約，喺有演唱會或者fans meeting、簽名會等出嚟保護偶像，甚至有啲保鑣會同直接同經紀公司簽訂獨家合約，長期負責照顧及保護經紀公司嘅旗下藝人。
喺Twitter上，Kpop fans都會打上「강친」呢個字，佢係代表「堅強的朋友」，形容偶像身邊嘅保鑣，有啲fans因為成日去fans meeting仲會認得保護偶像身邊嘅保鑣，仲會同佢哋打招呼添！
啱啱講到有啲保鑣會同直接同經紀公司簽訂獨家合約，長期負責照顧及保護經紀公司嘅旗下藝人，而最令人記得嘅一定係IU保鑣朴根宇，佢由2012年開始保護IU，亦係眾所周知嘅Edam Entertainment IU團隊成員之一。
偶像保鑣角色
為咗可以近近距離接觸偶像，只要一見到偶像出現，好多fans都會忍唔住沖去偶像前面，幾乎行路都有困難，呢個時候保鑣就要保護藝人，令到偶像可以安全咁通過。如果大家有睇過一啲保鑣嘅採訪，佢哋都會提到私生飯嘅事，私生飯會暗中跟蹤偶像，或者通過隱藏通道入代機室，保鑣只要一發現都會去阻止，盡力去保護偶像。
只要一有音樂廣播、演唱會、簽名會等就會聚集好多fans，因為人多好容易會發生安全事故，所以佢哋會密切關注周圍環境。 喺活動開始前，佢哋會安排好點排隊，或者有啲fans如果太興奮，佢哋會一直監視同維持秩序。
為咗保護音樂版權，有啲音樂會係禁止拍攝，不過亦有唔少fans會帶隱藏鏡頭，所以保鑣喺演出開始之前都會檢查fans嘅手袋，或者身上會唔會有隱藏鏡頭。雖然係演出前會檢查，有啲人都可能會成功偷偷地帶到入去，不過喺演唱會開始嘅時候，保鑣都會一直監視住，如果見到仲會作出警告。如果警告過太多次，fans都一直唔聽，就會被強行拉出場（小編親眼見過，千祈唔好唔聽話。）
保鑣唔單止要保護藝人，仲要照顧參加活動嘅fans，因為當大家太熱衷於演唱會，太興奮嘅時候，人逼人嘅時候可能會受傷。所以喺表演途中，有時佢哋會遞水俾fans，有啲fans可能因為太攰頂唔順要提早離場，佢哋都會幫fans開一條路，等佢哋可以離場。
做保鑣嘅過程？
隨住保鑣專業性同重要性嘅提高，好多大學或者專門學校都會開設學習專業技能，而一啲公司亦都比較歡迎有資格證或者同學科出身有關嘅人。
好多準備要做保鑣嘅人都會去警衛學科、警衛體育學科等，另外為咗提高自己嘅專業水平仲會去考牌。同時佢哋會不斷練習同培訓，有時仲會去私人保安公司做part-time去累積經驗。
保鑣質素
1. 身體特徵
SBS 시티헌터
因為工作特性，身體條件好嘅都會優先，例如男保鑣要身高175cm以上，女保鑣身高要165cm以上，同時需要敏捷同有運動神經，專攻跆拳道或者柔道等武術都會有幫助。
2. 外語能力
MBC every1 비디오스타
即使只係保護韓國嘅藝人，喺語言能力都越嚟越重要，因為韓國藝人海外活動增多，保鑣喺工作上都會成日用到外語。另外有啲可能係外國明星嚟韓國，呢個時候都要同佢哋溝通。
3. 人品
因為成日都有新聞講，保鑣過度嘅反應可能會同fans有衝突，所以如果真正想入保鑣呢一行，喺應徵嘅時候都會睇吓你係咪一個體貼或者有責任感嘅人，會唔會以保護他人唯先等。
保鑣人工
根據WORKNET（워크넷）網站喺2019年7月作標準，平時年薪係韓幣2,964萬（約HKD197,600），不過如果係自由職業保鑣，係會以一單一單咁計，根據唔同嘅保護對象或活動規模，人工都會有唔同，不過有啲保鑣做得好年薪可能都會過1億韓幣（約HKD659,280）以上。
保鑣苦衷、爭議
雖然望落保鑣着晒黑色西裝好似好型，不過佢都同其他職業一樣，都會遇到困難或者有缺點。
1. Fans VS 경호원保鑣
Fans為咗靠近偶像會想向前衝，但保鑣職責就係為咗保護偶像，就等於同fans成為對敵咁。所以有時fans都會抗議或者用粗口鬧，當中兩者會發生爭執。因為呢啲情況保鑣都會有好多情緒壓力。
2. 過度打壓
영화 범죄와의 전쟁
曾經因為有保鑣用力推或者毆打fans，造成嚴重重傷問題，事實上會發生呢啲問題，係因為有啲公司寧願出價錢平啲請黑社會幫手。不過而家唔少保安公司都會為保鑣進行特訓，去改善呢啲問題，避免黑社會污名同過度打壓。
即使保鑣已經接受過專業培訓，但仍然有過度打壓嘅問題，因為接受過專業訓練嘅保鑣同普通fans身體上嘅差異太大。最近網上有一條關於NCT保鑣嘅影片，因為有fans想向前衝，保鑣即刻好快手咁樣擋住，反應相當快，不過有啲網民又覺得，保鑣身型太大，對一般市民來講會唔會太過苛刻。
3. 身體檢查及誤解
特別係好多時去聽演唱會，喺入場之前都會檢查手袋或者身體，睇吓會唔會有隱藏鏡頭，因為保鑣要好細心去檢查，有啲fans就覺得係性騷擾，令到保鑣陷入困境，所以而家好多係女fans嘅情況下，都會由女保鏢進行搜身，即使係咁都有好多fans會覺得唔滿意。
韓星身邊出名嘅保鏢
1. 朴根宇（박근우）
負責保護IU保鑣嘅朴根宇因為有暖男外表而受到關注，另外佢同IU嘅互動都深受fans喜愛，就算有幾難行嘅路，佢都可以引領IU，非常之細心。
Instagram @dlwlrma
朴根宇唔單只係一位保鏢，仲係一位稱職IU團隊成員之一，只要IU有新專輯，或者新歌，佢都會喺自己IG度分享同支持。
2. 高錫鎮（고석진）
MBC에브리원 비디오스타
高錫鎮係Wanna One嘅保鑣，fans仲會叫佢做「Dear大叔」。
喺Wanna One活動期間，佢好悉心咁照顧每一位成員，深受fans喜愛，甚至仲幫佢開咗一個Twitter帳號，叫@DearAhjussi_W1。
3. 裴恩光（音譯）（배은광）
KBS WORLD WE K-POP
之前SF9仁誠同達淵出演《We K-Pop現場》，為咗可以令保鑣笑，佢哋同時一齊錫保鑣（大家有冇一刻幻想係自己呢？ ）
只要係Kpop fans對裴恩光（音譯）一啲都唔會陌生，因為佢成日喺《Show Champion》、《Show!音樂中心》、《M Countdown》等節目拍攝期間負責保護偶像。
4. Twice 保鑣（冇正式公開名）
呢位保鑣之前喺Twice嘅fans影片出現過，雖然只係睇外表會覺得佢好似好嚴肅，但事實上佢非常細心，好多fans都會直接叫佢做姐姐。
當Twice成員要落車嘅時候，佢會用手擋住車門，怕成員落車嘅時候會撞到，非常之細心。
5. BTS、TXT 保鑣（冇正式公開名）
koreaboo BTS 지민 직캠 캡처
BTS、TXT 保鑣成日都會出現喺新聞報道或者fan cam。
2019年BTS 《愛自己世界巡迴演唱會》結束後，由日本返回金浦機場嘅路上，Jimin身邊都有保鏢保護佢，因為有好似偶像般嘅外表，吸引好多fans關注。
6. 崔英載（최영재）
前保鑣崔英載唔係偶像保鑣，但佢都係韓國著名保鑣之一。
崔英載係特種部隊出身，當文在寅總統仲係提名期間，因為外表吸引，而引起眾人關注，不過可惜因為工作性質同安全重要性，佢露面太多變得太出名，佢不得不辭職。
채널A 강철부대
不過當佢冇做保鑣後，開咗一間髮型屋，最近因為出演韓綜《鋼鐵部隊》做導師，所以再次引人注目！
如果大家都有去過偶像演唱會或者簽名會，可能都會見過唔少保鑣，有時佢哋為咗保護偶像，可能會反應敏感咗啲，不過千祈唔可以忘記，佢哋只係努力工作同保護藝人同fans安全。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
