logo

韓國人好鍾意行路?

韓國人到底有幾鍾意行路?韓國人由明洞行去東大門只要XX分鐘?

마타티카
a year ago

Hello,大家好 ,我哋係由韓國人每日提供最新韓國旅行資訊嘅Creatrip


唔知大家之前嚟韓國旅行,有冇發現韓國好多地方都要行好多路呢?另外韓國人行路非常之急,又係唔係真嘅呢?今日小編一一為大家解答!



韓國人好鍾意行路?

你知唔知邊個國家/地區嘅人行路最多?

韓國人好鍾意行路?yonhap news


喺2017年,根據史丹佛大學對全球46個國家或地區進行調查,香港人口平均每日行6,880步,韓國排第八,平均每日行5,755步。而全球人口每日平均行4,961步。



韓國人行路真係好快?

韓國文化 韓國地鐵路線


相信好多人嚟韓國旅行嘅時候,都會留意到韓國人行路特別快(香港人都一樣快,但急嘅程度有啲唔一樣。),特別係喺地鐵站或高峰時段,一來逼二來又要衝,根據韓國交通研究所2002年一項調查,韓國人步行速度係 4.8 公里/小時,即 1.33 米/秒,如果由明洞行到東大門距離係 2.7 公里,韓國人只係需要用大約 35 分鐘就會去到。 



韓國人鍾意行路嘅原因

1. 環境好

韓國文化 散步


韓國人鍾意行路嘅最大原因,應該係好多屋苑附近都有公園,令韓國人隨時隨地都可以出嚟散步。加上韓國天氣相當涼爽,唔單只韓國人,小編都鍾意喺韓國周圍行。



2. 鍛煉身體

深日了解韓國文化


行路算係一樣比較輕鬆嘅運動,適合唔鍾意體力消耗嘅人。尤其喺韓國返工,好多時成日都要做到OT,平時幾乎冇咩時間可以鍛煉,所以佢哋寧願喺日常生活中行多啲。

首爾大多數人口平均每日行40分鐘,或約2.7公里,所以呢個可能係韓國人就算唔多運動,身材都可以keep得好好嘅原因。


韓國行路賺錢apps


另外韓國仲有一啲apps,只要行路就可以賺錢,之後再換其他嘢食或嘢飲!



3. 減輕壓力

韓國文化 韓國天氣 四季分明


每個人都會有壓力,有啲韓國人會揀散步去減壓。呢個係最簡單、最方便嘅方法。另外,韓國四季分明,就算行同一條路,周圍嘅氣氛同景象都唔一樣,行嘅時候每一次都有唔同感覺。

身為香港人嘅小編平時無論喺香港定韓國都一樣好鍾意行路,唔知大家又有冇計過自己一日平均行幾多路呢?




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章