韓國穿搭YouTuber

點解韓國人咁識襯衫？到底有咩技巧？小編推薦大家睇韓國穿搭YouTuber，每位都係穿搭高手！

황요산

2 years ago

Hello，大家好，我哋係由韓國人每日提供最新韓國旅行資訊嘅Creatrip。

韓國係對時裝好有要求嘅國家，每一位韓國年青人都好注重自己嘅打扮，每一季最新潮流佢哋都可以好快跟得上。今日小編想同大家介紹幾位韓國穿搭YouTuber，唔知大家睇完又會唔會有啲靈感呢？

韓國穿搭YouTuber

1. 도영도영이

第一位想同大家介紹嘅係도영도영이（Do Yeong），佢本身係韓國網拍sonyunara（소녀나라） Model，所以小編一直都有留意佢，佢而家仲開埋YouTube教人穿搭，小編好鍾意佢有一個系列係拍每間時裝店嘅衫（세상의 모든 쇼핑몰리뷰），用自己錢買完之後逐一同大家介紹，佢會講解每一件商品好同壞處，用第一身去介紹，睇完有啱大家可以再去每一間網店睇，目前佢呢一個系列已經有23條短片。

另外佢早前仲自己設計咗一個帆布袋，簡單設計但功能多，一出已經大受好評！不過佢已經開咗兩團，話可能未必再開，有啲可惜！除咗有fashion片之外，佢仲會成日拍Vlog，有興趣嘅朋友都可以睇吓㗎！

佢平時穿搭都係可愛甜美風，俾人一種好Young嘅感覺，平時鍾意著簡約風嘅朋友，都可以參考佢嘅配搭。

YouTube：도영도영이

IG：doyeong_ _2

2. 수연 i'm suyeon

Suyeon一開始係拍日常Vlog為主，去到10個月前先有第一個關於fashion片，之後慢慢再變多。當時佢大緊肚，仲會教孕婦襯衫，因為啱啱生完，身形仲會比較圓，佢會邀請45kg model一齊著同一件衫，俾人睇唔同效果。

最近睇Suyeon嘅片佢開始減肥，仲會教大家整沙律，貪靚嘅女仔一定會鍾意睇。小編個人覺得佢著衫風格偏成熟少少，好多都好適合OL風，每一條片底下面，佢仲會講解啲衫可以喺邊度買，睇啱款可以跟住一齊買㗎！

YouTube：수연 i'm suyeon

IG：romizing

3. 소신사장 Soshin TV

Soshin係一位經營咗15年時裝網店嘅老闆，喺一年前開始拍YouTube教大家襯衫，身高168嘅佢，體重平均52-54kg，令人超羨慕！佢會根據唔同主題教大家襯衫（例如有OL裝、休閒裝、聖誕裝等），喺一個月前佢仲出咗一條100套Summer Outfit片，每一套都係簡單得嚟超好睇！每一套都係唔同風格，100套入面總有一套會啱大家！

YouTube：소신사장 SoshinTV

IG：besimple1

網店：비이심플

4. kinda cool 아영

比起YouTube，小編一開始係留意到kinda cool嘅IG先，IG排版簡單得嚟好有個性，YouTube除咗會拍穿搭之外，佢亦都會拍好多日常Vlog，佢穿搭風格好有歐美mix韓國風，所以平時睇佢片都會發現唔少英文comment，好多片亦有英文翻譯，就算聽唔明都可以睇宇幕。同時佢仲會成日佈置屋企同Office，每件裝飾都有佢獨特個性！

YouTube：kinda cool 아영

IG：__kindacool

5. 혜인 HEYNEE

Heynee穿搭形象百變，要可愛又得要型又得，每一種風格佢都Carry得好好！小編喺佢咁多片之中，其中一個系列係教大家每月返工Outfit（이번달 옷 뭐입지?），而且每一件商品喺邊度買都會寫得好清楚，當中仲會教大家好多穿搭Tips！真係學識好多嘢同樣地佢都好多外國人睇，每一段outfit片，除咗有韓文之外，好多時仲會有埋英文、日文、泰文、西班牙文等！

YouTube：혜인HEYNEE 's showindow

IG：heynee_showindow

6. 하비언니TV

Habi同Soshin一樣，都係一位Shopping Mall嘅老闆，佢會著上自己品牌嘅衫同大家介紹，佢係一位有少少肉地嘅女仔，所以如果大家都係有少少肉地都可以參考佢嘅YouTube片，另外佢有時仲會開Live同大家邊傾偈邊同大家分享穿搭。

網站有啲商品仲會有XS到2XL，瘦著又得肥著又得，小編好奇去咗網站睇，每一件評價都相當好，幾乎都係5粒星，有興趣嘅朋友都可以睇吓。

YouTube：하비언니TV

IG：m_mmmj22

網店：habi-unni

7. AliceFunk앨리스펑크

平時喺IG都會見到AliceFunk好鍾意同人分享穿搭，佢同時仲係instantfunk_style嘅創辦人，每一套衫都有韓星著過，大家可以睇吓，之後買可以同偶像同款 YouTube上佢會教大家好多穿搭tips（例如：一件白tee要點揀、唔同體型要揀咩牛仔褲，就連襪點揀都好講究！），同時佢亦都好鍾意買名牌袋同大家分享，有興趣嘅朋友都可以去佢channel度睇吓。

YouTube： AliceFunk앨리스펑크

IG：alicefunk9093

8. 엘피디LPD