Hello，大家好，我哋係由韓國人每日提供最新韓國旅行資訊嘅Creatrip。
就嚟9月，即係又到韓國大節「秋夕」（中秋）。韓綜《超人回來了》亦順勢推出《超人媽媽回來了》中秋特輯。
《超人回來了》中秋特別版
今日（18號），KBS 2TV綜藝節目《超人回來了》（슈퍼맨이 돌아왔다）方面宣佈喺中秋連假期間推出特輯《超人媽媽回來了》（슈퍼맘이 돌아왔다）。
《超人回來了》由2013年開播，係紀錄爸爸喺小朋友出生之後，化身「超人」第一次面對育兒挑戰嘅綜藝節目。製作方表示：「過去8年間隨着《超人回來了》嘅播出，『超人』（SUPER MAN）一呢個詞同爸爸喺育兒中嘅角色發生好大嘅變化」，「而家育兒唔再係爸爸嘅『幫助』，而係應該由爸爸、媽媽『一齊做』嘅事，而『超人』唔再淨係指爸爸，而係指所有一齊育兒嘅父母，具有象徵意義」。
跟住繼續補充話：「配合呢個社會認識變化嘅第一個嘗試就係藤田小百合。為咗迎接今年中秋，會加碼通過特輯《超人媽媽回來了》環節，向大家展示同爸爸育兒唔同，媽媽多樣化嘅育兒方法同苦衷。」
另外《超人回來了》方面亦表示最近收到好消息，就係關於上年6週年特製月曆銷售收入， 捐贈作為殘疾兒童嘅康復治療費，總共有10名殘疾兒童喺1年內接受咗語言、遊戲、工作、行為治療等多方面嘅治療，對增進發育起咗好大嘅幫助，《超人回來了》希望大家今後繼續多多關注溫暖嘅活動。
《超級媽媽回來了》將會喺9月中嘅中秋連假期間播出。 究竟《超級媽媽回來了》會請嚟邊位超級媽媽公開佢哋充滿笑容、感動嘅育兒場面呢？真係令人期待。
如果有更多想知嘅內容，都可以隨時留言或者dm話俾我哋知：）
Instagram：creatrip.hk