2022世界機場排名
2022年世界機場排名名單出爐，連續10年蟬聯冠軍嘅機場被超越！
Hello，大家好，我哋係由韓國人每日提供最新韓國旅行資訊嘅Creatrip。
近日英國航空評級機構「Skytrax」公佈咗今年嘅世界機場排名，原本2021年香港同韓國都喺榜上，但香港今年入唔到TOP10，連年年第一嘅新加坡樟宜機場都失去冠軍寶座！邊個機場咁犀利？一齊睇落去啦！
世界機場排名
世界機場獎由1990年開始舉辦，針對超過550個機場嘅客運服務同設施進行評估，被公認為世界機場行業嘅品質標準。
第10名：日本關西國際機場
日本關西國際機場今年升咗一名，排名第10。佢喺抗疫方面做足措施，獲得COVID-19 機場卓越獎。
第9名：瑞士蘇黎世機場
瑞士蘇黎世機場原本連續2年第7名，今年跌咗少少，排名第9。除咗獲得COVID-19 機場卓越獎之外，呢個機場亦都被選為歐洲最佳清潔機場，更加喺500-1000萬乘客類別中被評為世界最佳機場。
第8名：土耳奇伊斯坦堡機場
土耳奇伊斯坦堡機場排名由上年唔入10名以內，一躍成為第8名！除咗環境優美、設施完善之外，好多旅客都鍾意喺呢度買免稅商品。
第7名：德國慕尼黑機場
慕尼黑機場位於德國南部，舊年一樣都有進入頭10名，口碑相當好，佢亦被評為歐洲最佳機場及中歐最佳機場。
第6名：巴黎夏爾·戴高樂機場
舊年排第15名，今年進步神速，一升升到第6名！
第5名：韓國仁川國際機場
上年同舊年一直都係排名第4嘅首爾仁川國際機場，今年跌咗少少，只係拎第5。
第4名：東京成田國際機場
東京成田國際機場上年排名第2，今年就跌咗落第4名。
第3名：新加坡樟宜機場
新加坡樟宜機場繼上年首次失去冠軍寶座，今年都只係排第3，但佢仍然喺1000萬至1500萬乘客類別中被評為世界最佳機場，另外亦都榮獲世界最佳機場工作人員獎同亞洲最佳機場工作人員獎。
第2名：東京羽田機場
東京羽田機場今年仍然穩坐第2名，唔止COVID-19 機場卓越獎，佢仲另外榮獲亞洲最佳機場、世界最佳國內機場、世界最佳清潔機場，同埋最佳機場PRM/無障礙設施等獎項。
第1名：卡達哈馬德國際機場
哈馬德國際機場由2014年啟用，迅速成為旅客嘅最愛，繼上年之後，今年同樣榮登世界最佳機場寶座！除咗COVID-19 機場卓越獎，另外仲獲得中東最佳機場獎、2500萬至3500萬乘客類別世界最佳機場獎，同埋中東最佳機場工作人員獎，可以話係大獲全勝。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
